🍃 مشاعر_صامتة 🍃| ( مكتملة )

🌛بارت 21 🌜

🌺مشاعر صامتة🌺
                   بقلمي✏️: خولة غزالي🌹
      

هزوها و نطالقو دغيا حيت حالة ديالها خطيرة فالمقابل ألاء و اناس تابعين اسعاف وصلو لكنينيك هبطو كيجرين بانو ليهم هبطوها و مغطينها كلها بليزار خواو بيها رجلها و تكات على أناس نطقات و هي كترعد بصوت خافت: لا مايمكنش
جات ممرضة من هادوك لي كانو فالإسعاف: دكتورة ماتت فالإسعاف كانت حالتها خطيرة بزااف مستحيل تبقى عايشة
سلات هضرتها و غوتات ملي بانت ليها طاحت على طولتها
نطق أناس و هو هازها: ألاء فيقي متخلعينيش عليك
دخلها لواحد الغرفة و بدا كيفحص فيها سالا ركب ليها سيروم و تنهد
نطقات ممرضة بخوف: دكتور اناس مالها واش اتفيق
اناس نطق و هو كيلعب بشعر ألاء: عطيتها مهدئ دبا شوية تفيق
نطقات ممرضة براحة: الحمد الله
سكتات شوية وكملات: راه عيطنا لبوليس ادكتور حيت راها محاولة قتل
اومأ ليها أناس و تاهيا فهمات راسها و خرجات و هو فالمقابل جلس معلي راسو لفوق كيمسد فيه تخلع عليها بزااف ولحد الأن قلبو كيحس بيه ايوقف بالخوف عليها

💥فبلاصة خرى

داخل بخطواتو هادئة لمركز و عينيه مجبدين باين فيه ياله فايق من نعاس ناس ناوين انعسو و هو ياله فايق ،اي بلاصة كيدوز منها كيعطيوه تحية دخل لمكتب ديالو لقاهم گالسين كيتسناو فيه جوج أشخاص فورمتهم بحال بحال عاطين بظهر لباب ، بعد ما سمعو لباب تحل تلفتو باش تبان ملامح ديالهم وقف واحد فيهم كان لابس سروال اسود و تيشورط فلبيض ملامح ديالو شهبة و عينيه خضرين نطق بهدوء: جريمة قتل
وقف شخص تاني لي كان لابس سروال تجين زرق و تيشورط بيض ملامح ديالو سوداء من غير عينيه لي خضرين، نطق تاهوا بهدوء:كيف لعادة
ناصر عض شفايفو توجه لكورسي ديالو و جلس نطق موجه كلامو لشهب: إلياس تقرير
نطق إلياس بتبات : عيطو لينا فكنينيك باش يبلغو بجريمة قتل مفادها ان ضحية تعرضات لطعن لي أدى بيها لموت قبل ما توصل لكنينيك
نطق مكمل هضرتو بعد ما شاف ناصر شبك ليديه: نفس لوقت و بنفس طريقة مايكونش نفس شخص
نطق شخص لي معاهم : ممكن حيت كيف ديما كل شهر ضحية و لي كتكون انتى و بنفس طريقة لي هي طعن ادن نفس شخص
نطق الياس بهدوء: على حساب لا كانت 8 طعنات فراه نفس شخص اياسر
نطق ناصر بهدوء و  هو كيطقطق أصابع ديالو مع بيرو :متأكد انه نفس شخص
هز راسو فيهم و نطق بنفس هدوء: ما كاين هاد لمرة تا خيط ؟؟
نطق إلياس بغيض: كيف ديما
نطق متدخل ياسر: لا هاد مرة كاين إختلاف
شافو فيه موسعين عينيهم بجوج لا ناصر لا إلياس نطقو دقة وحدة: لي هو
ربع ياسر ليديه و نطق: قبل ماتموت جات شاهدة وهي لي تاصلات بالإسعاف تقدر تنفعنا
بتاسم إلياس و نطق: زعما تكون قالت ليها ضحية شي حاجة قبل ماتموت
ياسر بإبتسامة: ممكن
وقف ناصر بهدوء تحنى لمجر حلو هز فردي ديالو ركبو و نطق: ياله ناخدو أقوالها لكانو ينفعو
متسناهمش ديك ساعة خرج من بيرو و من مركز ركب فلوطو و تسناهم باش يجيو و للحظة خانو تفكيرو فيها كيسول راسو اش اتكون كدير واش نساتو ولا تاهيا مرة مرة كتفكرو عض على شفايفو طارد أفكارو ملي شافهم ركبو و هازين تقارير فليديهم ديمارا بعد ما نطق بهدوء: اسم لكنينيك
نطق ياسر بهدوء: كنينيك(...)
توسعو عينيه باستغراب سرط ريقو و زاد فسرعة مستحيل إنسى سمية ديال كنينيك لي غير ليه حياتو

يتبع....✏️

تخيلو يكون مجرم هو البطل💃💃وراه مغاديش يتلاقا معاه هي سخفانة كونو هانين 🤦ياله البنات بونوي♥️
هاتيتيز اخور👇🤤