🍃 مشاعر_صامتة 🍃| ( مكتملة )

🌛بارت 30 🌜

🌺مشاعر صامتة🌺
                   بقلمي✏️: خولة غزالي🌹
         

نطقات الاء و هي كدمع و تاكل فضفارها: عافاك غير عتقو راه من بعد و نعاود ليك
نطق برزانة كيحاول يتبت راسو: واخا واخا سيري دبا جيبي ليا غير لوازم باش نعتقوه
ديك ساعة طارت من حداه مشات تجيب ليه داكشي لي باغي و رجعات و هي جايباهم مخلياه يبدا فشغلو بعد ما لبس ليگات و هي مشات عمرات واحد إناء فيه لما باارد و خوات فيه شوية لخل و زادت عليهم تا قطع ديال ثلج ، رجعات كتجري حطاتو فوق كوافوزة و مشات لبلاكار هزات فوطة ديالها صغيرة و رجعات جلسات حداه فجيهة لاخرى غطسات لفوطة فلما و هزاتها عصراتها شوية و حطاتها فوق جبهتو ليديها كيترعدو و عينيها مزاگينش متبعة مع أناس شافت فيه ملي سمعاتو نطق
اناس: طلعات ليه سخانة ؟؟
ألاء بخوف: اه تاتسالي و عطيه مسكن يهبطها
أناس بدا كيخيط و نطق: اش واقع
ألاء تنهدات حيدات ليه فوطة من فوق راسو و بدات كتعاود ليه سالات و نطقات: بسبابي هو وقع ليه هكا
أناس شاف فيها بخوف: مغاديش تعتبي دقيقة فهاد دار الى متشدش داك مجرم، جمعي حوايجك اتمشي معايا و هادي مافيهاش نقاش
تاهيا معتارضاتش حيت بغات تموت بلخوف مستحيل تجلس بوحدها بعد لي وقع سكتات متبعاه تا بان ليها دار فاصمة و لصقة لبلاصة جرح و نطقات: صافي ساليتي
أناس مسح جبهتو لي عرگات بدراعو و نطق: الحمد الله ما غارقاش ماشي شي حاجة لي خطيرة دازت سالمة
سكت كيجمع مُعدات باش خدم، حطهم فوق كوافوزة و مشا يغسل ليدو تاهيا حيدات ليه فوطة من على جبهتو  قاست ليه جبهتو بانت ليها مابقاتش سخونة حيت اصلا ماكانش سخون بزااف ولكن بغات تاخد احتياطات دياولها قبل ما طلع ليه نييت ،هزات لإناء و خرجات غادا لكوزينة شافت فلباب تاكدات انه مسدود عاد مشات لكوزينة غسلات داكشي و غسلات حالتها عاد تمات خارجة بان ليها أناس تاهوا خارج من طواليط عنقها بلا تا كلمة و تاهيا بحال الى كانت محتاجة لداك لحظن تمخشات فيه و دموعها دايزين هادشي لي وقع ليها مؤخرا كتحس براسها عايشة فشي فيلم ديال اكشن بقات مدة و هي معنقاه عاد بعدات منو و هو شد ليها وجهها بين ليديه ، باسها من جبهتها و نطق بحنان: متخافيش انا معاك دبا ماغادي يوقع ليك والو
بتاسمات ليه بدا كيمسح ليها دموعها و تم جارها غادين لبيت جلسو فوق واحد فوتوي مقابل مع سرير جرها فحظنو معنقها و مزير عليها نطق بحنان و هدوء محاول يخفف عليها واخا غير شوية: نعسي دبا رتاحي
هزات راسها من صدرو و نطقات : و هو
بتاسم ليها أناس بدا كيمسح على شعرها و نطق: ماغاديش افيق دبا تال غدا غير نعسي
هزات راسها بإيجاب و نعسات على صدرو مكاملاش 5 دقايق و كانت ناعسة مع لعيا و تاهوا هكاك داتو عينو بقوة لخلعة نعس و هما ما حاسين بوالو

تأوه بألم ملي حس بلحريق فجنبو هز ليديه حطها فوق لجرح عض شفايفو بألم كتر كيحس بديك لبلاصة عاطياه لحريق نيت ،بدا كيفتح فعينيه بشوية و ضبابة محتالة عليهم كيحلهم و يعاود يسدهم تا تمكن من انه يحلهم بلا متبان ليه ضبابة، بدا كيشوف فصقف نيشان كمش حواجبو ملي جاه صقف غريب ماشي هو صقف ديال بيتو فجأة جات گاع أحدات على عينو لمح ضو لي داخل لبيت عرف نهار جا حرك عينيه و ماغاتجي غير فالمنظر لي خلاه يعض شفايفو بغضب كاتم أحاسيسو كيشوفها ناعسة وسط احظانو و مرتاحة بحال الى مخاصها تا خير (وراه بصح مخاصها تا خير ناعسة على بونج البصمة علامة الجودة )
عينيه بان فيهم لمعة ديال غضب ماتقبلهاش بمرة معرفش علاش ولكن لي عارف ان هاد منظر ماحملوش ستفزو لواحد درجة كبيرة الم لي فجنبو مابقاش كيحس بيه حاجة وحدة لي كيحس بيها هي المنظر لي قدامو وهما معانقين عض على شفايفو كاتم جميع أحاسيس لي فقلبو و بلا ميحتاج افكر بانت ليه قرعة لما ديال زاج فوق كوافوزة حاول ينوض تا جلس متكي على كادر ديال ناموسية مد ليدو لقرعة و طيحها تا ولات ارض كلها زاج و على هاد صوت قفزو بجوج من نعاس بدات ألاء كتحك عينيها شافت فشرجم بان ليها صبح لحال شافت ناحية سرير كيبان ليها جالس و كيشوف فيها بنظرات باردة شافت فأناس ملي سمعاتو نطق
اناس بذعر: اش طاح
تلفتو بجوج ناحيتو كيشوفو فيه ملي نطق ببرود : طاحت ليا قرعة

يتبع ...✏️

كداااب 🙂و الله اخوتي تا هو لي طيحها ماشي طاحت ليه🤦