و داكشي لي كان جبدوها ليه و بقا كيشوف و الياس و ياسر حداه تا بانت ليه خارجة من بيرو و خرجات لزنقة و وقفات حدا لوطو شاف شي حد وقف عليها مدة عاد بان ليه شد فيها و تمو غادين مقدرش يلمح وجهو حيت كاسكيط نطق ياسر بصدمة: لؤي تماك ناصر خبط لبيرو و نطق: علاااش خرجتي قلت ليك تسنايني شاف فياسر و نطق بغضب و جدية: تقاس شعرة منها نقتلو بربي تا نقتلو ياسر سرط ريقو و تلفتو ناحية شاشة كملو فيديو تا شافهم ركبو ديك ساعة وقف لقطة خدا تيلي و صور رقم ديال لوطو و خرج من لبيرو جامع لبوليس عاطيهم رقم لوحة و نطق ناصر: دباااا تعلمو جميع طرق ان هاد لوطو مدوزش و لي شافها يحبسها وداكشي لي كان قضية ترونات و طرق محبوسين كيفاش متحبسش و حبيبة لعميد مخطوفة قلبو فخطار مستحيل يرتاح بلا مايلقاها
خارج من مركز نهار على قدو و ماوصلو لوالو وقف عليه اخر وحد تمنى يشوفو هنا نطق اناس بتساؤل: ألاء اناصر ملقيتهاش فدار كنصوني لتيلي ديالها طافي اش واقع ياكما واقع ليها شي حاجة ناصر بغا يقمعو ميقدرش كيبقا هو لي عاون حبيبتو تا وقفات على رجليها واخا يبغي ينكر ميقدرش هو كان مأنس ليها فالماضي حدو نطق بهدوء: ألاء تخطفات أناس سرط ريقو قلبو بدا كيضرب بخوف: كفاااش ناصر عض شفايفو بغضب و نطق: انقتلو لا لقيتو نقتلو قال هضرتو و تحرك ناحية لوطو ركب و ياله ناوي يديماري تا كايشوفو ركب حداه عقد غوباشتو و نطق بتساؤل: اش واقع اناس بجدية واخا ماعرفش اش واقع: الاء توقع ليها شي حاجة اتكون هضرة خرى دبا تحرك نقلبو و لا نشوفو اش نديرو ناصر مافيه لي يبدا يتقابح معاه تحرك مكسيري يقلب براسو مايعول على حد
🌺فبلاصة خرى جات خارج المدينة و بضبط فواحد مستودع جا وسط الغابة حس البشر ما كاينش كيتسمع غير صوت شجر لي كيتحرك بفعل رياح و صوت عصافير واخا هكاك مكان كيبعت رعب فنفس داخل داك مستودع لي ماكانش كبير بزااف جا مربع و بلا شراجم من غير واحد شرجم جا لفوق قريب صقف و صغيير مدخل ضو لي ضارب نيشان ناحية واحد لكورسي كانت جالسة فيه و مربوطة ناعسة و راسها مدلي لجنب و لصقة على فمها كمشات عينيها كتر من ألم لي جاها فراسها لولبات عينيها وهما مسدودين تأوهات بصوت مكتوم و بدات كتحل فعينيها و ترجع تسدهم تا قدرات تحلهم بمرة و بدات كدور فيهم كتستكشف فلمكان و هي عاقدة حجبانها مستودع كان شبه خاوي من غير جيهة واحد لحيط مستفين كراطن و من منظر تعرفهم خاوين و حداهم كاينة طبلة طويلة محطوط فوق منها ستيلو و ملف و قنبة وسعات عينيها كتر ملي تفكرات اش وقع ليها تغرغرو عينيها حسات بالحگرة و الخوف و ظلم تجمع عليها كولشي بدات كتحرك و ليديها مربوطين مع جناب ديال كورسي و تا رجليها عيات تعافر و والو مقدراتش تال واحد لحظة طاحت على كرشها و كورسي ضربها من ظهرها وعتها تأوهات بألم و طلقات عنان لدموعها و شهقاتها لي مكيتسمعوش عقلها بغا يخرج حاجة وحدة لي فبالها هي ان ليوما يحفرو قبرها لا غير، مدة و هي هكاك مستسلمة ماقدراتش تنوض و لحمها تعگر حيت كورسي وعتها بجهد كمشات على ليديها ملي سمعات صوت لباب تحل و عطا صوت مجهد تا لحيوطة ردو عليه لولبات عينيها باش تشوف شكون ساعة كانت عاطية بظهر ماعندهاش كفاش حسات بلكورسي تهز تا مشات و جات و كتسنى فيه يبان قدامها و تاهو معطلهاش وقف قدامها و هبط لعندها حاط ليدو على فخدو و ليد لاخرى كيحيد شعرها من على وجهها ديك ساعة نفضات راسها محملاتوش يقيسها تا هوا حلف لا تزعزع بقا حاط ليدو على شعرها كيحركها بشوية و عينيه فيعينيها لي باين فيهم لخوف نطق بصوت ركب فيها رعب لؤي: مال زين مقلق زير على شعرها مزيان و قربها ليه: ولا ياكما ماعجباتكش ضيافة ديالي ألاء تأوهات بألم و عينيها غمضاتهم خلات دموع كيسرسبو على خدها: امممم اهييئ عض على شفايفو و طلق منها حيد ليها لصقة تا قشر ليها شفايفها و دازو منهم دم غوتات مجهد : اااييي لؤي خرج عينيه فيها وغوت مجهد: قطعي حسك سمعتي ألاء هزات عويناتها لخضرين فيه كتشوف فيه برجاء: عااافاك خليني نمشي انا مدرت ليك والو
يتبع...✏️
اشبانليكمنزوجهالؤياصلاهو حسن منناصر🙄🙂
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
