🍃 مشاعر_صامتة 🍃| ( مكتملة )

🌛بارت 10 🌜

🌺مشاعر صامتة🌺
               بقلمي✏️: خولة غزالي🌹
   

هي بؤبؤ ديال عينيها توسعو بصدمة و هادشي لي رد ليه لبال هو ،اصلا هو بغاها تمشي معاه هي غير على قبل لبلانات ديال قحا*ب لي كيديرو معاه لبنات ،و هي مكديرهمش جاتو هي ماشي بحالهم
ألاء تلفتات من موراها و رجعات شافت فيه هزات صبعها موجهاه لراسها بصدمة و نطقات بتساؤل : انا
شافتو هز حاجبو بحال الى كيقول ليها من نيتك ،حركات راسها بنفي و هي كضحك بصدمة: هيهبيهي لا مستحيل مايمكنش
بقا هاز حاجبو فيها بتساؤل و استهزاء ياله اينطق مي سكت ملي سمعو هو نطق
أناس نطق بجدية : ولكن موسيو ناصر انسة ألاء ماشي ممرضة راها دكتورة يعني مايمكنش راه عندها خدمتها هنا
نطق ناصر بجدية و ها لعب دراري صغار كون قالت اه كان ايرفض مي دبا ملي رفضو ،هي لبغا و ربي كبير راه كيموت على لعناد : و هادشي لي بغيت
كمل كلامو ملي شافهم كيشوفو فيه بتساؤل: هو كنت اندي معايا ممرضة و ضروري نجيب طبيب باش نبدا ترويض حيت مستحيل نبقا غادي جاي لعندو داكشي لاش وصلت لحل و لي هو اني نجيب طبيب بلا ممرضة يعني داكشي لاش بغيت دكتورة ألاء تكلف بحالتي و بالنسبة لخلصة فراه انعطيها ليها بحال الى كانت خدامة فكنينيك او نقدر نعطيها كتر على حساب هي و خدمتها واش تقناتها
سكت شوية كيسرط ريقو حس براسو هضر بزاااف و هو عدوه هضرة بزاف تلفت جيهتها و هو هاز حاجبو كيشوفها باغا تنطق تا قاطعها اناس
اناس: احم تا هادا نضار مي ممكن تا تفكر عاد ترد عليك حيت راك عارف بروگرام لايكون ديجا عندها شي حالة
اومأ ليه ناصر بلا ما يجاوبو فلمقابل أناس جر ألاء و خرج و تبعوه ممرضين بقا غير ناصر و معاد
نطق معاد بتساؤل: علاش هي
ناصر بقا ساكت ماجوبوش نطق بتبات بعد مدة: امكن حيت عنيدة
سكت و كمل هضرتو: لقيتوها
معاد سرط ريقو و نطق: كنحاولو لقاوها
ناصر شاف فيه و عينيه حمرييين: ماخاصكش تحاول راه خاصك تلقاها
معاد حرك راسو بإيجاب و نطق:احم عند بالي معاك ملي شفتك تانت غبرتي
سكت كيتسناه يجاوبو ملي ماجاوبوش نطق بتساؤل: كيف وقع
نطق ناصر و هو كيتفكر ديك ليلة: غنقتلها حيت خانت تيقتي فيها

💥فلاش باك 💥

داخل لدار بعد ما كان مسافر مدة سيمانة على ود الخدمة ، داخل و فرحان حيت قدر إيسالي قبل من يوماين جاي و معول ادير ليهم مفاجأة لمو و ختو
هز حاجبو بتساؤل كيشوف ضواو طافين و صقيل كانت دار كبييرة كتكون من طبقتين حط ساك لي هاز حدا واحد لكورسي و تم طالع لفوق و هو عارف أيلقاهم فغرفة نوم ،سرع خطوات ديالو و هو كيمشي بكل خفة و تبات و محافظ على إبتسامة راقية مي دغيا ختافات و حواجبو تعقدو جراء الهضرة لي سمع
سماح كانت كدوي فتيلي بكل ارحية و تقة و تكبر: امم لا مزاال مجاش باقي ليه يوماين ، مكرهتوش ميجيش ، منقدرش ندير هادشي لي كتقول، هانت غير سمعني احبيبي حنا صبرنا 3 سنين مافيها والو نصبرو شوية اصلا هو وعدني انه ايعطيني وراق ديال أملاكي هاد عام كان داير معايا اتفاق الى شديت معاه طريق غادي يعطيني وراق لملكية ديال املاك بابا حيت هو ماهاموش شركة باغي غير خدمتو اكمل فيها مستحيل اتخلى عليها ، واش من نيتك كتقول هاد لهضرة انا مستحيل نتراجع و نكون فصفو و نتخلى عليك انا كنبغيك نت ، لا مندمانة على والو تا على لحمل ما ندماناش عليه حيت هو طرف منك ،ههه مسكين بعد المرات كيبقا فيا عند بالو انا هي ديك الأخت لمتالية لي كتسمع هضرة خوها ما عرفش اني مامعتابراهش خويا كيبقا ولد ماما لا غير و كون جاتني لفرصة كون قتلتو شحال هادي كون مكانش هو كنت انا لي غنكون الوريثة ديال هاد املاك كلها ، اوكي صافي انحاول نسرع هادشي، سمع اتجي غدا ياكا راه ماكاين تاحد و مليت بوحدي، اكيد غدا ليلة اندوزوها كيف ليالي لي قبل، تانا كنبغبك باي
كانت كدوي معاه و كتجاوبو بأريحية و هي غير منتابهة للوحش لي كان واقف فلباب و عاطياه بجنب حيت صدقا كون كانت حاسة كون تمنات لموت قبل ما تقول هاد لهضرة كانو عينيه حمرين جبينو فيه نقاط ديال عرق و عروق ديالو بارزين مزير على قبضة ليدو رجل بكبريائو و غرورو كلو تطعن و نكاسر من غير انها جرحات قلبو لي كون طلباتو يخشي ليديه و يجبدو و يعطيه لختو حبيبتو و لكن هي لا   جرحات تا رجولتو كفاش ختو عاطيها امان و حب و تقة و فالمقابل هي مشاركة لفراش مع واحد مابيناتهم والو من غير انها عاهرة و عشيقة ديالو راه غرور رجل تايق فختو متقبلهاش ان ختو حبيبتو لي مكبرها بحال صاحبتو ماشي ختو رايمها ليه اي حاجة حلات عليها فمها كان كيحضرها ليها كيفما بغات تكون فالمقابل كان طالب منها غير تصون شرفها ولكن هي اش دارت طعناتو مورى ظهرو و دارت داكشي لي كيديروه العاهرات ، كولشي تلاشا فهاد لحظة كيحس بلكره تجاهها و كلمة كره و قليلة فحقها كون قالها ليه شي حد كون كدبو مي لا سمعها بودنيه عمرو تعامل معاها على اساس انها ختو من ماماه صافي لا كان كيعتابرها ختو نيت مكانتش عندو ديك لحساسية بيناتهم ،زير على قبضة ليديه كتر كون كانت ليدو كتحدت كون قالت مقدار الألم لي كتحس بيه ولكن ماشي بحال مقدار لألم لي تخلف فقلبو إتر غدرها و خيانتها لتقة لي عاطيها 

يتبع...✏️

كون كنتو فبلاصة ناصر اش اديرو 🤔💔