🍃 مشاعر_صامتة 🍃| ( مكتملة )

🌛بارت 114🌜

🌺مشاعر صامتة🌺
                   بقلمي✏️: خولة غزالي🌹
       

نجوى عينيها تغرغرو قوات راسها و نطقات: ياسر انا ماقصدتش داكشي لي كنت درت راه كانو عندي اسبابي و الله
عض شفايفو بغيض و نطق: اهاه شنو مزال
خرجات نجوى عينيها و نطقات: ياسر نت بزز منك غادي تسمعني و ديك ساعة دير لي بغيتي ماغاديش نتسوق غير دبا ماباغاش نبان خايبة
مسح على وجهو و نطق: لا سمعتك اتغبري عليا وجهك
اومأت ليه فالمقابل تاهو ربع ليديه و نطق: ايه نطقي
نجوى نطقات و عينيها فعينيه و كدوي بنبرة باين فيه لحزن : أنا ماشي كنت كلعب بيك أياسر داكشي لاش رفضتك لا بالعكس انا كنت كنبغيك كتر ما تخيل و لكن انا كنت مخطوبة بابا كان عاطيني لولد صاحبو بزز مني حطني بين سخط و رضى و ملي وافقت جاتني قضية هنا فالمغرب داكشي لاش جيت و ملي جيت تلاقيتيك و بغيتك خديتي قلبي بلا ما تاخد ادن ،فراه اي كلمة كنت قلتها ليك و لا لحظة عشت معاك فراه كانو حقيقيين و من قلبي و لكن كنت ديما متخوفة نهار نعاود ليك تخليني و تمشي تال نهار لي عرضتي عليا زواج مابغيتش نظلمك معايا نوافق عليك و تعرف اش كاين و خصوصا ان بابا كان رافض رفض قاطع نتخلا على خطيبي داكشي لاش رفضتك و ماشي غير نت لي تعدبتي لا تانا عشت ضوبل عدابك و اول حاجة درت ملي مشيت لإنجيلترا حاولت نبين خطيبي على حقيقتو قدام بابا و داكشي لي كان تاخد مني عام ديال وقت باش نمتل عليهم خطيبة سعيدة و لي كتبغي خطيبها و لكن ملي فسخت خطوبتي ماقدرتش نرجع لعندك خفتك تكون بنيتي حياتك بعيد عليا فمغاديش نقدر نشوفك بعيد عليا داكشي لاش مارجعتش و لكن جا عندي اناس باش ندافع على متهم و لي من صدفة طلع هو خوك و تماك حلفت مانتهنى تا نقول ليك اسبابي باش ماتبقاش غالط و تقول فبالك اني ماكنتش كنبغيك و كنت كنضحك عليك
سالات هضرتها مسحات دمعتها و نطقات بجدية: دبا لي عليا درتو
سلات هضرتها و تلفتات حلات ساقطة و لباب و ياله خطات خطوة تجرات من ليديها سد لباب و رجعها متكية على لباب كيشوف فيها بعينيه لحمرين نطق بصوت باين فيه لغضب: اش ناوية ديري
نجوى شافت فيه بحزن و نطقات: : نغبر وجهي عليك
شدها من عنقها مطلع ليها راسها لعندو و مقرب ليها نطق بغضب: عمرك تحلمي بيها واخا نعرف نقتلك
سالا هضرتو و تلاح على شفايفها كيقبل فيها بعنف ماشي كيبوس غير كيعض كيعاقبها على سنوات لي ضيعات عليهم كون بصح عارفاه شحال كيبغيها ماتصرفش هكا راه كون جاتو لصراحة من لول يتقاتل على قبلها و لكن هي خبات عليه وهادشي لي خلاه يتعصب و لكن دبا عارف حاجة وحدة هي ديالو و مغايخليهاش واخا يوقع لي وقع
بعد منها و نطق و هما كيتنفسو بجهد: و دبا اترفضني
هزات ليديها و وراتو لخاتم: عمري رفضتك
عض شفايفو كيحس بقلبو كيضرب نطق بجدية: هاد سيمانة نجي لداركم و لكن اتصبري عليا تايخرح لؤي و ندير ليك لعرس
بتاسمات ليه بحب و نطقات: و علاش مانصبرش عليك
بتاسم ليها ابتسامة بريئة مابقات شافتها من نهار تخلات عليه باسها فجبهتها و حل لباب و خرج هو وياها نسا اصلا لاش جا لحمام

عند ناصر لي كان جالس فوق ناموسية و مجلس ألاء على رجليه كيقبل فيها بحب و ليديه كيتحركو فحنكها هايم فيها قلبو ماسكتش راه ولا كيتنفس من ريحتها ،شوية هبطات ليدو لعنقها و تمات هابطة حطها على صدرها ديك ساعة قفزات و بعدات منو بشوية و حلات عويناتها لي منيمين و تاهوا حل عينيه بشوية و نطق بصوت هامس: مالكي
سرطات ريقها و هبطات عينيها و حناكها مزنگين: ناصر
تنهد و هبط راسو لعنقها كيبوس فيه و نطق: دكتورتو
حطات ليديها على راسو كتلعب بشعرو و نطقات بتوتر: نطلبك
تنهد ليها فعنقها و نطق بصوت خافت: راكي مرتي ا دكتورة
غمضات عينيها عرفاتو فهمها و نطقات بصوت حنين: عافاك غير تنديرو لعرس
تنهد ليها و بقا مكمل بوساتو مخليها متخوفة تا بعد بشوية و باسها فحنكها نطق بصوت حنين و ليديه كتلعب فشعرها: لي بغيتيها نديروها
لمعو عينيها بحب و نطقات: بصح
اومأ ليها و تلاحت عنقاتو قلبها ماسكتش عمرو رفض ليها طلب لي طلباتها كيقول ليها واخا عمرو قال ليها عيقتي و هادي لا و هادشي الى بين ليها على شي حاجة الا و انو بين انو طايح فيها و كيبغيها و هي ماشي قل منو بالعكس كتبغيه و كتحماق عليه
بعدات منو و قفو خارجين من غرفة ناوين يتعشاو مجموعين باش كل واحد يمشي لدارو واخا ماسخاوش بالجمع

يتبع...✏️

شوفو ليكم ياسر نسا يبول 🙂