🍃 مشاعر_صامتة 🍃| ( مكتملة )

🌛بارت 35 🌜

🌺مشاعر صامتة🌺
                   بقلمي✏️: خولة غزالي🌹
             

مشات خدامة و خلاتهم بجوج شي كيشوف فشي بعد مدة نطقات بهدوء: مابغيتش نتعشا
شاف فيها و ياله اينطق تا دق لباب و تمات داخلة خادمة جايبة ليهم لعشا بعد ما عطاها ادن دخل حطات كولشي فوق طابلة كاينة فلبالكو و نصارفات شافت فناصر ملي نطق بهدوء
ناصر: خاصني نوض
عوجات فمها و نطقات بصوت خافت: على شكون نوضك كبيلة
تقدمات لعندو و بقات واقفة كتشوف راسها اش دير مابغاش تقيسو شافت تاعيات و قربات ليه تا طاح شعرها على صدرو مخلياه مغمض عينو و نيفو كيستنشق ريحتها حطات ليدها على خصرو خلات ضو يضربهم بجوج من ملمس و احتكاك اجسادهم عاوناتو تا وقف و هو مكمش عينيه بألم حيت توعت بغات تبعد ولكن هو كان ليه رأي أخر حط ليديه على خصرها لعاري ليديه باردة مقارنة بلحمها لي سخون قربها ليه جنب و تم غادي و لايح عليها تقلو شوية، جاب ليه الله علامن يتفشش ما وصلات لبالكو تا غفر ليها الله جميع دنوب غادة و كتحس بركابيها كيخواو بيها كان كيتحسس خصرها بشوية بأنامل ديالو عجبو ملمس لحمها رطب خلاتو غافل على انه وصل وخاصو يجلس ندم علاش مخداش شي غرفة فيها لباركو بعيد على ناموسية
حمحمات بحرج و نطقات بهدوء و حنيكاتها مزنگين: احم راه وصلتي
منطقش. و مشافش فيها عاوناتو جلس شاف فيها و نطق ببرود: جلسي تعشاي
شافت فيه اتنطق شافتو هاز حاجبو كيتسناها غير تنطق و عودات شافت فلعشا حسات بجوع جاها و بلا متناقش جلسات بهدوء و بداو كياكلو واخة مكلاتش بخطرها و هي كتحس بنظراتو ماعرفاتش مالو معاها ماكيدويش و ديما بارد و نظراتو عليها واش كيتسنى غير لفرصة لي يقتلها و لا كفاش هزات عويناتها خضرين و تلاقاو مع عينيه لكحلين كيشرب من كاس عصير و عينيه عليها خلاها تزنگ بلعات ريقها بتوتر مابقات بغات بو هاد لماكلة بناقص منها شربات لما دقة وحدة وكتحاول تفادا ولكن مقدراتش وقفات دغيا و نطقات: احم خاصني نمشي
شاف فيها بهدوء سمع تيلي كيصوني هزو شاف شكون جاوب و عينيه مزال عليها هي لي كتشوف فيه بفضول: ياسر
ياسر ببرود: جريمة قتل
عض ناصر شفايفو و نطق بغضب: نفس مجرم؟؟
ياسر: اه
ناصر: معلومات دبا يكونو عندي
قطع معاه و هو كيعض فشفايفو هادشي مامسلكش عمرو طول فشي قضية بحال هادي كيحس براسو مكبل و هادشي ماعجبوش بمرة اي قضية كيحلها بهدوء و لكن هادي لا مجرم ديالها صدق دكي و لكن ضروري يكون شي خطأ دايرو ماكيناش شي قضية بلا خطأ و تكون كلها كاملة
سرط ريقو تا تفاحة ادم طلعات و هبطات ملي عينيه جات فعينها كيشوفها كيفاش ميلة راسها و كتعض فشفايفها بخوف و توتر عرفاتو كيدوي على نفس لمجرم خافت لايوقع ليها نفس لبلان نطق بهدوء بعد ما بعد نظر ديالو:بغيت نوض
واش عوتاني ادوز من عداب عوتاني خاصها تعدب هي و أحاسيسها ملي تقرب ليه تنهدات مسلمة أمرها الله بالعكس الى ناض هي اتكون قادرة تمشي لغرفتها و تبعد منو اه قالت غادي تخليه يبغيها و تبقا قريبة منو و لكن فيما تقرب ليه كتبغي غير امتى يبعد ،قربات ليه شدات فيه و نوضاتو تا تكاتو فوق سرير و هي مايلة لعندو و ليديه على خصرها عينيه عليها مامحيدهاش و هي مزنگة سالات و بغات تنوض كتحس بيه مزيرها لعندو طلعات راسها لعندو عويناتها كيشوفو فيه بتوتر كانت قريبة ليه لواحد درجة بزااف كيتنفسو من انفاس بعضهم نطقات و هي كتسرط ريقها
ألاء: احم واخا ترخي مني
زير عليها كتر تا حطات ليديها على صدرو كفاش قدرات تقول ليه رخي مني و هو براسو ماقادرش كيحس بأي خلية فيه و اي عضو و جزء منو منجادب ليها لواحد درجة قاتلة عينيه كانت على شفايفها ملي نطقات جاوه مغريين ملي حركاتهم بديك طريقة جاتو واحد رغبة كبيييرة تجاههم مشهيهم لحد لموت باغي يرشف منها و ماشي من بلاصة خرى يدفع مال دنيا غير يعاود يلتاحم شفايفو مع شفايها و قبل مترمش من جو مشحون و متوتر بيناتهم حسات بشفايفو تحطو على شفايفها كيقبل فيهم بحنية كبيرة و عينيه مغمضين باغي يحس ماشي يشوف كيقبل و يمص ريقها مخليها مصدومة ملي فاقت. على راسها بدات كدفع فيه كتحاول تبقا فايقة و متجاوبش معاه قلبها كيضرب بعنف و كرشها من لتحت كتحس بيها كتهرها و قلبها كيضرب عيات تدفع والو بالعكس حسات بيه كيقبل فيها بعنف حول قبلتو من حنية لعنيفة ،صافي تخنقات باغا تشم لهوا و تنفس بدات كضرب ليه صدرو بلا مدفعو و تاحس بيها تخنقات عاد ختم قبلة ديالو و خيط ريق جامعهم مص شفايفو من ريقها يتبنن و عينيه نايمين فيها كتبان ليه كتنفس مجهد و صدرها كيطلع و يهبط بعنف طلق منها ملي دفعاتو وبلا ما تزيد تفكر صرفقاتو قالت فبالها كون نهار لول صرفقاتو و وقفاتو عند حدو فمغاديش يعاود يكررها لمرة ثالتة تسنات تا جمعات نفس و نطقات بغضب: اش هاد تصرف درتي
رمش فيها جوج مرات تصرفيقتها ماكانتش قوية و لكن حس بيها مزال ماستوعبش اش دارت زير على ليديه و ملامح ديالو ماباين فيهم والو حدو شاف فيها ببرود هادشي لي خلاها تعصب كتر نطقات بصوت عالي و هي هازة صبعها: اخر مرة سمعتي ولا قسما بالله تا غندير شي تصرف مايعجبكش
شاف فصبعها بنضرات باردة و عاود شاف فيها و نطق ببرود: ساليتي خرجي بغيت نعس
عينيها تغرغرو و حمارو لوحد درجة لي بزاف شافت فيه و خرجات خابطة لباب مجهد
ناصر نطق بجهد: ديه معاك گاع

يتبع...✏️

امن حقها أشريف ديه معاها 🙂