زير على فكو من فكرة لخرى ،لا واخا تخرج من دارو مايمكنش يدير لي يدير خاصو يبقا بعيد عليها حيت ماتليقش ليه اه بصح ماتليقش ليه اصلا ماتليق لتلحد هي خاصها تبقا وحيدة تال اخر نهار فحياتها ماكاينش سي ولد لمرى لي يجي معاها اللهم تبقا وحيدة احسن ليها اه اش عندها مادير بشي حد مزيان تبقا بوحدها عض حنكو من لداخل مامتحملش شعور لي كيحس بيه و مامتحملش افكارو لي بقا ليها شوية و يتفرگع ليه دماغ مضارب مع راسو ماباغيش يحس بهادشي لي كيحس بغا يخرج من أفكارو حل واحد لي كيفكر فيه هو يضرب راسو مع لحيط باش يحبس هاد صداع لي فدماغو حاس براسو كيتعدب و ماشي اي عداب لا عداب نفسي لي مايجيش فوقو اي عداب هز عينيه سوداء فيها ملي بانت ليه نطقات و هي شادة فتيلي ديالها غير خرجات وقف تاهوا و راسو ضارو بغا يعرف شكون لي مصوني ليها و ربي كبير مامسوقش علاش كيسول راسو هكا لي كيهمو يعرف شكون شاف فياسر ملامحو باردة : إقتراح دكتورة ملغي من لحظة لي نطقاتو بيها بغيتو تخدمو طعم ماسوقيش خليوها هي بعيدة سالا هضرتو و تم خارج من صالة و عينيه كيقلبو عليها اصلا هو عيط ليهم غير على قبل هاد موضوع حيت من نهار قالت ليهم اقتراح و ياسر فاضح ليه راسو داكشي لاش بغا يدوي معاه فاص و لكن دبا مابقاش عندو دماغ ديال هضرة لمحها واقفة فجردة و عاطية بظهر لدار ديك ساعة تقدم لعندها اما لداخل فصالة إلياس شاف فياسر و نطق : انوض نحل مشكيلة لي تسببت بيها مع حبيبتي ياسر خرج فيه عينو ملي شافو وقف و نطق إلياس: خالتي انا جاي واخا فاطمة هزات عينيها من مجلة گعما مسوقة لأش واقع بتاسمات ليه و نطقات : واخا اولدي إلياس ديك ساعة خرج من صالة متاجه ناحية لكوزينة بانت ليه واقفة مع خدمات كيوجدو كاسكروط حدو نطق بهدوء: انسة أسماء واحد لحظة أسماء سرطات ريقها كانو عينيها دابلين و حمورية مغطياهم باينة انها كانت باكية نطقات و هي عاطياه بظهر: احكم سيدي مامسالياش دبا قفزات ملي سمعاتو نطق بجدية و صوت عالي شوية: قلت ليك دقيقة تلفتات شافت فخدمات لاخرين بانو ليها كيشوفو فيهم بلا ماتنطق تلفتات لعندو غير شاف حالتها سرط ريقو ماعرف يخاف عليها و لا يفرح حيت اول مرة تبين شي ردة فعل فاق من تفكيرو ملي شافها نطقات بهدوء: واخا ديك ساعة تلفت و تم خارج غادي ناحية جردة و لكن من باب لاخور مختالف على لباب لي خرج منو ناصر بحكم ڤيلا كبيرة كانو فيها تلاتة بيبان جوج ديال جردة و واحد ديال خروج وقف حدا واحد شجرة و وقفات قدامو حادرة راسها قرب ليها شوية و نطق بحنان: أسماء مالكي سرطات ريقها حبسات بحتها اتر تنغنيغة و نطقات بصوت خافت: والو ممكن نعرف فاش بغيتي تدوي معايا إلياس شاف فيها بجدية و نطق: ملي نكون كندوي معاك شوفي فيا ديك ساعة هزات راسها فيه من طبعها هادئة و كتبعد من مشاكل و اعدى حاجة عندها شي حد يغوت عليها و هادشي لي دار إلياس خلا دموعها تنزل و بدات كتشهق تا قفز من بلاصتو ماعرف مالها حدو شد ليها فليدينا و نطق: اسماء مالكي اش واقع اسماء نطقي نطقات و هي كتنخصص: نت غوتي عليا لاش تغوت عليا انا مخدماش عندك خدامة عند موسيو ناصر إلياس ماعرف اش يدير وباش تبلا حدو عنقها و بدا كيطبطب عليها: شششش راه ماغوتش عليك غير دويت معاك صافي مسحات دموعها فتيشورط ديالو و نطقات: لا نت غوتي بتاسم ليها و بعدها منو و نطق: أسماء بغيت نقول ليك شي حاجة من شحال هادي و لكن خايف تقولي فبالك انا غير كنكدب و تا دبا باقي ساكت عليها حيت عارفاك ما غاديش. تيقيني دلات شفايفها كتمسح دموعها و نطقات ببراءة: اوى تا تقولها لا كدبتك خليني نتيقك بتاسم لبراءتها مد ليدو لشعرها كيبعدو ليها من عينيها و نطق : تا هدا نضار هز ليها راسها تا جات عينيها فعينيه و نطق بحب و جدية: انا أ أسماء من نهار شفتك ونتي فبالي من بعد دخلتي لقلبي و مشكيلة ماقادرش نخرج لا من بالي ولا من قلبي شد ليها وجهها مخليها هي قلبها كيضرب من هضرتو نزل عليها لكلاخ نطق و هو متبتها: كنبغيك و ربي شاهد عليا بدات كترمش بزربة ماعرفاتش اش تقول شافها هكاك قرصها من حنكها ونطق: مالكي ساكتة سرطات ريقها جمعات كلمات من فمها و نطقات: دبا نتايا ماكتكدبش بتاسم ليها و نطق: هاعلاش قلت ليك خايفك ما تيقينيش و لكن بلاتي شد ليها فليديها و تم جارها من موراه قلبها كيضرب مايمكنش شخص لي فقلبها و فكل ركعة كدعي يكون ليها يكون تاهوا باغيها من اول نضرة و ساكت و مخليها و مخلي راسو معدبين طول هاد سنين فاقت على راسها ملي بان ليها واقف فصالة قدام فاطمة و ياسر لي كيشوف فيه مصغر عينيه خصوصا ملي شافو شاد ليها فليديها ركبها احراج حشمات باغا تجر ليديها و لكن هو مزير عليها حبسات من حركة ملي.سمعاتو موجه هضرتو فاطمة الياس: خالتي فاطمة بغيت نخطب من عندك أسماء راني كنبغيها و ناويها حلالي ان شاء الله اش بان ليك فاطمة شافت فأسماء لي مخرجة عينيها بصدمة عرفاتها ماعارفة والو و صدمها كيف صدمها تاهيا حدها بتاسمات و نطقات: الى كانت هي موافقة مانزيدك غير لخير تلفت لعند أسماء و نطق موجه هضرتو ليها بجدية بش تعرف جدية الموقف: هاني بينت ليك اني ناويك لحلال اش بان ليك نتي موافقة
يتبع ...✏️
ياله اش بان ليكم سيدة اتقبل و لا لا 🤔لعقوبة لشي ناس🙄💋 👇هدا راه لحب🥺🤤
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
