🍃 مشاعر_صامتة 🍃| ( مكتملة )

🌛بارت 20 🌜

🌺مشاعر صامتة🌺
                   بقلمي✏️: خولة غزالي🌹
           

داخل بخطواتو كبار و مشيتو لموزونة كان كيمشي بكل تقة حيد نظاظر من عينيه حل لباب ديال لبيت و تم داخل غير شافها نظراتو تبدلو، ملي كان داخل كانو نظراتو كلها غضب و حقد مي ملي شافها تحولو لشفقة و استهزاء و حزن اول مرة يشوفها فهاد لحالة تقدم بخطواتو بطيئة تا علات فيه راسها هو كمش حواجبو بصدمة لحالتها على عكسها هي لي بحال شافت منقد ديالها ديك ساعة وقفات و تمشات لعندو كتجري كتعنق فيه و تبوسي و هو واقف جامد، شدات ليه وجهو وسط ليديها و كتدوي بطريقة هستيرية
سماح: جيتي احبيبي مغاديش تخليني ياكا انا هربت مي مابقيتش انهرب و الله صافي شوف وليتي بيخير
بدات كتجر فيها و تنطق: ياله نمشيو عند ماما عرفتي توحشتها عرفتي عمري نبقا نتخلا عليكم
وقفات و تلفات لعندو ملي سمعاتو نطق بتبات
ناصر: وقفي
هي صغرات عينيها بحزن و نطقات و عينيها مغرغرين: ماغاديش تخلا عليا تانت ياكا كنبقى ختك و بنتك وخا نغلط غادي تسامحني ندير لي بغيتي غير ديني من هنا عافاك
ناصر داكشي لي كان ناوي ليها بزااااف مي غير شاف حالتها كولشي لاحو من موراه باراكة عليها غير هادشي ما دوا ما تكلم جرها بشوية جلسها و هو متحسر على حالتها راه كتبقا ختو من لحمو و دمو و عمر دم مايولي ماء خصوصا و هو كيشوفها حالتها حالة من غير الهضرة لي كتخرج و دخل فيها  ،تم خارج مخليها من موراه كتعيط ليه و طلب
سد لباب شاف فواحد راجل واقف حداه نطق بتبات: اش واقع ليها و شنو لي وصلها لهاد حالة
نطق رجل بجدية: سمعت انها هزات دهب و الماس ديالها و فلوس سحباتهم من بنكة و هربات عند واحد كتبغيه وحاملة منو بقا معاها مدة خلاها تا خرجات تسخر هز حوايجو و دهبها و خوا لبلاد و خلاها ملي عرفاتو غدرها و ضحك عليها صدمة كافية خلاتها دير اجهاض ملي فاقت مقدراتش تستحمل و خرجات لزنقة تقلب عليه و تنعس فيها قبل ما تجي ديناها لطبيب قال لينا وقعات ليها صدمة اترات ليها على دماغها
ناصر كان كيسمع بإهتمام و ملامحو باردة اومأ لراجل بإيجاب ملي سمعو نطق قبل ما يغادر: تاصل بمستشفى امراض عقلية اديوها تعالج ،وهداك لي وصلها لهاد لحالة نبغي نعرف شكون
اومأ ليه لاخور و دار داكشي لي كان و بعد مدة جاو داوها
و هو لي تكلف حيت واخا هكاك كتبقا ختو مدللة مستحيل يسمح فيها واخا دير لي دير وهادي ميزة عند عميد ديالنا
✨قلب لحنين✨

دازت سيمانة و هي حالتها هي حالتها نفس روتين من نهار رجعات من كوخ رجعات لحياتها عادية مختاصرة على اناس و عائلتو و كنينيك و كيف كل يوم توادعات مع اناس لي رفضات انه يوصلها بغات تمشا و ترتب أفكارها لي مشغولين و شكون من غيرو لي شاغل تفكيرها من نهار عرفاتو ما شافت نهار زوين ،تنهدات ملي شافت راسها وصلات لبحر كان وقت ديال غروب منظر اقل ما يقال عنه انه فاتن سماء لي لون ديالها تحول لبرتقالي و هادشي عاكسو لبحر بقات كتشوف و فنفس الوقت دماغها خدام فيه هو من نهار مشات عمرو كلف راسو تا يصوني يسول فيها و لا يجي يسولها دارها بحال الى ماعمرهم تلاقاو بمرة و عندو صح شكون هي اصلا باش يسول فيها تنهدات كتحاول تخرجو من تفكيرها حيت هي لي غادي تاكل دق ماشي هو
وقفات بعد ما رتبات افكارها و تمات راجعة لدار على رجليها ماباغاش تشد طاكسي بقات غادا تاشافت راسها قربات لدار بقا ليها غير حي و توصل كمشات عويناتها بتساؤل من شي اصوات كتسمع و وشوشات سرطات ريقها و خوف تملك قلبها زيرات على ساكها و تمات متقدمة بخطوات صغيرة و هادئة وقفات مورى واحد لحيط و طلات بشوية تا شهقات سادة على فمها من منظر لي شافت
كيبان ليها راجل جالس فوق من بنت ساد ليها فمها و هاز موس كيطعن فيها من جيهة صدرها ماكان كيبان منو والو لابس كولشي كحل، قلبها بدا كيترعد بقا ليها شوية و تسخف ماعرفات مدير سرطات ريقها و تخبات ملي شافتو تلفت من موراه عودات طلات بشوية و كتفكر اش دير باغا تعاونها لمحات عينيه خضرين فقط كان ملتم و داير لقب على راسو مد ليديه مهبط لقب كتر قدرات تلمح وشمة فليديه على شكل أفعى كانت فجيهة معصم ديالو غير هبط ليديه و تضرگات لوشمة بقفزاتو لكحلين هاد جوج علمات فقط لي كيبان منو لا غير ،بان ليها وقف كيمسح لموس ديالو بقات مراقباه بعويناتها مغرغرين كتسناه يتحرك باش تعتقها و رجليها بقا ليهم شوية و يخويو بيها كتحس براسها عايشة فشي فيلم ديال رعب
شدات على فمها كتر و تخبات ملي بان ليها جاي جيهتها بدات كطلب فلداخل ديالها باش ربي اعاونها بان ليها تحرك و فاتها تاوصل قدام واحد لموطور طلع فوقو دار لكاسك و تحرك، ديك ساعة خرجات كتجري تلاحات على لبنت لي كتشهق روحها بغات تخرج و دمايات فايضين هزات تيلي ديالها و مابان ليها غير هو صونات ليه
ألاء: الو اناس عتق دبا تكون نت و اسعاف فهاد موقع لي نسيفط ليك
قطعات و سيفطات ليه موقع و حطات تيشورط ديالها ضاغطة ليها على بلاصة طعنات باش متزيدش تنزف و كلها كترعد نطقات بخوف و صوت متوتر: عافاك تحملي غير شوية راه جايين
لاخرى غير كتغمض فعينيها و تشهق بألم روحها باغا تخرج بقات مدة قليلة تا سمعات صوت إسعاف و لوطو ديال أناس وقفات ديك ساعة أناس بدا كيجري مع ديك دخيلة لي فيها هي كانت خاوية و مظلمة نطق بخوف: مالها اش واقع ليها
نطقات و هي كترعد و مسعفين كيحاولو يهزوها: اتموت عتقوها عااافاكم

يتبع..✏️

هاد ساعة خاص غير لي يعتقك نتي من هاد موصيبة لي طحتي فيها🤦