🍃 مشاعر_صامتة 🍃| ( مكتملة )

🌛بارت 107🌜

🌺مشاعر صامتة🌺
                   بقلمي✏️: خولة غزالي🌹
       

اما فدار عند ألاء كانت جالسة فوق ناموسية و حداها فجنب ليمن جالسة حداها امرأة فأوائل خمسينيات مع دالك ماكاتبانش فيها كانت دايرة زيفها بطريقة زوينة و لابسة مونطو طويييل فلقهوي من سبرديلة اما فجنب لاخور جالس راجل فستينيات من عمرو شيب مكتاسح ليه شعرو جالس و شاد لألاء فصباعها ديال ليد ليسر اما فلفوتوي جالس ناصر و حداه أناس كيشوفو فيهم
ألاء حطات ليديها ليمن على حنك مرأة لي جالسة حداها و نطقات بصوت حنين و هي كتمسح ليها دموعها: صافي اماما نرمين راني بيخير و الله دبا لاش لبكا
شدات ليها ليديها و قبلاتها بحنان و نطقات بصوت حنين: سمحي ليا ابنتي كون كان على بالي حالتك هكا كون جيت من بكري
بتاسمات ليها ألاء و نطقات : ايه ديك ساعة بابا أحمد يبقا يدعي عليا ليل و نهار حيت فسدت ليكم احتفال
ضحك أحمد باس ليها جبهتها و نطق بصوتو خاتر: يخليليا بنتي لي تفهمني
عض ناصر على شفايفو و ليديه زير عليهم عينيه تمركزو على أحمد كيشوف فيه ببرود فالمقابل لاخور خدام يضحك مع بنتو مامساليش ليه شكون لي جاري مع لبلان غير مسخوط ديال أناس لي كيترحم على باه
نرمين خرجات فيه عينيها بحشمة عنقات ألاء بشوية حاطة ليها راسها على صدرها و نطقات: على شحال عندي من بنت انا على قبلك ابنتي نجي و لكن واحد ولد لحرام ماعلمنيش بقا ليه غير يزيد حاجة خرى و نسخط عليه
بتاسم اناس ببلاهة شاف فألاء و نطق: انا لي ولد لحرام راها كدوي عليها
ضحكات ألاء و نطقات: عارفة بلا ماتقولها
حنحن ناصر بهدوء تقاد فلجلسة شافو فيه كلهم و نطق بصوتو هادئ: كنظن دكتورة كتعتابركم بحال واليديها
ألاء بتاسمات بحب و نطقات: ماشي بحال راه بصح هما واليديا
اناس ميق فيهم و نطق: شفريهم عاين باين خودي راحتك
بتاسمات نرمين و نطقات : بنتي و بصحتها
بتاسم ليها أحمد فالمقابل ناصر نطق بكل رزانة و ختورية خلاهم بزز منهم يسمعو ليه: ادن بلا مانقويو لكلام حيت ليا لحق نطلب ليدها منكم على سنة الله و رسوله بصيفتكم فمقام واليديها
أحمد و نرمين شافو فبعضياتهم اما أناس هداك كيرمش جاب ليه الله بحال الى زرب عليهم ماعلمهم  ماكحب ما رمش اما تا ألاء خرجات فيه عينيها باش يسكت هو حلف لا سكت خلا حنيكاتها حمرين
ناصر: ألاء ناويها مرتي و ام ولادي و ملي نتوما واليديها كنظن من أفضل نطلبها منكم و نحددو نهار لي نجيب فيه لواليدة و نجيو قاصدين دار من بابها
أحمد حنحن و نطق تاهوا بحكمة: اوى اش انقول ليك اولدي انا ألاء كون جات عليا مانسخاش بيها و لكن هادي هي سنة الحياة لا هيا قبلات انا مانزيدكم غير خير و إحسان و حددو نهار لي تجيب فيه لواليدة ديالك
بتاسمات نرمين و حطات ليديها على شعر ألاء كدوزها بحنان و نطقات: اش بان ليك ابنتي
ألاء عضات شفايفها بحشمة لولبات عينيها كتشوف فكولشي من غير ناصر و لكن ماكاينش لي جاب ليها ضحك قد وجه أناس لي مزال مصدوم و مبرقق عينيه تشمت جا غير من موراه و غادي يتزوج بحبقلبو ماشي بحالو هو
تنهدات ألاء شافت فأحمد و نطقات بحشمة: انا موافقة ابابا احمد و لكن قرار لخر ليك
بتاسم ليها بحنان باسها فحنكها و نطق: الله ارضي عليك
شاف فناصر لي كيشوف فيهم ببرود و هدوء و نطق: هانت سمعتي اولدي بنت موافقة مرحبا بيك
اومأ ليه ناصر وقف و نطق بهدوء: ادن ان شاء الله الأربعاء فلعشية نديرو خطبة و عقد و عاد من بعد 15 يوم نديرو لعرس
ألاء بدات كترمش زرب عليها فالمقابل أحمد نطق بتساؤل : ماشي زربتي و درية مزالها مريضة
ناصر شاف فأناس هاز فيه حاجبو خلاه بلا مايحس انطق: ألاء راه ماواخداش ضربة خايبة يعنيقل من سيمانة اتحيد لفاصمة و مع جاتها فليد ليسر ادن قادرة تسني على لعقد
تلفت أحمد لألاء و نطق بتساؤل: اش بان ليك ابنتي
حركات راسها بايجاب بحشمة فالمقابل ناصر كيشوف فيها و حاضي خجلها ماكرهش كون كانو بوحدهم على اقل كان ايحتيها عليها بعضة لحنكها نطق بهدوء: نخليكم دبا
وقف أناس تاهوا شاف فيهم و نطق: انمشي تانا نتوما ماغتمشيوش
حركات نرمين راسها بنفي و نطقات: لا انبات ليوما معاها
أحمد بتاسم و نطق : صافي غير سير ا اناس تانا انبات
اومأ ليهم أناس و نطق: ياله بسلامة عليكم
حركو راسهم و نطقو دقة وحدة: تصبح على خير
فالمقابل ناصر نطق بصوتو باح قبل ما يخرج : الله اعاون
ودعوه وتم خارج هو و اناس هبطو لتحت توادعو مع بعضياتهم ركبو بجوج وكسيراو اناس غير بان ليه ناصر دار مع زنقة هو ضرب دورة مع زنقة لاخرى تاجاب دورة و رجع لدرب بلاصة لوطو قلب على لوطو ناصر لايكون راجع لقاه ما كاينش حمد الله و هبط من لوطو طالع لدار لعند ألاء ناوي يدوي معاها و لكن عارف ناصر ماغاديش يخليه براحتو داكشي لاش فضل يخدم معاه لقوالب

دق فلباب حلات ليه نجوى كمش غوباشتو و نطق: امتى جيتي
تنهدات و نطقات: ادبا
دخل و سدات لباب شاف فيها و نطق بتساؤل: مالكي
تغرغرو عينيها و نطقات: ندمت ا أناس
تنهد بحزن عنقها و نطق بحنان: سولتك انجوى واش قادرة تجي قلتي ليا قادرة

يتبع...✏️

أناس صدق مريگل 🙂