🍃 مشاعر_صامتة 🍃| ( مكتملة )

🌛بارت 69🌜

🌺مشاعر صامتة🌺
                   بقلمي✏️: خولة غزالي🌹
           

شاف فإلياس ملي سمعو نطق: ماعندك كيف دير طلق منها و سلم راسك معندكش حل تاني
لؤي شاف فالاء لي كانت حداه و كتشوف فيه بخوف هز موس حطو على كتفها و نطق بعد ما شاف فناصر نيشان : على جتتي اتاخدها
ناصر شاف فيه بغموض و داخل ديالو ينهش بنار : داكشي لي ايكون
ألاء غير سمعاتو اش قال شافت فيه بخوف و نطقات برجاء راسها كتحركو يمين و شمال: ناصر لا
شافتو قاد صبعو على لفردي و بلا ماتفكر جوج مرات جات قدام لؤي فلحظة لي ناصر طلق رصاصة موجهها ناحية قلبو و ماغاتجي غير فألاء لي جات قدامو و غوتات بألم صدمة كساحت وجوههم كلهم خصوصا رباعي ديالنا إلياس و ياسر و لكن اكتر أشخاص تصدمو ناصر و لؤي هاد أخير لي ديك ساعة عينيه تحولو نظرة ديالهم لخوف و قلق و هو كيشوف هابطة تا جات جالسة على ركابيها ديك ساعة تحنى عندها و شدها تا تكات عليه نطق بخوف كلمات هربو ليه: ألاء اش درتي علاش ا الاء
ألاء عينيها نزلو منهم دموع كتحس بلحمها كيتقطع غمضاتهم و عودات حلاتهم كتحاول تطمأنو حولات عينيها بشوية ناحية ناصر لي جامد، فقط صدرو لي كيطلع و ينزل بوتيرة سريعة كيحس براسو كيحلم عرفاتو ايقدر يغيب حيت تنفسو مامنظمش حدها نطقات بصوت خافت و عينيها كتحس بيهم كيتغمضو: ناصر
ديك ساعة لؤي شاف فيه و نظرات غضب خارج منهم: شفتي اش درتي ليها شفتي
ياسر عينيه باين فيهم خوف حط ليديه على كتف ناصر ملي شافو ماشي هو هداك و نطق بخوف: ناصر
ناصر و أخيرا فاق من صدمتو حالتو ماتشوفيهاش تنتر من ياسر و مشا كيجري لعندها دفع لؤي بواحد لقوة و جمعها معاه بلكمة خلاتو يغمض عينيه اتر ضبابة لي طاحت عليه خلاه مرمي و مشا كيجري لعندها لعند دكتورتو معشوقتو هز ليها راسها حطو على رجليه كيمسح ليها شعرها بحنان كيشوفها غارقة بدمها نطق بصوت فيه نبرة لوم: اش درتي ا ألاء علاش
شاف فإلياس لي شاد تيلي كيصوني فيه و نطق بغضب: وااااا حضرو إسعاف انمي توقع ليها شي حاجة ندير خدمة ار*********ها**ب
شاف فلؤي لي حداه ياسر كيحاول يفيقو حيت غيب و نطق بتوعد: اللهم تموت دبا حيت لا فقتي متك على ليدي
حس ليديه كتير شاف فيها بانت ليه كتزير عليه و عينيها كيتغمضو و يتحلو نطق بصوت حنين: صبري غير شوية واخا ادكتورة غير شوية
ألاء تبسمات ليه بألم كتحس بقلبها تزادو دقاتها بطريقة خايبة و نطقات بصوت خافت و تلعتم: تقدر تكون هادي اخر هضرة نقول و لكن بغيت نقولها ليك
ناصر نطق بصوت مرتافع و عروقو باينين: تعاودي هاد لهضرة نفرعك سمعتي
ألاء نطقات بنفس نبرتها: كنبغيك اناصر و بغيتك من اول نهار حليتي فيه عينيك من غيبوبة
ياله ناصر اينطق قاطعاتو بصوتها لي بدا كينخافض: أناس ا اناصر لا متت صبرو
ناصر نزلات ليه دمعة من عينو و نطق بحزن: و انا شكون ايصبرني
الاء نزلو دموعها و عينيها بدات كتغمض حدها نطقات قبل ما تغمض عينيها بمرة: الله
سرط ريقو كيشوف ليديها ترخات و صدرها مابقاش كيطلع و يهبط كيف لول بالعكس ترخى و عينيها تمضو بمرة قلبو بدا كيتضرب بجهد عينيه تغرغرو حط ليدو على حنكها حركها و نطق بصوت خافت بزز باش كيخرج: ألاء حبيبتي
حيد ليدو بتقالة كانت كترعد هز عينيه فياسر لي وقف حداه بعد ما خلا لؤي فلوطو ديال بوليس غادين بيه لمركز
حدو نطق ناصر مخلي ياسر عينيه موسعين بصدمة: ماتت

النهاية✨

اوى يا البنات هادي كانت نهاية القصة ديالنا حاولت نخلي بطلة تموت و نهاية مفتوحة حيت ماشي اي قصة كتكون نهاية ديالها زوينة يعني كيما كاين زوين كاين خايب و بغيت قصتي تكون مختالقة و غير متوقعة فلول كنت انقتل ناصر ساعة عرفتكم غادي تنوضو تنوضو ليا علاش لا و نتوما معجبات بيه داكشي لاش قلت اللهم تموت ألاء و لا هو 🙂
و كنشكركم على تتبع ديالكم و تعالقكم ايجابية 💋♥️نتلقاو فقصة ماجية