🍃 مشاعر_صامتة 🍃| ( مكتملة )

🌛بارت 57 🌜

🌺مشاعر صامتة🌺
                   بقلمي✏️: خولة غزالي🌹
             

و هاهي دبا حبيبتو قدامو ماعرف مايدير خاف يتصرف شي تصرف لي ميعجبهاش و هو لي طامع فيها تعشقو باش يتجمعو واخا متعشقوش عشقو ليها كافي ليهم بجوج باش يتجمعو يكفي غير هاد لبعد مزال متسرطاتش ليه بعد ديال كوخ بغا يزيد تا لبعد ديال هاد سيمانة
فيقاتو من سهوتو ملي نطقات بصوت هادئ عاكس صدمة ديالها: مو موسيو ناصر اش كدير هنا
عقد غوباشتو كتر من سؤالها و نطق بتبات: علاش ممنوع ادكتورة
هي راه كانت صدمتها كبيرة كتشوف راجل لي عشقاتو واقف قدامها كفاش اتصرف و كفاش اتدير و هي هازة موقف منو على تصرفاتو لباردة و على جرحو لقلبها تنهدات و هي خارجة من دكرياتها نطقات و عينيها مغرغرين و هو قادر يلمح هادشي
ألاء: لا مامنوعش شكون يقدر امنعك نت بالعكس سير وقتما بغيتي و جي وقتما بغيتي
سالات كلامها و رجعات جوج خطوات لور ياله اتزيد خطوة  باش تنساحب كان سرع منها شدها من خصرها و قربها ليه اكتر مستحيل يخليها تبعد كتر من هاد لبعد لي عاش، هو من عينيها قرى انها كتعاتبو حيت مشا بلا ميقول والو نهار لكوخ كيحس بمجيتو دبا بحال الى فيض ليها لكاس و هادشي عرفو من حكاية عينيها و هادشي لي خلا شكوك تسرى ليه فدماغو من ان محبوبتو كتعشقو كيما كيعشقها
هز ليديه لامس حنكها و عينيه فعينيها نيشان: الى منعتيني نتي اني منمشيش كوني اكيدة عمري نمشي
ألاء بانت ملامح ديال تساؤل على وجهها نطقات بتبات و عينيها تابتين على عينيه: و شكون انا باش نقدر منعك
ناصر زيرها ليه كتر تا لامس نيفو نيفها و نطق و هو عاني كل كلمة: كوني اكيدة انك ماعرفاش شكون نتي بالنسبة ليا حيت كون كنتي عارفة گعما تنطقي هاد سؤال ادكتورة
ألاء قربها منو و عاد لهضرة لي كيقول وتروها لواحد درجة بزااف رونها و مافهمات والو تخلقو عدة شكوك فدماغها كتحس بقلبها كيضرب بزااف بعدات راسها شوية و بغات تبعد لقاتو مزيرها معندهاش فين تحرك نطقات و عينيها ما كيشوفوش فيه
ألاء: عافاك اموسيو ماكاين لاش نبقاو نديو و نجيبو فالهضرة على والو خليني نشوف بعدا علاش جيتي واش شي مشكيل فجرحة 
ناصر متحركش شد ليها فليديها و حطها على قلبو لي كان كيضرب بجهد نطق بصوت خافت: هدا لي غادي يقول ليك علاش جيت
ألاء شافت فيه و عينيها دازو بدموع كتشوف فيه برجاء بحال الى كتقول ليه عافاك راه قلبي محطم متزيدش عليا و تحطمو بالهضرة لي مامنها والو و ياله اتنطق شهقات بصدمة ملي شافتو داخل فرحان و كيدوي وهو كيعبر و مدهاش فالأخ لي واقف شاعل و لا لألاء لي كدفع فناصر كيدوي و مغمض عينو
أناس: ااااح ألاء و اخيرا انتزوجو صافي انجيب والديا و نديرو لخطبة هاد سيمانة ماكين لاش نتعطل ياكي
سالا كلامو حل عينيه و ديك ساعة توسعو بصدمة من منظر لي كيشوف كان ناصر واقف و عاقدهم و عروقو بارزين شاد فالاء لي كضرب ليه فصدرو و كتحاول تبعدو مي والو
نطق اناس باستغراب: موسيو ناصر نت هنا
ناصر بعد من الاء بعد ما ضرب فيها واحد تخنزيرة و تم مقرب من أناس و ناوي على يخ زيت كيحس بدمو كيغلي من هضرة لي سمع : اه و غتولي تشوفني ديما هنا
اناس تاهو تقدم و نطق بتساؤل: ياك ماكين تا مشكيل صحتك مزيان
نطق ناصر بلا ميتسوق: انكون مزيان لا بعدتي نت من ألاء
أناس عقد غوباشتو مافهمش قصدو ألاء حلات فمها واش هدا تسطى مشات كتجري بعد ما خدات ساكها و تيليفونها شدات فأناس و نطقات
ألاء: ههه راه غير موسيو ناصر عندو مع ضحك ياله ا أناس نمشيو
نطق ناصر بغوات مزعزع لكنينيك: الاااااء متقيسيهش بعدي منو
أناس بقا حال غير فمو مافاهم والو اما ألاء حلات فمها و عينيها و ودنيها ولات كتر من أناس
ناصر مسح وجهو بغضب و جرها من ليدها مزير عليها تا شهقات اما أناس ماقدرش يتحمل شد فيها و جرها ليه مي كان ناصر باقي شاد فيها نطق بتبات
أناس: مافهمتش اموسيو ناصر اش كتحاول دير مي راه تجاوزتي جميع حدودك
ناصر عينيه حمارو كلمة ديال انجيب واليديا و نجي هي لي كضور ليه فودنو صبر ليه شحال فلول كان كيقول ماشي منحقي نتدخل و لكن دبا و هو متأكد من مشاعر ديالو و يجي يلقا واحد أخور كيحادي فيها راه يقتلو براكة غير ملي ماكانش
نطق بعد ما شنق على أناس: عمرك شتي شي مرأة مزوجة كيخطبوها

يتبع...✏️

واش قال على ألاء مزوجة ولا غير جاب ليا الله 🙂اين هو رجلها يا اصدقاء انا لا أراه 🤤🤣