🍃 مشاعر_صامتة 🍃| ( مكتملة )

🌛بارت 84🌜

🌺مشاعر صامتة🌺
                   بقلمي✏️: خولة غزالي🌹
          
اوما ليه ناصر و نطق بفخر: هادشي لي كيعجبني فيك فهمك لخطورة مواقف
بتاسم ليه ياسر و حدر راسو كيقرى فتقرير طبي تا سلاه و عطاه لإلياس يقراه فحين هو شاف فناصر بجدية و نطق: كنظن تقرير بوحدو ماكافيش
اومأ ليه ناصر و نطق: كان ايكون كافي كون ماشي خوك هو لمجر*م ديال تمنية قضايا يعني خوك مطلوب تا من طرف شرطة علمية من غير انك عارف شكون هي اخر ضحية و بنت من تكون يعني واخا يعرف يبدل طاقم كلو غير يشوف خوك محكوم عليه بمؤبد
تنهد ياسر و مسح وجهو بقيلة حيرة ماعرف مايدير حدو نطق : غادي نحتاجو محامي يكون خبرة و معروف، على اقل صورتو و سمعتو تكون فصف قضية
نطق إلياس لي حط لملف: كنضن اناس ايتكفل بهاد قضية
اومأ ليه ياسر و نطق: اه على حساب ردة فعل ألاء ملي هضر على محامي فكنضن انه محامي عندو خبرة
نطق الياس : كنتمناو
سكتو مدة تا حد ما نطق تا قاطع صمت ناصر لي عينيه مركزين فياسر: نمشيو نشوفوه
ياسر سرط ريقو تفاحة ادم طلعات و هبطات مانطقش تا عاود نطق ناصر بهدوء و ببحتو لخطيرة: من افضل نديرو تجربة باش نعرفو واش بصح عندو انفصام و لا غير تمتيل
إلياس سرط ريقو و نطق موجه نظرو لياسر : صراحة كنت بغيت نقولها لبارح و خفتك تفهمني غلاط اياسر
ياسر اومأ ليه حط ليدو على كتف إلياس و نطق بحزن: تانا فكرت فهاد احتمال داكشي لاش كنت ناوي نشوفو و لكن تراجعت فأخر لحظة
وقف ناصر هبط سروالو من جيهة فخضو هز ساروت حل بيه مجر حط فيه تقرير طبي و جبد منو ملف أسود، سد لمجر خشا سوارت فجيبو هما و سوارت لوطو هز تيلي ديالو و ملف ،شاف فيهم و نطق بجدية: ياله
ماتسناهمش انطقو تقدم بخطواتو لموزونة غادي خارج من بيرو مخليهم بزز منهم وقفو و تبعوه مجارينو بخطواتو، تا وقفو قدام واحد لباب مكتوب فوق منو "غرفة تحقيق" حل ناصر لباب و دخل شاف فشرطي واقف فلباب وجه ليه لهضرة بكل هدوء: جيب متهم لتحقيق
ديك ساعة بوليسي عطاه تحية و خرج مخلي إلياس لي جلس فكورسي و ياسر فشلان واقف حدا لباب زرب عليه ناصر، هاد اخر لي عينو متبتة فزاجة لي قدامو لي كتبين غرفة خرى خاوية مافيها والو من غير طابلة و تلاتة لكراسة عيونو كانت باردة و تا ملامح ديالو باردة ما كدل على والو نضراتو فارغة على عكس ياسر لي نضراتو كدل على الف معنى و معنى
تبت ناصر شوفتو فديك لغرفة من زاجة ملي بان ليه شرطي داخل و مدخل معاه لؤي لي كان داخل بخطوات كل ما كدل الا على تقة و قوة تنتر من بوليسي و تقدم ناحية كورسي و جلس و رجع راسو لور خرج بوليسي و خلاه، فمقابل ناصر غير كيشوف من زاجة و حاضي ملامح لؤي كيحاول يقراه
حمحم بصوتو رجولي شاف فياسر بكل برود و نطق: ملي نعطيك اشارة دخل
اومأ ليه ياسر بجدية فالمقابل ناصر كمل كلامو بكل هدوء: كنضن عارف اش خاصك دير بلا مانطق
ياسر اومأ ليه و نطق بجدية: كون هاني 
ناصر شاف فإلياس و نطق: تدخل ؟!
إلياس وقف ديك ساعة قاض تريكوه و نطق: ندخل علاش ماندخلش
اومأ ليه ناصر حل واحد لباب كاين فلغرفة و تم داخل نيشان لغرفة لاخرى هاز فليديه ملف و من موراه دخل إلياس لي سد لباب مخلي ياسر جلس قدام حاسوب لي باين فيه صورة لغرفة من اربع جهات مع صوت، مراقب الوضع من كميرات و من زاجة

يتبع...✏️

البنات تخيلو معايا يكون غير كيمثل🙂🤦