🍃 مشاعر_صامتة 🍃| ( مكتملة )

🌛بارت 27 🌜

🌺مشاعر صامتة🌺
                   بقلمي✏️: خولة غزالي🌹
              

سرطات ريقها و بعدات خصلات شعرها من على وجهها و دارتهم من مورى شعرها خدمات كاميرا و شافت بان ليها مزال حاضيها و كيتسنى فالوقت مناسب مطات شفايفها بحزن اتموت مافيهاش معرفاتش كيفاش مزال مسخفات ياله اترجع تيلي لساكها ماغيجي فبالها غير هو و للحظة فرحة بانت فعينيها جبدات كارت فيزيت بانت ليها نمرة بيرو ديالو فلمركز قيدات نمرة و دوزات لخط عيا يصوني والو بقات كتصوني ما مرة ما جوج فقدات امل مسحات دمعة من عينيها ياله اتلوح ورقة و هي تقلبها و لقات فيها نمرة مكتوبة بستيلو بدات تاهيا كتنقلها لتيلي و ليديها كيترعدو دوزات ليه خط و تاهوا نفس شئ كيصوني تا كيقطع حيدات تيلي من ودنها و حيت هاد نمرة فيها 06 ماشي بحال لاخرى فيها 05 فكرات تخلي ليه رسالة "عتقني عاافاك راه مجرم تبعني و معرفتش اش ندير انحاول نتلفو و نمشي لدار" سيفطاتو ليه و رجعات تيلي لساكها و بدات كتمسح دموعها لي دازو و قلبها ضرب ملي شافت ناس لي فجانبها ناضو ديك ساعة تاهيا وقفات بلا متشوف فيه و تمات غادة من وسط جردة بلعاني
فالمقابل هو لي غير شافها غادا نحو جردة سخط بلمعقول شافها جلسات و جلس مقابل معاها و عينيه عليها باش متفنفنش و لكن خانو قلبو سها فيها كفاش لبرد كيطير خصلات شعرها و هي مضاربة معاهم كفاش عينيها مرة فيهم لمعة خوف مرة فرحة و قدر يلمح دموعها بلا ميحس لقا راسو ساهي فيها و تمنى باش متنوضش من داك لكورسي تبقا غير فيه فاق من سهوتو ملي شافها وقفات و تمات غادا تاهوا وقف و غادي من موراها و عينيه عليها و كيفاش كتمشا عبرها بالمعقول للحظة بانت ليه كتقطع شانطي لي غير وصل طلعات اشارة خضرة و وقف محبوس و هو كيشوفها غادة و كتبعد غمض عينيه بسخط شاف فإشارة كيتسناها تبدل رجع شاف فيها مابانتش ليه وسع عينيه بصدمة لمح اشارة ولات حمرة و قطع كيجري كيشوف يمين و يسار كيحاول يلقاها ولكن ملقاهاش
هي لي غير وقفات بان ليها شانطي و جاتها فبالها فكرة و ناوية طبقها بدات كتحسب شحال بين اشارة خضرة و اشارة حمرة غير عرفات شحال بلعاني تقلات خطواتها جات مع نهاية اشارة حمراء نيشان قطعات عرفات اشارة خضراء اتخدم لي غير قطعات شافت فواحد محل مقابل معاها بان ليها محبوس هو تماك لي غير غفل عليها مشات كتجري لشريع من لور و شدات طاكسي عطاتو عنوان ديال دارها و كدعي باش ربي يفكها منو و مرة مرة كتتلفت من موراها تشوفو واش تابعها خلق فيها رعب ماحمدات الله تا شافت طاكسي وقف قدام اقامة ديالها خلصاتو و هبطات كترعد شداتها جرية وحدة لدارها بدات كتقلب على سوارت فساك و هي كتفتف تخوى ليها ساك تحنات هزات ساروت حلات لباب دفعات گاع داكشي لي طاح ليها برجليها لدار مافيها لي يجمع شيحاجة لاحتهم لداخل و دخلات سدات لباب ومابغاش اتسد كمشات حواجبها و هبطات عينيها كتبان ليها رجل حابسة لباب قلبها بدا كيضرب و كطلب ربي مايكونش داكشي لي فبالها مالت شوية ناحية شقة ديال لباب طلات و هي تشوفو كيشوف فيها شهقات و طلقات من لباب و رجعات بلور و هي كترعد كتشوفو دخل و تم جاي بخطواتو ليها و عينيه فعينيها عضات شفايفها و طلقات رجليها لريح جرات باغا توصل غير لشي بلاصة فيها لباب واخا يكون تا طواليط و ياله قربات لكوزينة تا كتحس بشعرها تجبد من بلاصتو و غوتات من حر ألم
ألاء: ااااي

يتبع...✏️

قالت ليكم أي راه الأخت سرك 🤦اوى ختارو اش ندير ليكم يا ندبحها و لا نقطعها و لا نسلخها ختارو🙂اوى البنات بونوي نتلقاو غدا 💋