🍃 مشاعر_صامتة 🍃| ( مكتملة )

🌛بارت 32 🌜

🌺مشاعر صامتة🌺
                   بقلمي✏️: خولة غزالي🌹
        
أناس بابتسامة: راحتك هي اهم مافيها والو لامشيتي عالجتيه ولكن فنفس لوقت قرار قرارك
بتاسمات ليه ألاء و رجعات شافت فناصر ليكيشوف فيها بنفس نظرات مانطقش نطقات بهدوء و توتر: واخا انمشي معاك
ناصر نطق ببرود: جمعي حوايجك باش نمشيو
اومأت ليه و تحركات هو فالمقابل شاف فاناس و نطق ببرود: تيليفوني
اناس حرك راسو توجه ناحية لمراية و هز واحد تيليفون لمحو لبارح ، مدو ليه و رجع خرج عند ألاء
دوز لخط لواحد من ليكارد ونطق بصرامة: دبا بغيتكم لعنوان لي غانسيفط ليك و تكون سيارة زايدة
سالا هضرتو و قطع سيفط ليه لعنوان و حط تيلي جنبو ماعارفش اش كيدير و لكن لي عارف انه حلف ماتمشي مع تاحد لدارو من غيرو مايمكنش يخليها تمشي معاه مغاديش يرتاح دماغو و ماعرفش علاش كيفكر اصلا فيها و لكن مكيهمش لي كيهم اش قال ليه راسو ايطبق بلا ميعرف سبب ماشي هو لي يحتاج اسباب و أعذار عاد يطبق

جمعات حوايجها هبطوهم ليها لتحت و عينيها موجهين ناحيتو هو لي معاونو واحد من ليگارد باش يوقف تقدمات ملي شافتهم تقدمو قدامها و هي تابعاهم كان اناس مشا بعد ما شافت ليكارد جاو عرفها فأمان و بعد ما لحات عليه يمشي حيت خافت لا تاهوا يوقع ليه شي حاجة بسبابها و هادا كان تاهو سبب لقرار لي تاخدات باش تمشي مع هاد جبل جليد لي قدامها حيت خايفة تصدق مدخلا اناس فهاد مشاكيل معاها، شافت فهدا لي قدامها وميقات فيه راه كون لقات تشدو و تخشيه فلفران هالعار يسخنو ليه دوك مشاعر شوية و هي فتفكير ديالها و تابعاه ماحسات براسها غير مجرورة من خصرها مدخلها لسانسور تا ولات جنبو و جنب لاخور كارد متكي عليه ،سرطات ريقها و هي كتحس بليديه مزال فخصرها نطقات بصوت خافت غير مسموع: ياك جرني اوى لاش باقي شادني
زيرها عندو كتر بحال الى كيقول ليه شادك عندك شي مانيع قدر يسمع اش قالت و هادشي لي ستفزو كتر لاخور مخلياه يشد و يتلمس و هو ممنوع عليه علاش شكون يكون لاخور بالعكس خاص هو لي يكون عندو لحق فيها كتر من لاخور و هادشي مايحتاجش سبب، لمهم هو عندو حق فيها و ربي كبير ،خرجو من سانسور و تقدمو ناحية لوطو و هو مزال شاد فيها ركب و جات حداه راكبة تسد باب لوطو و ديك ساعة نطالقات لوجهة ديالها و من موراها سيارة خرى فيها 4 كارد خرين من غير جوج لي راكبين معاه واحد سايق و لاخور راكب قدام

وقفات لوطو قدام ڤيلا ديالو تحل باب لوطو و نزلات و هي كتشوف فمنظر لي سطاها كانت ڤيلا زوينة مصبغة بدهبي من غير الوان لي داخلين عليها حمقاتها بزاف شافتو وقف حداها و كارد معاونو
نطق ناصر بلا ميشوف فيها: تبعيني
و داكشي لي كان سبقها هو و گارد لي شاد فيه و هي تابعاه و كتمنظر دق گارد لباب ديك ساعة حلاتو خدامة دخل و دخلات تا ألاء سدات من موراهم لباب و تاجهات لعندهم شاف فيها ناصر و نطق بهدوء: فين هي لوليدة
خدامة جاوبات و هي حادرة راسها: سيدي مدام مشات لعند ختها صونات ليك باش تعلمك و ماجوبتيهاش فاضطرات تمشي
ناصر : واخا ،طلعي وجدي غرفة لي حدا بيتي
خادمة: واخا اسيدي
نساحبات خدامة و ناصر شاف فكارد و نطق : انطلع
اومأ ليه گارد: واخا
شاف فالاء و نطق: انسة تفضلي
بتاسمات ليه ألاء و تمات تابعاهم تا وصلو قدام واحد بيت بابو كبيير حلوه و دخلو تماك فين بان لبيت مزيان كان كبييير و فيه جوج بيبان من غير بابو كان بلون رمادي و لبيض رجولي و ريحة ديالو مقتاحمة لمكان
تكاه گارد فوق ناموسية و هي بقات غير كتمنظر تاتلفتات لعندو ملي سمعاتو نطق
ناصر: امكن ليك تنساحب
نساحب لكارد و ناصر بقا كيشوف فألاء و ألاء تاهيا كتشوف تاحد مانطق بكلمة بقاو مدة هكاك و ألاء متوترة اضطرات تنساحب من هاد لحرب ديال عيون خرج لسانو و بلل شفايفو نطق ببرود : كنظن ادكتورة خاصكي تاخدي اجازة من كنينيك
شافت فيه الاء و هي عاقدة حواجبها بتساؤل: علاش
ناصر عض شفايفو راه ماكيحملش يدوي بزااف هادشي مامسلكش بمرة نطق بجدية: اولا من احسن متخرجيش من ڤيلا حياتك مامأمناش و تانيا راه خدمتك غديريها معايا
ألاء حطات صبعها سبابة ففمها لي جمعاتو على شكل بوسة و كمشات حواجبها مدة و هي كتفكر تا حيداتو من فمها و شافت فيه ببراءة : واخا معنديش مشكيل

يتبع ...✏️

مسخوط ما تهنى تا جابها🤦
البنات لي قالو ياسر هو مجرم علاش و لي قالو ياسر يقولو علاش و وحدة قالت مجرم مزال ما بانش و تاهيا تقول علاش؟!🤔
هاني تهليت فيكم بأجزاء يالاه شاركوني توقعاتكوم باش تشجعوني نزيد نزل ليكوم اكثر نتوما دبا لي بيديكوم تخليو قصة تحلى