🍃 مشاعر_صامتة 🍃| ( مكتملة )

🌛بارت 96🌜

🌺مشاعر صامتة🌺
                   بقلمي✏️: خولة غزالي🌹
       

بتاسمات ليها نجوى و هبطات لعندها معنقاها بكل حب من يوم يومها و ألاء عزيزة عليها و خا قليل فين كيدويو غير لا جات لهنا و لا لتلاقات معاها و لكن بصح عزيزة عليها ألاء،
بعدات منها و نطقات : اش خبارك صافا عليك
طبطبات ألاء فوق ناموسية حداها و نطقات: الحمد الله بيخير ونتي ،جلسي بعدا ما تبقايش واقفة
اومأت ليها نجوى حطات ساكها و حيدات نظاظرها حطاتهم فوق كوافوزة و جلسات حداها شدات ليها فليديها و نطقات بتساؤل: كيف وقع ليك واش شي حاجة خطار
اومأت ليها ألاء بنفي و نطقات بمزاح: كون كانت شي حاجة خطار اتلقايني دبا كندوي معاك
بتاسمات نجوى و نطقات: هادي عندك
شافت فوجها مدوزة شوفتها عليه و نطقات: شنو وقع ليك
تنهدات ألاء و بدات تعاود ليها كفاش تضربات مانسات ليها تا حاجة سالات هضرتها و نطقات: اوى هادشي لي وقع ولكن راني بيخير ،بصح كتعطيني صداع و لكن ماشي بزاف
تنهدات نجوى و نطقات: الحمد الله غير ملي دازت سالمة بعدا
نطقات ألاء بابتسامة بشوشة: الحمد الله
شافت فيها بتساؤل و كملات كلامها: شفتي لؤي
اومأت ليها نجوى بنفي و نطقات: لا تال غدا ليوم غير فهمت اش واقع و شنو سبب يعني درست قضية ديالو فصراحة مكرهتكش تشرحي ليا شخصيتو كيف دايرة
بدات ألاء كتشرح ليها و تعبر و اي حاجة شافتها ما تزگلهاش كتعاود ليها و كتحاول توصل ليها لمعلومة بضبط ما تفوت ليها والو تا سلات و نطقات بتساؤل
ألاء: فهمتيني؟ يعني راه اي طبيب واخا مايكونش مختص فهادشي راه ايعرف انو مريض و عندو انفصام فشخصية
اومأت ليها نجوى و نطقات بهدوء: فهمتك خليت أناس أيشوفو ايحاول يقراه باش ماتفوتو والو و يكون مستاعد لنهار محاكمة كشاهد
بتاسمات ليها الاء و نطقات: لا بغيتي نشهد ليكم تا انا راني مجودة
نطقات نجوى بحيرة: بصراحة انحتاجو لشهادتك لنهار لي تخطفتي مافهمتش علاش شهادتك ما كايناش حيت فالأصل ملي كتوقع شي حادت خاص يكونو بوليس كيتسناوك تفيقي على قبل شهادة و لكن دبا ماكاين تاحد
ياله اتنطق ألاء تا نطقات نجوى بحال الى تفكرات شي حاجة:  اااااه دبا عاد فهمت راه قال ليا نتي ماغتشهديش داكشي لاش ملي تقرب لمحكمة و بسباب صحتك انسجل شهادتك و ندفعها نهار محكمة مع تقربر طبي ان مامسموحش تجي تال محكامة باش تشهدي هدا هو لحل
عوجات فمها كانت باغا تسولها علاش قالو ليك ماغتشهدش و لكن تفكرات ناصر ، اصلا شكون من غيرو ايمنعها ،حدها اومأت ليها شدات ليها فليديها و نطقات بحب: شكرا بزااااف ليك حيت مارفضتيش لينا طلب
زيرات ليها نجوى على ليديها و نطقات بنفي: ماتقوليش هكاك على شحال عندي منك نتي و أناس
ضحكات ألاء بكل براءة و نطقات : شكرا بزااف
بتاسمات ليها نجوى و نطقات: كنتمنى غير يكون بصح مريض و يتعالج مسكين حيت ايضيع
تنهدات ألاء و نطقات بتساؤل: دزتي لمركز
بتاسمات ليها نجوى و نطقات: اه كنا مجموعين كندرسو لقضية كان معايا اناس و أخ المتهم و ضابط إلياس
كمشات ألاء حواجبها بتساؤل و نطقات: صافي غير هادو لي كانو
حركات نجوى راسها بنفي و نطقات بعفوية: لا كان تا ناصر
كمشات ألاء حواجبها طلقات ليها من ليديها بشوية و نطقات: ناصر
شافت فيها بتساؤل و نطقات مكملة هضرتها: كتعرفيه

يتبع...✏️

كحلاتها 🙂