🍃 مشاعر_صامتة 🍃| ( مكتملة )

🌛بارت 117🌜

🌺مشاعر صامتة🌺
                   بقلمي✏️: خولة غزالي🌹
     

سكتات و تاهوا سكت مراعي ان معاهم لغاشي مكمل طريقو تابعهم متاجهين ناحية لقاعة لي كانت جنب لبحر بحكم ان نجوى فضلات عرسها يكون بطريقة رومانسية و ماشي عرس تقليدي فضلات تلبس لبسة وحدة تحتافل بيها و تصور بيها لا غير و تا ياسر لبا ليها طلبها

وصلو لمكان معلوم هبطو من لوطو و تمو مدخلين لعروسة بنشاط و حايحة شدو طبلة مجموعين فيها بتمنية من غير طبلة خرى فيها واليدين أناس و حنان و فاطمة و واليدين نجوى، ماكاينش لي مارسمش ضحكة على وجهو علاش لا و هما حاضرين لفرحة جوج أشخاص صبرو بزاااف باش يجي هاد نهار اما واحد جوج أشخاص جالسين و كل واحد قلبو مع لاخور هو عينيه متزعزعوش من عليها و هي قلبها ما جاش لعندها مخلياه لعندو اه بغاتو من قلبها واخا كانت حقدات و حلفات ماتعاود تيق فراجل ساعة خانها و بغاه و لكن داك نهار فاش جرى عليها ماتنساش ليها بقا فيها لحال
تنهدات ملي شافتو طول فيها شوفة و خايفة من ناصر يشوفو خصوصا انها شافتو حس بشي حاجة حيت فيما يطلع عينو كيلقاه حاضيها ديك ساعة نطقات بعد ما وقفات: ناصر انا جايا
اومأ ليها ناصر و ليدو محاوطة كتف ألاء غير تفاوتات نطق لؤي بجدية و هو مشابك ليديه: احم ناصر باغيك
شاف فيه ناصر ببرود فحين گاع لي فطبلة شافو فيه و تاهوا بلا قوة دخول و خروج نطق: بغيت ختك لزواج
هز ناصر حاجبو فيه مخليه ينطق معبر: ختك شفتها فلمصحة و ماكنتش عارفها ختك بغيتها من قلبي و نويت نخرج نقلب عليها ساعة ربي جابها تال حدايا و عاد دبا عرفتها ختك و لكن ربي شاهد على نيتي لي صافية و بغيتها حلالي
ناصر شاف فألاء لي كتشوف فيه بابتسامة اصلا هي عزيز عليها لؤي لدرجة ملي شافتو داخل لعندهم سلمات عليه بلا ماتشاور مع ناصر كيبقا فيها و لكن دبا فكرات تا فسماح لي تستاهل كل خير بعد ما عرفات قصتها من فمها حركات راسها لناصر بايجاب و ابتسامة مزينة خدها خلاتو ينطق بهدوء: لا بغاتك ما عندي مانقول من غير تهلا فيها
بتاسم لؤي و وقف و نطق: ماطلبتي غير لموجود تسنى نجيب موافقتها
هز حاجبو ناصر كيشوف سيد زعم بتاسم مراقبو غادي فاتجاه لي دازت منو ختو

سماح لي كانت خارجة من لحمام و بان ليها راجل واقف كيتسنى برى شاف فيها و نطق: ختي سمحي ليا نسولك
بتاسمات ليه و نطقات: مرحبا اخويا
نطق تاهوا بتوتر: واش كاينة شي بنت لداخل
اومأت ليه بايجاب فحين هو كمل: واش راها بيخير راها مرتي و مع حاملة خفت لا تكون واقعة ليها شي حاجة
بتاسمات ليه باطمأنان و نطقات: ماتخافش راه خليتها كتقاد حالتها و اتخرج
و ياله ناوي يشكرها تا وقف عليهم مخنزر مزير على قبضة ليدو شاف فسماح و نطق شرار كيخرج من عينو: اش واقع هنا
كمش سيد حواجبو ناوي يجاوبو تا نطقات هي محاولة تنقد لوضع حيت عارفاه مريض فدماغو: والو غير سيد سولني على مرتو كاينة لداخل و حاملة خافها تكون واقعة ليها شي حاجة
لانت ملامح ديالو اومأ ليهم فحين خرجات لمرأة و تلفت راجل لسماح ناطق بابتسامة: شكرا اختي بزاااف
بتاسمات ليه و نطقات: هانية ما درت والو
نساحبو هما و سماح شافت فيه ببرود و تمات غادة مخطياه تا شدها وزدحها مع لحيط مكاليها و نطق عاقدهم: فين غادة
شافت فيه و زاحت بعينيها ناطقة : لؤي خليني ندوز
حط ليديه على خصرها متبتها و نطق بصوت حنين: علاش مابقيتيش جيتي لعندي
شافت فيه و عينيها تغرغرو نطقات بغضب: على شكون لي جرى عليا و قال ليا ماتبقايش تجي ااا
تنهد و حط ليدو على حنكها كيدوزها بحنان و نطق: سمحي ليا ،راكي عارفة لواحد ملي كيكون فالمصحة و كيشرب دوا و كيتعرض لبزاااف انواع ديال علاج كفاش ايكون دماغو
شاف ليها فعينيها و نطق بحزن: راني كنت حمق اسماح
سماح سرطات ريقها و هزات كتافها و نطقات: راه تانا كنت حمقة
بتاسم ليها و حط جبهتو على جبهتها و نطق: لا نتي حمقتيني و هربتي
تحسس نيفو نيفها و نطق: سماح كنت ناوي نخرج و نجيبك لدار على أساس مرتي و لكن وقع لمشكيل بيناتنا و مع دلك مزال ناويك مرتي حيت شفرتي ليا قلبي و خليتني نبغيك و انا طاير ليا لعقل اما دبا لي بعقلي اش ندير راه نقتل على قبلك
شافت فيه سماح قلبها كيضرب ماعرفات ما تقول وترها و صدمها زرب عليها خصوصا ملي سمعاتو اش قال
لؤي: راني طلبت ليدك من خوك خاصك غير توافقي لا بغيتي
بدات ترمش ما عرفات ماتقول من غير تشوف فيه و تنطق بتساؤل: و الى ماوفقتش

يتبع...✏️

لا والو غير يدوز على مك يكمل بيك ضحية تسعة🙂🚶