🍃 مشاعر_صامتة 🍃| ( مكتملة )

🌛بارت 105🌜

🌺مشاعر صامتة🌺
                   بقلمي✏️: خولة غزالي🌹
        

نجوى لي وقفات قدام زنزانة شافت لداخل كيبان ليها شخص جالس فلأرض متكي على لحيط و خاشي راسو فركابيه منو لأرض واخا كاينة مانطة مسرحة
خدات نفس قوات راسها و نطقات : اييييه نت
هز راسو فيها كان كيبان عادي نطق بتساؤل : معايا اختي بدات كترمش باين فيها انها تصدمات جاها كيشبه لياسر لدرجة كبيرة قوات راسها و نطقات باستفزاز: اه معاك على كاين شي مجرم قاتل تمنية من غيرك
ديك ساعة شافتو كيفاش وقف و نظرة ديالو تبدلات و نطق هاز حاجبو: ولكن باين ليا مزال خاصني نكمل تسعة
بتاسمات باستهزاء و نطقات: اصلا هاديك هي تصرفات شمايت و ضعفاء
تقدم لعندها بخطوات مزروبين و نطق بغضب و شرار كيخرج من عينو راه عدوه لي يقول ليه ضعيف : انا قوي سمعتي حسن منو هو لي ضعيف و خواف اي تصرف كيهرب و يخليني انا نتصرف
كمشات ملامحها بأسف و نطقات مقربة ليه: اووو مسكين اذن واخا تشرح ليا شكون لي كيستقوى على نسا من غير شمايت ،عند بالك خديتي حق سارة ولكن راك غالط حيت كون اصلا باقا عايشة گعما ترضى بيك اشماتة
ديك ساعة و بلا ما يفكر مد ليدو و شد ليها فشعرها مزير عليها و شرار خارج من عينو نطق بجدية: حالفة تا تخليني نرجع لحرفة
تأوهات بألم ملي حسات بيه زير عليها ناوي يحكمها ملي حس بليديه تشدات ،هز عينيه كيبان ليه ياسر عاقد غوباشتو مخنزر فيه
ياسر نطق مغوت عليه مخليه قافز : لؤؤؤؤي
لؤي قفز و شاف فيه كيرمش و نضرة ديالو تبدلات شافو ياسر هكاك مدهشر و هو يكمل على جملتو : طلق منها اخويا
ديك ساعة لؤي شاف فلييدو بان ليه راسو شاد فبنت تنفض منها تا رجعات لور بداك جهد ،حكمها ياسر جا ضهرها على صدرو غمض عينيه و حط نيفو على شعرها بلا ماتحس لا هي لا هو كيستنشق ريحتها ما خرجو من سهوتو ساخط غير لؤي لي نطق بحزن
لؤي: و الله ما عرفتش علاش تعصبت عليها سمحيليا عافاك اختي
تنهدات كتحاول تمتالك راسها و هي غير جات بين ليدين ياسر ساحت ليه تقدمات خطوة لقدام و نطق: دنيا هانية بعض المرات كنتعصبو بلا مانشعرو
نطق لؤي و هو مقرب لحديد: لؤي لباس
اومأ ليه لؤي بابتسامة و نطق: بيخير و نت
ياسر حط ليدو على لحديدة و نطق: بيخير، تحمل شوية راك قوي مابقاش بزاااف لمحاكمة
شاف فيه لؤي بحزن تقدم لعندو و حط ليديه على ليد خوه و نطق: ولكن ايحكمو عليا مستحيل نخرج من لهنا
زير عليه و نطق باطمأنان: كتيق فخوك
شافو اومأ ليه بايجاب و نطق مكمل هضرتو: وعد مني انك ماغاديش تسجن كون هاني
بتاسم ليه بحنان و نطق: كنتيق فيك
نطقات نجوى لي كانت كتشوف فيهم بابتسامة هما يهضرو و هي تقلب على اختلاف بينو و بين ياسر و لقاتو مالها تفلتو : لؤي كنتمنى تصبر حيت مابقاش بزااف
شاف فيها ياسر و نطق موجه هضرتو لؤي: محامية نجوى هي لي مكفلة بقضيتك
عقد حواجبو لؤي بتساؤل و نطق : محامية، نجوى
شاف فياسر لقاه كيشوف فيه ببرود فضل تاهوا يسكت شافو فيها ملي نطقات:مغاديش نقول ليك اش تقول فلمحكمة و لا اش دير لي نطلبو منك تقول صراحة لا من ناحية تصرفاتك لا من ناحية مشاعرك تفقنا
بتاسم ليها لؤي و نطق: كوني هانية
شافت ياسر لقاتو كيشوف فلؤي تنهدات بلا صوت و نطقات : مهم كنستأدن منكم خاصني نمشي
بتاسم ليها لؤي اما تا ياسر ماشافش فيها رجعات ليه ابتسامة و تمات غادة بخطواتها فحين هو نطق بصدمة موجه هضرتو لخوه: واش نجوى لي على بالي، لاش رجعات واش تصالحتو
خرج فيه ياسر عينو و شاف فيها لا تكون سمعاتو بانت ليه كتمشى بخطواتها مبعدة عاطياهم بضهر تسناها تا مابقاتش كتبان عاد نطق ببرود: هي
بتاسم ليه لؤي و نطق: صافي تصالحتو
عض ياسر حنكو و نطق: مستحيل واخا تبقا بوحدها لي بنت فدنيا عمري نتصالح معاها
تنهد لؤي و نطق: مانسيتيش
شاف فيه ياسر بحزن و نطق: داكشي ما كايتنساش
بغا ينطق لؤي تا قاطعو ياسر: نسا عليا موضوع
نطق لؤي بعد ما حرك راسو بايجاب: واخا ،ما كتخدمش لحد واش ماغاديش تزورني غدا
نطق ياسر بابتسامة: لا غادي نجي كون هاني
بتاسم ليه و نطق بتساؤل: امتى محاكمة
نطق ياسر بهدوء: الأربعاء
زير عليه و نطق: مابقاش بزاااف كولشي ايدوز مزيان كون هاني
تنهد لؤي و نطق: كنتمنى
بتاسم ليه ياسر و نطق: نخليك دبا تال غدا و نجي نشوفك
بتاسم ليه لؤي توادعو و تحرك ياسر خارج من تماك فالمقابل عند نجوى لي كانت راكبة فطاكسي و متكيا على شرجم و دموعها على خدها نازلة و سؤال لؤي فدماغها من غير هضرة ديالهم لي سمعات حيت كانت واقفة و كتسمع ليهم
قلبها شاعلة فيه لعافية خصوصا ملي عرفات انه كان مشارك قصتو مع خوه ادن كان ناويها بصح و لكن هي شنو دارت حطماتو بلا تا حاجة ندمات على داك نهار قد زغب راسها كون رجع بيها زمان لور كان اتكون هضرة خرى كانت اتغير بزاااف لحوايج و ماغاديش ياكلها قلبها و ضميرها بحال هاد لحظة مسحات دموعها بعد ما دماغها سرح بيها لماضي و بضبط لنهار لي ضاع كولشي

يتبع....✏️

اوى هانتوما اتعرفو مالها مع ياسر🙂