🍃 مشاعر_صامتة 🍃| ( مكتملة )

🌛بارت 59 🌜

🌺مشاعر صامتة🌺
                   بقلمي✏️: خولة غزالي🌹
      

نطقات ألاء و هي كتشوف فيه بحب حيت مامصدقاش اخيرا بغاها: و لكن ماعرفتش ..
ناصر قاطعها و هو حاط صبعو على شفايفها شاف فعينيها نيشان و نطق بنبرة باين فيها الحب : من اول نهار حليت فيه عيني و انا مأسور فيك واخا خديت وقت طويل باش نعتارف لراسي قبل ما نعتارف ليك فتانتي خودي وقتك باش تفكري و تقبلي
بتاسمات ألاء و عينيها مغرغرين نطقات بصوت خافت: قابلة
ناصر توسعو عينيه بصدمة ديك ساعة تلاح على شفايفها كيبوس فيهم بلهفة و حب مابقاش يحتاج يكبح شعورو باغيها و ربي كبير و هاد لمرة تاهي كانت متجاوبة معاه كيحسو بقلبهم كيضرب و مشاعر لي كانت صامتة تعطاتها لفرصة و دوات، بعد شوية و خلا جبهتو على جبهتها كانو كيتنفسو بجهد نطق بحب و صوت هادئ
ناصر: تقبلي تزوجي بيا و تعيشي حياتك كاملة معايا و عمرك تفكري فلبعاد
ألاء عينيها دمعو حركات راسها بإيجاب باس جبهتها و نطق : ولكن بشرط
ألاء شافت فيه بتساؤل تاهو شاف فيها مصغر عويناتو و نطق: هاد شعر مجعكك خليه بعيد شعرك طبيعي حسن
صغرات ألاء عينيها بشك و نطقات بتساؤل: و باش عرفتي شعري أصلي هداك
ناصر هبط لشفايفها و نطق بصوت خافت: فلكوخ كنت كنسرق نظرات ملي كتكوني خارجة من دوش
هي حلات عينيها بصدمة ياما خرجات غير بفوطة من دوش حنيكاتها تزنگو ديك ساعة هبط ناصر عضها من حنكها و بعد كيضحك ونطق بمزاح امكن اول مرة تشوفو كيضحك و تسمع قهقهة ديالو
ناصر: خاصنا نتزوجو هاد يامات باش ياله نجيبو وليدات ادكتورة
تزنگو حنيكاتها و بدات كتلعب بصباعها تا كتشوف فليديه شابكها مع ليديها نطق بحب: ياله نوصلك لدار
بتاسمات ليه بحشمة هزات تيلي ديالها و خرجو ركبو فلوطو و كسيرا شاد فليديها وتقول واش طلقها مرة مرة صبعو إبهام كيلعب جيهة نبضها فلمعصم بقا على ديك لحالة تا وصلو حدا باب دار شاف فيها بابتسامة و نطق
ناصر: غدا فصباح تسنايني انوصلك انا لكنينيك
ألاء بتاسمات ليه و نطقات: واخا
باس ليها ليديها و بدا كيستنشق فعبيرها تا شبع عاد طلقها و نطق بحب: ياله تصبحي على خير ادكتورة
بتاسمات بخجل و نطقات: تصبح على خير
هبطات و طلعات لدارها عاد كسيرا متوجه لدارو باش يرتاح و قلبو رتاح قبل
دخلات و قدات روتينها و تلاحت فوق ناموسية طايح عليها سر و خدودها مزنگين و ابتسامة على وجهها نطقات بحب: صدق كيبغيني الحمد الله
بقات كدوي مع راسها و فرحانة تا داها نعاس

🌞نهار جديد وبأحدات جديدة على أبطال ديالنا
فاقت ناشطة على غير عادتها غير كتفكر أحدات لبارح كتبغي تنقز بالفرحة هو بغاها و جا لعندها قبل ما دل راسها و تمشي لعندو بغاها بلا ميشفق عليها عضات شفايفها و هي كتشوف فراسها كانت لابسة ميني بوط فلموڤ مع سروالو سبور و سبرديلا بيضة شعرها كانت  طالقاه مسرح على طبيعتو ملي قال ليها كنفضل شعرك طبيعي فراه مستحيل تبقا ترجعو كيرلي سمعات تيلي صونا مشات تجري فوق ناموسية هزاتو و جوبات
الاء: الو
كان غير صمت كمشات حواجبها و بعدات تيلي باش تشوف شكون حيت غير جات و جاوبات شافت نمرتو عضات شفايفها بتوتر و نطقات بصوت خافت: ناصر
سمعات تنهيدة و صوتو لهادئ : دكتورة
مجاوباتش بقات غير كتسمع تا نطق بهدوء: هبطي انا لتحت
بتاسمات بحرج و نطقات: واخا
قطعات عليه و هزات تيلي ديالها دارتو فساكها هزات تجاكيطة بيضة فليديها ،شافت راسها فلمراية و خرجات هبطات فدروج بشوية متوترة بجهد معرفاتش كيفاش خاصها تصرف و لا تعامل معاه خرجات من اقامة و بان ليها متكي على باب لوطو لابس قميجة بيضة و سروال كحل مع سبرديلا و عينيه على لباب غير بانت ليه خرجات طلعها و هبطها مزيان عينيه ستقرو فعينيها عض شفايفو تا شافها وقفات قدامو حنيكاتها مزنگين نطقات بصوت خافت : سلام
جرها من خصرها و باسها جنب فمها بوسة خفيفة و بعد شوية و ريحتها لصقات فنيفو شاف فيها بجدية و نطق: من أحسن طلعي تبدلي
شافت فراسها بتساؤل كطلع فراسها و تهبط نطقات بتساؤل و براءة: علاش مال حوايجي مازوينينش

يتبع...✏️

اودي جاتك كتحمق غير هو جاتو لحالة🙂