🍃 مشاعر_صامتة 🍃| ( مكتملة )

🌛بارت 50 🌜

🌺مشاعر صامتة🌺
                   بقلمي✏️: خولة غزالي🌹
             

زير على ليديه لي فجيبو كتر ملي شاف نظراتها لي تبدل مابين راحة و و حب لتوتر و خوف و هادشي هو قادر يقراه بحب مهنتو لي مدوزش فيها قليل
نطق ببرود و هو كيشوف فعينيها نيشان: اخر مرة نبغي بحال هاد تصرف فداري
ألاء لي كانت كتشوف فيه و متوترة لحد ساعة قادرة تحكم فنبضات قلبها قادرة تسيطر على مشاعر ديالها ولكن مضمناش مدة لي تقدر تبقا متحكمة فزمام الأمور
شوفاتها تحولو لتساؤل ملي سمعاتو اش قال نطقات بنبرتها لهادئة: اشمن تصرف
قرب لعندها خطوة باش يقدر يحقق فملامح ديالها اكتر و نطق ببرود: تصرفات لي ماشي ديال بنات ناس
كمشات حواجبها بصدمة عطاها صفعة من جوابو نطقات بصدمة: كفاااش
نطق و عينيه فعينيها مرة مرة كتهرب ليه لبلاصة مغايرة فوجهها يا اما خدودها كرزية او شفايفها او نيفها كان عاطي لراسو سماح فأنه يحقق فيها كيما بغا: إلياس تقار لي ليك عليه ،فعايلك ديروهم بعيد
بدات كترمش محاولة تستوعب و غير استوعبات اش قال نطقات بجدية: امكن ليك تشرح ليا اش كتحاول تقول بلا قوة دخول و خروج فالهضرة
و هاد طريقة باش دوات معاه خلاتو ديك ساعة و بلا مايشعر ينطق ببرود و لكن نبرة جدية غالبة عليها:من لخر حتارمي راسك هاد دار فيها ناس محتارمة بغيتي تضحكي و تلعبي او بالأصح تقح*بني خرجي برى و ديريها كيما كديري مع أناس و لكن باش فوسط داري و مع صحابي فمغاديش نسمح بهادشي
هو نطق هاد الهضرة لي كان فيها سؤال من وسطها سؤالو كاين باين بغا يعرف طبيعة علاقتها بأناس داكشي لي خلاه ينطق بلا مايفكر فعاقبة هضرتو
هي كانت قدامو كتشوف فيه بجدية و لكن لمعة ديال دموع بانت فعينيها كسرها بجهد خلا دم يتصب فعروقها بوثيرة سريعة و قلبها كيضرب كتر ماشي هضرتو لي ضراتها ضرها كتر انها جات منو هو لي دايراه فواحد رتبة بوحدها كون قالها شي حد اخور ماتكونش بنفس تأتير
عضات شفايفها كاتمة شهقتها و نطقات بجدية ماشي الاء لي تبين قدامو واخا عينيها و دموع لي فيهم كانو فاضحين: موسيو راه ماكيعرف شي نوعية ديال ناس غير لي عايش معاهم او معاشرهم
غمزاتو و نطقات: وراك فاهمني اش عنيت
تنهدات و نطقات ببرود: و تا دبا هاد دار لي فيها ولاد ناس انخليها و جيب ليها شي بنت ناس لي تقابلك اما انا فكنتراجع على قراري و مابقيتش باغا نزيد ولو دقيقة هنا .
سلات هضرتها و عطاتو بضهر معطلاتوش رمات خطوتها وهي مدابزة مع دموعها لي بغاو يطيحو مكافحاهم بزز و قبل ما ترمي خطوة تانية حسات باسها تجرات تا جات مخبوطة على صدرو و حاطة ليديها بجوج على صدرو مكالياها بيه بحكم انه شادها من دراعها بجوج
رعشة تملكاتهم بجوج نفس رعشة وحدة ما كتختالف على وحدة
نطق ناصر ببرود: كيما دخلتي لدار و انا لي باغي فراه ماتخرجي تا نبغي انا اي تاتسالي خدمتك
دمعة لي كانت حابساها صافي هبطات ديك ساعة و نطقات بتكبر ماحملاتش راسها ملي طاحت ليها دمعة: طلق مني
زير عليها كتر و عينيه تابتين فدمعتها لي هابطة وحيدة تا وصلات لدقنها و هبطات حس بنغزة فصدرو بحال الى مقلق ماحملش راسو ملي شافها بكات بسبابو جمرة و تحطات على قلبو شاف فعينيها رخف ليها من دراعها و نطق ببرود: انطلقك ولكن ديري فبالك لقاك عتبتي برى دار و خويتي بكلمتك على نهار اول لي جبتك على اساس تكملي خدمتك عاد تمشي فكوني هانية ملي غادي لقا مجرم او حاجة اندير عرفتي شناهيا
شاف فيها ببرود و نطق: ماشي اندخلو لحبس لا انسيفطو يزهق ليك عمرك عاد ندخلو لحبس
ألاء غير كتشوف فيه و عينيها حمرين و مغرغرين ايكدب راسو لا قال مابقاتش فيه عرف راسو قسا عليها خصوصا انه ماربطها بيه والو من غير علاقة مريض و دكتورة ديالو و لكن كيحاول يبرد على راسو بجملة ان إلياس صاحبو مايبغيش ليه مضرة اما تا ياسر عارفو تابت اما حقيقة شاف كفاش ياسر حدودي معاها و كيتكلم معاها بأدب ماشي بحال إلياس كيضسر على كولشي خاصو ايعرف ناس و مع اسلوبو زوين كيخلي اي بنت طيح فيه و هادشي لي متخوف منو ناصر و لكن بطبيعة لحال هادشي غير قلبو قالو اما عقلو ناكر
ألاء بعد ما شافتو ساهي حيدات ليديها من قبضتو بجهد و دفعاتو من صدرو و نطقات بصوت باكي : مغاديش نخليك نت توريني اش ندير و كلمتي ماكانخلفش بيها و غنبقا و لكن كنواعد غير تشافا اول حاجة اندير انمشي و عمري باقي نعالجك كمريض كنواعدك

يتبع...✏️

واهادي هي يخ منو و عيني فيه 🤦ولكن ماتخافوش على بنتي راها مامدلولااش🙂