🍃 مشاعر_صامتة 🍃| ( مكتملة )

🌛بارت 76🌜

🌺مشاعر صامتة🌺
                   بقلمي✏️: خولة غزالي🌹
      

ناصر عض حنكو و وقف من حركة لي كان كيدير ،ملي دخلو صحابو و ليديه كتسارى فشعرها و لكن ملي سمع هاد جملة حس بدمو بدا كيغلي واش هو كان خنقها و ناوي يقتلها كون ما عتقها تكون ميتة و من فوق خطفها و دبا هي فبلاصتو فسبيطار و كتقول ماكانش بغا يآديني
بلا مايحس نطق بنرفزة: لا ماكانش بغا يآديك كان ناوي غير يلعب معاك
تلفتات ليه ألاء ملي حسات بليدو وقفات عرفاتو خايف عليها و باغي يحميها و لكن هي ماباغاش ظلم غير سمعاتو اش نطق بلا ماتزيد تفكر مدات ليديها شدات فليديه و زبرات عليه تا شاف فيها نطقات بهدوء و صوتها عيان: انا ماعارفاش علاش كيق**تل و لا شنو قصتو و لكن لي قدرت نعرف جوج حجات مهمين
شافت فياسر بتساؤل كتسناه يصحح ليها معلومة لا كانت خاطئة : اول حاجة انه ديجا كان داخل لمصحة اي انه كان مرض نفسانيا
اومأ ليها ياسر بإيجاب و نطق بحزن: اه كان كيتعالج ولكن ملي خرج كانت حالتو بيخير
اومأت ليه الاء بنفي ونطقات: بالعكس مصحة خرجات عليه
كمش ياسر ملامح ديالو بتساؤل و نطق: ولكن ان بان ليا العكس و تا أطباء لاحظو شخصيتو لي تبدلات و ولات مزيانة
تنهدات ألاء بعياء و نطقات: حاجة تانية لي قدرت نعرف ان شخصية لؤي بريئة و هادئة كيحاول يتجنب صداع بشتا طرق و على حساب ما بان ليا اه يقدر يسمح فحقو
اومأ ليها ياسر بايجاب و نطق: اه بصح و لكن من بعد ما مرض نفساني بسبب مشاكيل لي خلاتو يوصل لهاد حالة ولا قليل فين كيبين هدوءة بالعكس لي جبدو يلقاه مابقاش كيسكت على حقو
كحبات ألاء و كمشات ملامح ديالها بألم ديك ساعة ناصر كمش حواجبو حط ليدو على حنكها و نطق بخوف و جدية: ألاء ماشي وقت هادشي، دبا راكي باقا عيانة رتاحي شوية
ألاء حطات ليديها على ليديه لي على حنكها و نطقات بعياء عينيها كانو كيبريو بحب و هي ملاحضة خوفو عليها : سعادة عميد تيق فيا ان بيخير
ختمات كلامها بابتسامة خطيرة مزينة شفايفها مخلياه ولهان فيها و قلبو كيضرب بجهد و فين عمرو ضرب بجهد تا عرف دكتورتو عاد ولا كيفقد سيطرة عليه،حيد ليديه من حنكها و رجعها لشعرها كيتلمسو ليها بحنان غير مبالي بأشخاص لي معاه فالغرفة
ألاء رجعات شافت فياسر مكمشة عويناتها و نطقات بصوتها لي عيان: ممكن نعرف سبب لي خلاه يرجع مجر**م لا ماكانش عندك إشكال
حرك ياسر راسو و بدا كيعاود ليها فالمقابل كل من أناس و إلياس غير كيسمعو اما ناصر مراقب ملامح ألاء و كيسمع باهتمام و لي متأكد منو انها وصلات لشي حاجة اتنفعهم فلقضية ،هو عارفها دكية و شحال من مرة بينات دكاء ديالها و هادشي كيخليه فرحان و مفتاخر بيها لدلك فضل يسكت و يسمع شناهيا حاجة لي كتشفاتها
سكت ياسر و نطق بحزن: امكن كون ما غفلتش عليه بسباب خدمة ما يوليش هكا
نطقات ألاء بجدية و نظرها مرة فياسر مرة فناصر : بغيت نقول ليكم استنتاج خلاني نستنتجو من حاجات لي شفت فخوك و هادشي ايخلي لقضية تمشي لمنحنى اخر داكشي علاش بغيتكم تعطيوني تركيزكم مزيان
نطق ياسر باستغراب خوف تسلل لقلبو خايف لا يكون خوه داخل مع شي م**ن**ظ**مة: كنسمعك
شافت فناصر لقاتو كيشوف فيها بجدية نطقات بصوتها لحنين لي كيطربو فمسامع ديالو: ناصر
غمض عينيه و حلهم و نطق بختوريتو خلات قلبها يضرب و تزنيگة طلعات مع حنيكاتها و هما ماشي فالوقت يسمح ليهم يتحابو: دكتورتو

يتبع...✏️

ياختي كيتحابو فالوقت و المكان الغلط🙂