🍃 مشاعر_صامتة 🍃| ( مكتملة )

🌛بارت 61 🌜

🌺مشاعر صامتة🌺
                   بقلمي✏️: خولة غزالي🌹
    

اما عند ناصر لي خدام و عينيه عندها بانت ليه ماشي هي هديك تفكيرها مشوش و مامرتاحاش فلجلسة قدر يقرى ملامح ديالها علاش لا و هادي اول حاجة كيعلموهم فشرطة هي قراءة ملامح و حركات شخص مشتبه بيه تلفت لعند الياس ملي سمعو نطق
الياس:و كاينة واحد حاجة لي تقدر توصلنا لخيط
ياسر بتساؤل: لي هي
الياس باستغراب: ضحايا كلهم كتجمع بيناتهم واحد حاجة و واحد رابط
ناصر عقد حواجبو: رابط
الياس عطا ملف لياسر لي نطق و هو كيقرى فلمعلومات: رابط صداقة
الياس بابتسامة: فعلا ضحايا كانو اصدقاء و ديجا قراو فنفس الجامعة و لكن دبا عام تقطعات علاقة صداقة بيناتهم
نطق ياسر بهدوء: هادشي غادي و كيتعقد
ناصر شاف فألاء لي مزال ساهية رجع شاف فيهم و نطق بهدوء: سيرو دبا من بعد و نكملو
الياس و ياسر: واخة
وقفو و نصارفو خلاوه هو مدة و هو جالس كيشوف فيها لقاها غير ساهية ماحاساش بشنو داير بيها جابت ليه شك و الخوف وقف و تمشا جلس حداها
اما الاء بدات كترمش فعينيها بزربة ملي حسات بليديه كيلعبو فشعرها تلفتات بان ليها جالس حداها ضورات عينيها فلبيرو كان خاوي محساتش امتى خرجو
نطقات بصوت متوتر و متقطع: اا س ساليتو
وقف ناصر جاب كورسي و جلس قدامها شد ليها فليديها و شاف فيها بعمق و نطق بحنان : مالكي
سرطات ريقها معرفات ماتقول واش غادي يتيق فيها راه واحد مدخلش ليه لعقل بوليسي يصدق مجرم تغرغرو عينيها و نطقات بخوف: ماغاديش تيق بيا
حط ليديه على حنكها كيمررها بهدوء خلعاتو ديال بصح كانت صحة سلام تا ولات هكا نطق بحب: مانتيقش فكولشي تاليك نتي ادكتورة
ألاء شافت فعينيه نيشان و نطقات: كنت قلت ليك مجر*م عينيه خضرين ياكا
كمش حواجبو بتساؤل: اه علاش
ألاء حطات ليديها على ليديه لي فحنكها زيرات عليه و نطقات: شفت واحد علامة اخرى على مجر*م و نسيت مدكرتهاش
بدا كيرمش بعدم استعاب كفاش دبا هي كانت عارفة شي حاجة و نساتها تقدر تكون غاتوصلهم لحقيقة نطق بهدوء: اهاه
ألاء كملات كلامها بتوتر: شفت فليديه ليمنى وشم على شكل أفعى
ناصر تصعق بعد ليديه من وجهها مصدوم طاح فبالو شخص لي شكون منغيرو واشم أفعى شاف فيها بتخوف ماباغيهاش تكمل : كملي
ألاء بدات كترعد عضات شفايفها و نطقات: ودبا شفتها فشخص لي عينيه خضرين و عندو نفس لوشام
ناصر ماباغيش اتيق اخر واحد اقدر اشك فيه هو صاحبو و شريكو نطق بتخوف: لي هو
ألاء بخوف: ياسر
مايمكنش اديرها مامتيقش و ميقدرش اكدبها عينيها و ملامح ديالها و حركاتها كيبينو انها كتقول صراحة و هو متأكد من هادشي ،بقا مدة و هو مصدوم تا حس بليديها على ليديه و نطقات بصوت خافت خافتو لا ميتيقهاش
ألاء: ناصر هو بصح عينيه خضرين ولكن نظرات مختالفين
ناصر فين هو مامعاهاش ديك ساعة وقف و عروقاتو برزو و عرق نزل ليه مع جبهتو مايمكنش صاحبو يستغباه و يرجعو حمار بحال هكا مايمكنش اخر واحد اشك فيه هو ياسر ديك ساعة خرج من بيرو و هو كينهج و ألاء تابعاه كترعد و تعيط ليه بان ليها قاصد ياسر و الياس طاح منها نص خصوصا ملي شافتو دفع الياس و تلاح على ياسر بكروشي دوخاتو صافي رجليها خواو بيها
إلياس مصدوم مافاهم والو ياسر تاهو شاد فمو و دم هابط ليه منو نطق بتساؤل
ياسر: مالك اصاحبي اش واقع
شنق عليه ناصر و سيفتو كتخلع زدحو مع حيط و نطق بخدلان: تقت فيك اياسر تقت فيك باش فلخر تلعب من مورى ظهري
ياسر شاف فيه بخوف و نطق: مالي اش درت
ديك ساعة عطاه كروشي اخر خلاه طايح كيتنفس مجهد شاف جنابو بان ليه كولشي كيشوف فيه و كيتفرجو مصدومين حيت عارفين علاقتو بيه و بإلياس تقة كلها خداوها هاد جوج نطق بصوت عالي: جيو ديو عليا هدا لتحت تا نبداو معاه تحقيق
ديك ساعة جاو واحد تلاتة و هزوه و هو فشلان ماقدرش ينطق إلياس فاق من صدمتو و نطق بغوات و غضب: اش واقع اناصر اش هادشي درتي
ناصر خرج فيه عينيه و جبهتو بغات طرطق بقوة لعروق لي تنفخو فيها: هداك عرفتيه شكون راه هو لمجر*م لي كنا كنقلبو عليه و هو جالس بيناتنا و كيحاول ميفرشش راسو و حنا حمقين عند بالنا خدام من نيتو

يتبع...✏️

عصاه المسخوط 🙂