مقبرة الحب الاول

مقبرة الحب الأول

عزة : انطقى يا بت سيبتى ركبى .
مايسة : مش هينفع هنا ، تعالى ندخل جوة ونقفل .
أغلقت عزة الباب .
مايسة : من غير دخول فى تفاصيل أنا كنت بأعمل حاجات غلط ، علاقات على النت ومكالمات ، بس الحمد لله توبت ، لكن اللى كنت أعرفهم مش سايبنى فى حالى ، واحد منهم بيهددنى إنه يفضحنى وينزل الفديوهات على النت لو ما رجعتش له أو دفعت له خمسين ألف جنيه .
عزة : وانتى قولتى له إيه؟
مايسة : رفضت طبعا ، أمال هو هددنى ليه ؟
عزة : طب افتحى موبايلك وخليه يكلمك ويطمن لك ، قولى له أنا فى مكان شغل أما أرجع بيت جدتى هأكلمك .
مايسة : انتى بتقولى إيه ؟
عزة : اسمعى الكلام ، على ما أتواصل مع حد من صفحة قاوم أو من الداخلية ، أنا سمعت إن اللى بيبتز بنت بصور أو محادثات بيتسجن .

تواصلت عزة مع مسؤلى صفحة قاوم فطلبوا منها التقدم ببلاغ لمباحث الإنترنت إما على الموقع الرسمي لوزارة الداخلية أو الاتصال على الخط الساخن (108) وهو خط مخصص للإبلاغ عن الجرائم الإلكترونية،  وجرائم الإنترنت ،  ويعمل على مدار 24 ساعة ، أو الذهاب إلى إدارة مكافحة جرائم الحاسبات وشبكات المعلومات بمقر وزارة الداخلية لتقديم البلاغ .
مايسة : أرجوكى مش عايزة حد يعرف .
عزة : ما تقلقيش أنا سمعت إن الموضوع ده بيتعمل فى سرية ، بعدين إحنا ممكن نقدم البلاغ على الخط الساخن من غير ما نروح ، عايزاكى بس تتكلمى مع الولد عادى ليقلق ويقفل حسابه ، عشان الشرطة تعرف توصل لها.
مايسة : حاضر .
عزة : كلميه شوية لحد ما أقدم البلاغ ، هاتى كل بياناته ، اسم حسابه ولو معاكى رقم موبايله .
مايسة : حاضر .
 
بالفعل قدمت عزة البلاغ فطلبوا منها التوجه لقسم الشرطة التابع له سكنها لتقديم بلاغ بالواقعة ، كما طلبوا منها إحضار الهاتف لأخذ الرسائل التي تحتوى على التهديد أو الابتزاز حتى يتم إثبات نص الرسائل بمحضر رسمي .

انتهى كل شئ ، وتم القبض على المبتز ، وانزاح الكابوس ، علمت عزة أنه سيواجه عقوبة المبتز وهى
انتظروا الحلقة القادمة بإذن الله