Chapter 122
နောက်ပိုင်း ရဲများမှ ‘ပုလင်းနှင့်တိုက်ခိုက်ခြင်း’ဖြစ်စဉ်၏ စုံစမ်းစစ်ဆေးမှုရလဒ်နှင့် ပြစ်ဒါဏ်ချမှတ်မှုများကို ထုတ်ပြန်ကြေငြာခဲ့ပြီး တိုက်ခိုက်သူနှင့် တိုက်ခိုက်ရန် ခိုင်းစေသူတို့အား တရားဥပဒေအရ ဖမ်းဆီးချုပ်နှောင်၍ ဒဏ်ကြေးချမှတ်ခဲ့သည်။
ချင်းချန်သည် ချက်ချင်းပင် PR team အား ရဲတပ်ဖွဲ့၏ စစ်ဆေးမှုရလဒ်များကို top trending ဝင်အောင် လုပ်ခိုင်းပြီးနောက် တိုက်ခိုက်သူ၏ အထောက်အထားနှင့် order လက်ခံစဉ်က chat history ကို အောင်မြင်စွာ ကြေငြာခဲ့သည်။
ကြေးစား တိုက်ခိုက်သူ၏ အထောက်အထားကို ဖော်ထုတ်ပြီးနောက် အခြားအိုင်ဒေါ်လ်များ၏ဖန်များသည် အဖမ်းခံရသည့်တိုက်ခိုက်သူမှာ ၎င်းတို့၏အိုင်ဒေါ်လ်များကိုလည်း တိုက်ခိုက်ဖူးကြောင်း မကြာခင်သိရှိသွားကြတော့သည်။ လူထု၏အမြင်မှာ ချက်ချင်း ကျယ်ပြန့်သွားပြီး ၎င်းတိုက်ခိုက်သူနှင့် သူ့အား ငှားရမ်းသည့် black fan များအား ကျိန်းမောင်းခဲ့ကြသည်။
၎င်းရိုက်ချက်ကပြင်းလွန်းသဖြင့် တိုက်ခိုက်ခံရခြင်းမှာ ကျယ်ယန်၏ ‘ကိုယ်တိုင်ရိုက်ဇာတ်လမ်း’ဟူသော ယူဆချက်မှာ အားနည်းသွားလေသည်။ သို့သော် အချို့လူများမှာ ခေါင်းမာလျက် ပို၍ပင် စိတ်လှုပ်ရှားလာကြပြီး ညွှန်ကြားသူမှာ ကျယ်ယန်၏အဖွဲ့ဖြစ်မည်ဟု ပြောနေကြဆဲပင်။
စန်းတင်သည့်သီအိုရီနှင့်ပတ်သက်ပြီး ဒေါသထွက်နေကြသောဖန်များမှာ သည်းမခံနိုင်ကြတော့ဘဲ ၎င်းခေါင်းမာသည့်လူများနှင့် တိုက်ခိုက်ကြတော့လေသည်။ သို့သော် ကျယ်ယန်၏အဖွဲ့မှာ ညွှန်ကြားခြင်းမဟုတ်ဟူသည့် သက်သေကို မပြနိုင်ပေ။ ဖန်များမှာ black fan များ၏ ကျိုးကြောင်းမဆီလျော်သည့် စွပ်စွဲချက်များကြောင့် ဒေါသအလွန်ထွက်ခဲ့ရသည်။
ထိုအခိုက် ချိုးရှင်းမှ weibo post တစ်ခုတင်လာသည်။
[ချိုးရှင်း: ငါရှိနေမှတော့ သူက စန်းတင်ဖို့အတွက်နဲ့ သူ့လုံခြုံရေးသူ ပြန်အသုံးချဖို့လိုလို့လား?]
ချိုးရှင်းပို့စ်တင်ပြီးစက္ကန့်အနည်းငယ်အကြာ လူအချို့သည် weibo ၏ opening screen သည် ယခင် Skincare ထုတ်ကုန်ကြော်ငြာမှ ကျယ်ယန်၏ album poster အဖြစ် ပြောင်းလဲသွားကြောင်း သိလိုက်ရသည်။ ထို့နောက် #ကျယ်ယန်၏ album အသစ် lucky draw အစီအစဉ်# ဟူသော သတင်းသည် Hot Search list ထိပ်ဆုံးသို့ ဝင်လာခဲ့သည်။ သတင်းကိုဝင်ကြည့်လိုက်သောအခါ ရုန်တင်း၏ brand အခွဲများ၏ တရားဝင် blog များမှ ကျယ်ယန်၏ album ပရိုမိုးရှင်းအတွက် lucky draw ကျင်းပပေးမည်ဖြစ်ကြောင်း တစ်ပြိုင်တည်းလိုလို ထုတ်ပြန်ကြေငြာခဲ့ကြသည်ကိုတွေ့ရပေမည်။ ကြေငြာချက်ထဲတွင် သင့်အနေဖြင့် ကျယ်ယန်၏ album အသစ်အား forward လုပ်သ၍ များပြားသောဆုလက်ဆောင်များ ရရှိရန်အခွင့်အရေးရှိမည်ဖြစ်သည်။
STAI LEGGENDO
ကျွန်တော့် ယောက်ျား ရောဂါသည် (ကြၽန္ေတာ့ေယာက္်ားေရာဂါသည္)
Fantasyစာဖတ်သူပါ။ ဘာသာပြန်သူကို စောင့်ရင်း ဆက်ဖတ်ချင်တာနဲ့ ကိုယ့်ဘာကိုယ်ဖတ်ဖို့ပြန်ဖြစ်တာ တင်ပေးတာပါ။ တစ်ချို့နေရာများ ရွှီးထားပါသည်။ အမှားပါက ဖြည့်တွေးပေးပါ။ ဝေဖန်ထောက်ပြလို့ရပါသည်။ permission ဘာညာ မရှိပါ။ ငပျင်းတစ်ယောက်ဖြစ်သောကြောင့် Update သည် တစ်ပတ် နှ...
