When Mr. Masungit Meets Miss. Makulit

CHAPTER 82

"NAKAKAINIS! mother nature patulugin mo naman na ako please..."

naiinis ko ng wika at halos tatlong oras ko ng pinipilit ang aking sarili na matulog ngunit sadyang ayaw akong dalawin ng antok talaga.

mga rason lang naman kung bakit hindi ko magawang matulog ay..

una.. hindi ko makuha ang posisyong gusto ko dahil sa napakalaki ng tiyan ko.

pangalawa.. medyo mainit ang panahon ngayon.

at pangatlo..naiinis ako kay enzo!

and speaking of enzo na makulit. tulog na kaya ang lalakeng yun? simula nung iwan ko siya sa labas ng kubo at bumalik ako dito sa loob ng kuwarto. hindi na talaga ako lumabas at nagkulong nalang ako dito.

nakakainis talaga yung lalakeng yun. ano ang pumasok sa utak nun at nagawa niya akong biruin ng ganun? ang pilyo pilyo talaga.. hmp!

anyway, ipinilig ko nalang ang aking ulo sa pag iisip kay enzo at muli kong pinilit ang aking sarili na matulog. makalipas ang ilang minuto, wala pa din nangyari kaya naman sa sobrang asar ko. marahas ko nalang naibato ang mga unan sa aking tabi sabay wala sa sariling napakamot sa aking ulo.

nasa ganun akong estado nang maya maya nalang may marinig akong tumutugtog ng gitara sabay sinabayan pa yun ng lalakeng napaka sintonado ng boses kung kumanta.

"Uso pa ba ang harana

Marahil ikaw ay nagtataka

Sino ba 'tong mukhang gago

Nagkandarapa sa pagkanta

At nasisintunado sa kaba

Mayron pang dalang mga rosas

Suot nama'y maong na kupas

At nariyan pa ang barkada

Naka-porma naka-barong

Sa awiting daig pa ang minus one

At sing-along

Puno ang langit ng bituin

At kay lamig pa ng hangin

Sa 'yong tingin ako'y nababaliw giliw

At sa awitin kong ito

Sana'y maibigan mo

Binubuhos ko ang buong puso ko

Sa isang munting harana

Para sa'yo

Di ba parang isang sine

Isang pelikulang romantiko

Di ba't ikaw ang bidang artista

At ako ang 'yong leading man

Sa istoryang nagwawakas

Sa pag-ibig na wagas"

"sino ba ang kumakantang yun at sa ganitong dis oras pa ng gabi naisipang kumanta?"

naiinis kong wika dahil sa makabasag eardrum na boses ng lalakeng yun.

hindi kaya may lalakeng nanghaharana sa kapitbahay namin? nakakahiya naman itong lalake nato. hindi na lang siya nag rap o di kaya naman tumula. kumanta pa talaga, wala namang boses. nakakasakit lang ng eardrum ha. diyos ko. lalo na akong hindi makatulog nito e.

pero teka. medyo malayo ang kapitbahay namin samin ah.. imposible namang ganun kalakas ang boses nung lalakeng kumakanta. ano yun, may mic lang? at saka parang yung tinig nagmumula malapit sa bintana ng kuwartong okupado ko.