تكلاصيت بالبرد تا بدا نيفي كيسيل وماعارفاش اش واقع ...
-رجال نضال هجمو على الفيلا ومروى تخشات فالتلاجة كتكلاصة اما نضال راه جاي فالطريق كيغلي وكيدورها فراسو جالس فالطيارة على الفوطوي متكي على ركابيه وكيشطح برجليه و يديه على لحيتو وسنانو معضوضين و يدور فعينيه ،وصابر قدامو فالفوطوي شاد تيليفون د نضال وداخل ليه للكونت كيقرى و يتفرج ويعاود فالتسجيل د الفيديو لي سجل نضال و حطو فالتيليفون . صابر: (كيتفرج مصدوم ) هادي مروى بصفتها ونعتها !!!! ميمكنش تكون شي وحدة خرى و كتشبه ليها تا لهاد الدرجة !!! ولاكن كيفاش عيا مزالة حية ؟!! حنا دفناها قدام عينينا؟!!! كيفاش دابا عاد كتبان ؟! اش هاد الحماق هادا ؟ وكيفاش نيويورك !! اش جابها لنيويورك ؟؟؟ معامن كلسات هاد المدة كاملة ؟!
(صعر نضال) نضال: وعلاااااش مارجعااااتش تقلب على ولادها و عائلتها!!!! وكيفاش وعلاش و شنو بزاااف ديال لخرى غادي نعرفو مللي .....(ضرب الطبلة) ملي نوصل!!!! شكون هاداك اللي شفت و باينة غير يدو !!! والحماق انها جالسة فوق الناموسية ..يعني معاها فالبيت!!(شابك صبعانو مور عنقو و كيتعصر)
صابر: راه تقدر تكون شي وحدة خرى!!!! (كيحقق فالتصاور) لالا هادي مروى!!!!! لااا ولاكن اش كدير مع هادا!! وعلاش ضربها!! تقدر متكونش هيا ....يمكن مباشرة مكتشبهش ليها!!!!
نضال: (غوت) واش كتسطى عليا نتا هااا!!! هاديك مروى وميحيدهاش الطبيب...انا ماشي واكل مخي فطرف د الخبز باش تخفى عليا صورتها وهيا ديما فبالي عمرها تنسات!!!! (كيشوف فالساعة فيدو) هادشي كاااامل غدي نعرفو فاش نوصل ...مي مروى بااااقة حية هادا سؤال وعارفو ولاجوبة لخرى غانعرفها غير حتى نوصل .علاش و كفاش ،كاملين غنعرفهم مللي نشد هاداك نفرع ديلمو ونشوفو قصتها هيا ..
-نضال شاف مروى ومغيتهنى تا يعرف شنو كاين سوا هيا ولا ماشي هيا واخا هوا دخل لراسو لفكرة د يال انها عايشة .اما هيا بقات فالتلاجة كتشطح بالبرد ..ورجال نضال طلعو كيقلبو تا لقاو دانييل ناعس قلواني فوق الناموسية و ربطوه هاكاك كيما هوا معاها نا ضرباتو الفيقة لقى راسو مكسل صون سليب صون سروال والرجال واقفين عليه .. دانييل: شكون نتوما!!!!(مخلوع) شنو واقع؟ علاش رابطيني هاكا!!!! شنو بغيتو مني... زعيم الفرقة: بلا متفرع لنا راسنا ...دابا تعرف علاش ...مالك زربان على عمرك ههه
دانييل: طلقووني(لقى راسو عريان) شكون نتوووما !!!! فين ديتو لبنت للي كانت معايا!!!(دخل واحد)
الواحد: ماكاين تاوحد فالفيلا ...كيبان ليا كاين غير هادا هنا!!
الزعيم.: (غوت) التعليمات كتقول بللي الفيلا مافيهاش غير واحد ...والهضرة كتكول جمعو ..ماشي جمع واحد ...تحركو فين ما كان شي واحد جبدوه ...يالاااه ...
دانييل: فين مشات البنت اللي كانت هنا ...فين درتهوها؟! هاااه
الزعيم : قطع حسك و لا نقطعو لمك(حطو ليه الفرادة عند راسو) مابقاش بزاف هههه هانتا قريب تموت ههاههاهاا...
بقيت انا فالتلاجة شحااال تا قربت نجمد ...شوية مابقيتش كنسمع حس تا واخد فالكوزينة ...حليت لباب تلاجة بشوية و انا كنطل مالقيت حد من غير الغوات فالفيلا و الجرى والارض كتعزع..قلبو الكوزينة فلاوها مالقاو فيها تا واحد وانا نخرج كنقفقف لاسقة مع الحيط ...باغا نشوف كي ندير نهرب تا سمعت حس شي واحد جاي و انا نتخشى بشوية تحت البلاكار مور البوطة و زميت فمي ...اففف الحمد الله اللهم لبلاكار ولا تلاجة ..تفووو وليت حالتي ..اعع ...يخ. -ضرباتها مروى بصقلة وعندها الزهر كيهرس لحجر ،يالاه خرجات من التلاجة جا واحد حلها جبد منها الما وسدها ومشا ....
-جلست مور البوطة كنتسنى تفنى الدنيا تا داني النعاس وانا كنبكي والخلعة فيا. داز الوقت والطيارة د نضال وصلات ونزل كيطير ركب فالطونوبيل وحداه صابر وتبع العنوان بعد ما جاه اتصال ..(الزعيم د الفرقة) . نضال: وي(مغزف) هانا جااي...فين مشااات (صعر) هانا غنتفاهم معاكم ...(قطع) مالقاوش مررى؟ (مغدد)
صابر: هاا!!! ...كيفاش ..كيفاش ملقاوهاش!؟ نضال: الصمت و البركان فايض منو. وصل بلليل تا دخل للفيلا كيسب و يعاير فيهم و طلع نيشان لشومبر ...يالاه دخل مصعور كلشي جمع الوقفة ...
نضال: (عينييه ف دانييل عريان) فاااك(كيحك سنانو)
صابر: (مصدووم) هادا !! هادا نتا؟!
_______________****
تشجيعاتكوم البنات باش نكمل راه الفوط ماكانتخلصوش عليها غي كاتشجعنا
أنت تقرأ
حبيبي مافيوزي الجزء التاني
Actionهدا الجزء التاني ديال قصة حبيبي مافيوزي للكاتبة غزال تروست
