صابر : اجي شدها باش متغرقش راه شدني كلاكاج فرجلي... انا:(معنقاه وكنهضر ليه فودنو) لالالا عااافاك اصابر طلعني نتا 
😟 حشومة عليك علاش كدير ليا هاكا عهههنننهن صابر: راه شادني كلاكاج وماقادرش نتحرك ونتي مكتعرفيش تعومي .شنو غندير فنضرك؟ نطلق منك ونخليك تغرقي؟ انا:(نضال نزل للماء وانا عاطاه بضهري لاسقة فعنق صابر) لااا بلا ميشدني هواا هههننهن عيط على كلارا تجي تجرني.. على ذكر الجرة ... حسيت بيد نضال شاداني من دراعي جارني عندو بلطف وانا ماباغاش نطلق من صابر حيت الى طلقت منو غضطر نلسق فنضال وصابر كيحيد ليا يدي من عنقو... صابر: اااي رجلي ... شدي فيه انا ماعندي باش نفيدك غير طلقي مني (نضال ساكت وكيجرني وانا ماباغاش نضور وجهي) انا: (مغمضة عيني وكنطلق من صابر وكنهرنن) ولاه منخليها فيك هههنننهن صابر اخر مرة نهضر معاك صابر: هههههه نضال: فففف (تناهد) طلقت من صابر وهوا يضورني نضال عندو لسقني معاه وكيشوف فيا وانا سادة عيني كنهرنن وضورت يديا على عنقو بشوية وحطيت وجهي على كتفو وكنحس بيديه شاديني من خصري وكيداعبني بلطف وانا نفسي كطلع مرعودة ومتقطعة عارفة قلبي كيرتاح غير ف احضانو هوا بوحدو، بقيت ساكتة بحال شي مشيشة وهوا كيداعبني فصمت ونفسو فعنقي ...كنحس بيه قريب ليا من راسي و اجسامنا ملتسقة مع بعضها ، كنت محتاجة لهاد لمسات ديالو وهاد الحضن الدافىء بزااااف كتر من اي وقت... كراميل: وييييليييي نسااات راسها .. بففف معامن انا ... طززز ماشي هادشي علاش تافقنا! اويييلي دغيا سحرها وستحلات النعسة عندو
😨.. واااخا خليك تا طلعي عندي ونتفاهمو كلارا : وينوووو على انسجام بيناتهم
😍 (صابر طلع من الماء ومشا كلس حدا كلارا)شوف اصابر نضال كيداير
😮فخبارك اول مرة نعرف بللي هوا حساس حتى لهاد الدرجة ...واااو كي كيعاملها 😍بحال شي بيبي يالاه تزاد!!! صابر: وي...هاداك الحب اللي كيخللي الانسان يتعامل هاكاك بحنية واخا يكون قاصح
أنت تقرأ
حبيبي مافيوزي الجزء التاني
Actionهدا الجزء التاني ديال قصة حبيبي مافيوزي للكاتبة غزال تروست
