حبيبي مافيوزي الجزء التاني

123

فطرت على كانتي ونيت كنت مشهية عصير الليمون بلا سكر ، ساليت ونضت لبست انسومبل فالاسود، لوني المفضل، سروال كولون لاسق و دوني مقزب من الكرش و جمعت شعري كوب شوفال وميكاب خفيف ووقفت قدام الرفوف ديال الروايح باغا نهز شي بارفان نديرها ، بقيت كنطلع ونهبط فيهم وانا ندير بناقص وخرجت قبل ما يخرج نضال من الدوش ويبدا فالبسالة والتخوار، مشيت نيشان لبيت نضال اللي فيه مرايا فالسقف ودخلت ليه، ريحتو عاطية فيه ، مشيت للبلاكار ديال الروايح وبقيت كنشوف فيهم كنقلب على لبارفان اللي شميت فيه اول مرة ف اول نعسة فاش يالاه ديفييرجاني تا لقيتها ، وااااو .. هاااهيااا😍 احح كتحمقني هاد الريحة "Calvin KLein. One(عنقتها و كنبوسها ) رشيت منها ورشيت فالهوى بقيت كنشمشم فيها فوهات ليا صدري من لداخل بريحتها ، رجعتها بلاصتها وخرجت فرحانة مشيت عند كراميل للبيت نشوفو، بغيت نحل الباب مي هوا اصلا كايسدها من لداخل و ماكايبغيش للي يدخل عندو و خ صوصياتو كيحتافض بيهم راسو. مروى: طق طق طق... كراااميييل.. (كتسنط من الباب) طقطقطق...كراااميييل؟؟؟ واش فايق كراميل: (من الداخل بصوت مفزوع) هانا جاي هانت جاي!!!! حل ليا لباب وجهو صفر كيتفتف.. مروى: اويلي مااالك ؟؟؟؟ (شدني من كتفي وكيطل مكمش فمو واش جاي شي واحد اخر وهوا يجرني لداخل وسد الباب ...) اويييلي مالك؟ مالك ياكما ضرب شي جن؟ (بان ليا مفافي وقلتها غير على الله ) كراميل:(زاد تفعفع و تاكد بلي ضربو شي جن) 😨 ياك باينة فيا .... ههههنننننهههنههنهنهنهننن😢😢😢 مروى : وااهضر الخرى ، شكوواااقع؟ كراميل: اويلي ياوييييليييي يا ويلييي😭😭(كيضر فخادو) مروى: واش غاتهضر ولا لا😡 واا قول مالك ؟ كراميل: داكشي اللي كاين (كيهضر و يندب) راني بت فالبانيو اللي كامل و ضربوني جنووووونهههنننهههنههههن😭😭😭مروى: (تنهدت، كان غيسكت ليا القلب) وايعطيك ضربة كيما خلعتيني تفووو... جنون هه ولاهيييلا فالك الجنون، كن ضربك شي جن كن راك عوج دابا. كراميل:(جمع البكية) زعمااا!! (كيشوف فراسو) بصح؟؟؟كن ضربني شي جن كنت غانعواج؟؟؟ مروى: واييه هما راه كيعوجو ، غير بلا ماتخلع راه ماقصك حد، وا نوض دابا قاد حالتك وانا نعاونك باش نهبطو نشوفو شنو كاين؟ كراميل: افففف عاد رتاحيت (شاد قلبو) مروى : هههه ماتخافش ، شحاااال من مرة نعست فالبانيو وماوقع ايا والو. يالاه تحرك دابا راه باغا نمشي نشوف التوينز . كراميل: اه .. صافي سيري نتي شوفيهم تا نتبعك. مروى: اوك ، وماتعطلش خرجت من عندو ومشيت شفت ولادي لقيتهم كايلعبو ،عهد كيخطط فواحد الصبورة بالالوان و وعد جالسة شادة طابليط كتلعب غيها، بقيت معاهم شوية وخرجت هابط فالدروج وانا نتلاقى باريش وقفني باريش: بونجور مادام (كيحتارم زعما) مروى:(على نيتها، وهوا كيطلع و يهبط فيها) بونجوووور.(عطيتو صوابو وكملت طريقي) باريش: (خصارة مجوجة ... ولاكن تا حاجة ما صعيبة، عجباااتني وباينة فيها ناقصة حنان غير من مللي شفتها جالسة معانا فالعشى ، راجلها ما كيضحك ما والو باينة فيه معقد ، هه مي هانا جيت ، نعوضك الحنان يا أموورة