حبيبي مافيوزي الجزء التاني

107

صابر وهوا كيلعب مع كلارا الشطرنج حدا لابيسين صابر: وراكي مغتغلبينييييش واخا تمووتي ، شوفي شحال من مرة غلبتك وشحال من حكم عليك خاصك ديريه، صافي دابا مانزيد معاك حتى طرح تا ديري داكشي اللي قلت ليك عاد نكملو.. كلارا:اوووف فكل مرة كنقول غنغلب كنزيد نخسر تفو صابر: هههه وانتي مكلخة شغاندير ليك.. كلارا: ايوا علمني نلعب بحالك ماشي تقول ليا مكلخة(وقفات عليهم صوفيا) فين مشيتي نتي من قبيلة وانا كنقلب عليك؟ صوفيا:نزلت للبحر ... (ابتسامة) فين مروى؟ كلارا: لداخل.. اجي تلعبي معانا شي طرح..ولا عرفتي شنو انا نلعبو غير انا وياك و داكشي باش حكم عليا صابر نحكمو عليك الى خسرتي ههه صابر:لالا baby غاديري داكشي للي قلت ليك ولا مانعاودش نلعب معاك صوفيا: وباش حكم عليك؟ كلارا:ببزااف .. قالي نطيب انا لغدا و ونسقي الورد و ندير ليه مساج صابر: ونسيتي تستفي ليا حوايجي فالبلاكار. صوفيا:ههههه كلارا: واا بزااف هادشي شغل الخدامات اصابر ماكاين لاش نديرو انا،انا يلا بغيتي ندير ليك مساج اه .. صابر:وا لااااا غاديري داكشي للي قلت ليك ولا ملاعبش كلارا: اااوووف... اوك باش نبداو؟ صابر: بالمساج هوا اللول، حيت الى بديتي بشي لاخر غاتعياي و مانستافد انا والو.. يالاه نوضي دخلي لاصال د سبا وجيبي من تما الزيوت ياك احبيبة ههه واجي راه ضهري كيتسناك.. كلارا: اوكي هانا غادا.(يس غندير ليه مساج ههه) صوفيا: نلعبو شي طرح بيدمن ترجع؟ صابر:مرحبا، وحتا نتي الى خسرتي غنحكم عليك. صوفيا: تايق فراسك!!هاحنا غنشوفو. -كلارا فلاصال ديال السبا كتهضر مع الاختصاصيين فالمساج.. كلارا: امم هادا ريحتو زوينة ،اوكي غاناخد هادا ديال النعناع و هادا ديال العنبر. ...:اوكي مادموزيل واش تبغي يرافقك شي واحد يدير ليك المساج تحت اشعة الشمس. كلارا:(كتهضر بلاباقة)نوو مايحتاجش ..ميرسي. رجعات عندهم لقاتهم لاعبين وهي تقرص.. كلارا: انا قلت غانمشي دغيا ونجي ماشي غنسكن تما صابر: هاانيا هاحنا غنشوف هاد صاحبتك تاهيا كيفاش كتفكر.(كيلعب ممسوقش) كلارا:(دابا هادا مالو ماكيفهش.. يخ ياكما عينو فصوفيا؟!!) جلسات حداهم كتشوف فيهم بنص عين وماعاجبهاش حال تا... صابر: هاهاها.. تانتي مكلخة كتر من لخرى ههه صوفيا: بففف..(خسرات) اوك باش كتحكم عليا؟ كلارا:(مغوبشة