حبيبي مافيوزي الجزء التاني

part65

علاش كاتب ليا ادوووب! بلاااتي!!! هاد السمية ديجا سامعاها !!!! حاسة بحال الى كنعرف هاد السمية؟ حتى شي كلمات كنسمعهم من نضال كيجيب ليا الله بحال الى ديجا سامعاهم!!وااااع عقلي غينفاجر! كنحس بشي حاجة ماشي هي هاديك؟؟ وبحال الى كنعرف نضال من شحال هادي! شنو زعما نكون ديجا كنعرفو؟؟؟ وولادو للي عنقوني !! تاهما حسيت باءحساس غريب من جيهتهم ...جلست كنفكر و نخمم فوق الناموسية شحااااال فاللخر قلت مع راسي راه غير الحب هادا هوا اللي كيخليك تحس بالقرب من لانسان اللي كتبغي .مهم نوض نقضي حاجة لراسي ونيت نمشي نطل على دوك الكتاكيت للي عند نضال . نضت دوشت وتفركست كالعادة وخرجت من الشومبر لقيت كراميل خارج تا هوا. كراميل: هاي هاي هاي مرة نتي خارجة من بيتو مرة هوا خارج من بيتك. بااينة لعبتي نتي وياه هز البوطة حط البوووطة(كيتقحبن) ههه انا: اممممم(فرحاااانة) سبع يا حبييييبي سبعع هههه (كنتحلون) نااااري خطييييير ههه كراميل:(مكمش فمو) هاي هاي على التقحبييين !!!!مشيييت بعيييد اجمتي! ياك ما غتصابتيه ههه انا:(فقت من السهوة) اوييلي لااا راه هوا اللي غتاصبني خهه مانقدرش انا ندير شي حاجة ولا نلوح يدي عليه! واخا يعواااج ما نتلاحش عليه عمرها تكون ليه ،من غير شوية ديال التقحبين باش نلفت النضر ههه كراميل:(بينما انكي صاحبتو وما عارفة والو اجي نحل ليك داك الدماغ شوية) شووفي نضال راه شحاال من وحدة كانت باغا طيحو وشحااال من وحدة عرف وغييير شكون وشكون بنات القااع و الباع واشهر عارضات الازياء و شحال من مرة طاح مع بنات الروءساء و الامراء و ديما كانو لاسقينو واخا هوا ماكانش معمر وقتو غير بالحوى مي مرة مرة فاش كيبغي ينشط كتجي ليه شي فنانة زوييونة ومشهورة ولا شي وحدة و كتفتن بالزين. انا: ودابا لاش كاتقول ليا انا هاد الهضرك؟؟ باش تفقصتي؟ وانا مالي يدير اللي بغا وزايدون بحال هاداك عمر شي وحدة ترفضو راني عاارفة هادشي كراميل: انا كنقول ليك هادشي باش تزيييدي تعمري ليه العين وراه هوا اول مرة كيبغي شي بنت فحياتو و اول مرة يطيح مع وحدة باقة صغيرة فهمتي ،ديما كيطيح مع بنات كبار فالعمر و زوينات و كيطيرو فالتقحبين. وانا متاءكد مكيعاملكش نتي كقحبة فالنعاس وكيتعامل معاك زوين حيت عارفك باقة صغيرة وكيعاملك مزيان و نتي الى بقيتي تنفخي عليه غيطفش منك (كيتعوج) انا: وشنو ندييير؟؟؟(في حيرة) كراميل: اممم...سمعي ليا و انا نوريك شنو ديري غير تا يرجع ..وماديري والو من راسك تا نقول ليك انا..حيت انا عارفو مزياااان وعارف كيفاش تربا. انا: اوك صافي مشاات،يالاه نمشيو نشوفو ولادو.. كراميل: يالاه زيدي(عالله تفكري شي حاجة)

مشينا للبيت عند الدراري و دخلت عليهم انا و كراميل كانو معاهم جوج مربيات... المربيات شافو مروى تصدمو ..حيت كيعرفوها و من نهار ولدات وهما مربيين ليها ولادها و عارفين نضال كيموت على ولادو وديما رادين ليهم البال و وديجا وصاهم قبل مايجيو معاه باش الى شافو مروى مايعيقوش وزاد شرح ليهم كراميل بللي فاقدة الداكرة حيت طبع نضال فشكل وماكيكترش الهضرة من غير مع مروى كياخد راحتو التامة فاش كيكون معاها وهيا الوحيدة اللي كيضحك ليها ويضحك معاها والوحيدة اللي للي عارفة نضال الضرييف واخا كيتسيف عليها فابلاصة كيرجع يصالحها وحتى واحد ما عارف وجهو التاني والضحك و الرومانسية اللي فيه ،ديما كيشوفو غير الوجه العابس و الملامح اللي كتخووف والهضرة القاصحة و الشوفات اللي كتخليهم يشكو فريوسهم واش دايرين شي زبلة واخا ما يكونو دايرين والو. في غرفة الاطفال... المربيات شافوها خرجو عينيهم و هما يوقفو كيتمتمو وهي مشات نيشان جلسات مع الوليدات كانو كيلعبو وكراميل شاف المربيات تصدمو و زرب عليهم كراميل: امم..بلييز خرجو دابا حتى لمن بعد و اجيو..(كيحركو راسو و عينيه باش يخرجو وسد الباب موراهم) انا:(مربعة مع البراهش) وييينوو شنو سميتك نتايا؟؟ ههه(كنهضر معاهم بلغتهم) عهد: اهد..(كيتعلم يهدر) انا: ويتك ويتك يخلليلي الجمال و الزييييييين موااااااح، ونتي يا لغزالة شنو سميتك وعد: (مفششا) د د.. انا:هههه مواااااااح...غادي ناكلكم...،نتا للي جيتي ريشتيني الصباااح هههه ،(شفت فكراميل) مالها فرجلها؟؟ (بقات فيا) كراميل: طاحت عليها لكبيدة لحبييبة ديالي...(تاءثر) طيحها خوها! انا: اححح كوراه تقصحات... كراميل: ههن راه من لبارح منين تهرسات وهي مريضة والسخانة فيها مابغاتش تسكت من البكا..والليل كامل وانا بايت معاهم هنا حتا قرب يطلع (كيخزر فيا باغي يحشمني) النهار ..عاااد جا نضال لهنا و (انا كنضور فعيني) لقاهم ناعسين و بدا كيقلب ليهم السخانة و هزها وهي ناعسة و تسرح فوق ديك الكنبة و نعسها عندو ... انا:(تزنكًت) اممم..ههه(ضحة صفرة) بصااح! كراميل: اممممم(كيضور عينيه فيا) زعما فين كنتي نتي مللي جا طل عليعهم؟ انا:(اااه تا نعست و خرج هوا!!) ايوا صااافي دابا بلا ماتبقا تشووف فيا هاكا..كنت .....ناعسة.(تيلي كيصوني) هاا!! نضال كيصووووني...الووووو..(تقحبين) نضال: حبي... انا: قح قح(ماعرفتش علاش كيوقع ليا هاكا مللي كنسمع صوتو افف) نضال: هههه انا: احح(كنسرح صوتي) نضال سافًا؟ نضال: نضال حافية؟؟ ما فيها لا توحشتاااك لا حبييباا لا والو؟ انا: (حشمت) راه حيت انا دابا مع ولادك داكشي علاش(هانا بديت نخور فالهضرة) نضال: ههههه ااه ايوا نوضي من حداهم و هضري فراحتك(كيطنز) باش مايسمعوكش اش كاتقولي.. انا:(ديما كنزرب دييماا تفوو) هاا!!! لا بغيت نقول ...اممم زعما.. نضال: توحشتك احبيبة انا: حتى انا(قلتها بلا منشعر) نضال: بزااف ولا شوية ههه انا: الصمت نضال: صباح مابغيتش نفيقك حيت شفتك عيانة ...واش ماقريتيش المساج اللي خليت ليك؟ انا: (ارتباكت) اه قريتو ...امم انا غنصيفط ليك صورتي... نضال: اوك baby ..يالاه تهلاي فرسك وكولي مزيان و ديري السبور ههههه باش ماتغلاضيش.وتهلاي فالكاتيكت الكتكوتة انا: اوك غير تهنا ...انا غنبقى معاهم حتى ترجع.. نضال: يالاه بيزووو (قطع) مشيت لواحد الواحد المرايا فالحيط طويلة وربعت خديت صورة و صيفتها ليه.