حبيبي مافيوزي الجزء التاني

part56

شفت فيه لقيتو كيصورني وانا نجر الغطى عليا وخبيت وجهي جا تكى حدايا وكيشوف فيا ويبوسني حسيت براسي اكتر وحدة سعييدة فهاد الدنيا و منقدرش نتخيلو مع شي وحدة من غيري ومن قدرتش نتصور طريقتو فالدلع و الدلال من غيري انا بوحدي ،و منقدرتش نتخيل الابتسامة و اللممراسة و الضحك ديالو مع غيري ، هاد الافكار ولات كتمرضني وخصوصا وهوا دابا حدايا عاطيني وقتي الكامل و ناسي كلشي و محسيني بللي غير انا اللي كاينة،فكل مرة كنكون منساجمة معاه كدوز فبالي وحدة فبلاصتي،ااوووف انا بديت كنمرض ! شهاد الحب عندي؟ غادي يمرضوني هاد الافكار افف نضال: حبيبة ديالي انا غنخلليك دابا اوك . خاصني نخرج (كيشوف فالساعة فيدو) انا: اوك (يخخخ كون غير بقيتي معاياا اىءهىء ماسخيتش بيك احبيبي هههنههنهن) ناض لبس حوايجو كالعادة ديما انيق وكيشهي ، خرج وخلاني بوحدي ،نضت لبست وتسكسقت على راسي وخرجت نضرب دورة فالاوتيل ..انا يالاه خرجت مع الدورة بان ليا كراميل جاي كيجري بديك الجرية الفركة ديال لقحاب ختصو غير لبزازل و تكمل الباهية.. كراميل: واااهياااا نااااري شنو طرى. انا:اووييييلي مااالك ؟ شنو واقع؟ مالك خلعتييين!! كراميل: راه لقاو مريم ميتة فبيتها كن شتيها عمر النعاس ما يديك! انا: اويييلي عاد كانت معانا لبارح صحة سلام ،كيفاش تا ماتت.؟ كراميل: مااااعرفت اختي !!! الموضاغسن ديال الاوتيل دخلو كالعادة عندها للشومبر يديرو انيطواياج للشومبر تا تقربلات الدنيا فالاوتيل و جا المدير و المسوءولين والخايحة والقيامة !! انا: وفين هما دابا(جريتو كنجريو) يالاه وريني فين كاين هادشي!؟ ضرناها بجرية وحنا نلقاو الشومبر فيه ليكارد كورد مفركعين و المسوءولين على الاوتيل،وقفت فالباب د شومبر بانو ليا مخرجينها فالبايص كاااملة دمايات ،شديت فمي و كنشوفها مدوزينها قدام عيني !!! تصدمت وهما يغطيوها بليزار ابيض !!شوية بان ليا صابر لداخل فالشومبر مشيت كنجري عندو! انا: صابر شنو واقع؟؟؟؟ مالها !!!! شنو طرا(مخلوعة) صابر: (معصب) ماطرا والو بلييز سيري لبيتك و جلسي تما ! انا: فين نضال؟ حتا هوا ناض خرج ماعرفتش فين مشا؟ صابر: (كيحاول يتهدن) نضال ماشتوش هاد كاع وبليييز خرجي منهنا وسيري لبيتك ولا هبطي لتحت ، ماكاينش لاش تعرفي هادش، غير خوي راسك منو. بقيت كنشوف فحيرة، وجرني كراميل و خرجنا هبطنا لتحت لكافي وجلسنا.. انا: هادشي كيخلع؟ ماعرفتيش اشنو واقع؟ (كنشوف فكراميل) واش فتلها شي واحد؟ ونضال فين هوا ماشفتوش تما؟ وهوا زعما مول الاوتيل خاصو يكون تما؟ اولا لا! كراميل: لالا نضال مكيتسوقش و مكيعطيش وقت لهادشي ، المدير للي مكلف بالاوتيل هوا المسوءول، نضال مكيتخلطش بالموضافين والمديرين ديال الاشغال ديالو، غادي تكون وصلات ليه لهبار عن طريق المستشار ...وحيت مريم قريبة لينا ومن الشلة ديالما اكيد غيكون عارف اشنو وقع، وصابر بان ليا متاءثر من الموت ديالها حيت مازال مانساهاش!!! انا: عليييها بان ليا معصب ومنوض الحيحة فالشومبر ديالها! كراميل؛ تاحاجة مكتخبى صابر غيجبد السبب د لموت ديالها و دابا شوية غنعرفو السبب اشنو هوا. النادل: مدموزيل ...تشربي شي حاجة؟ انا:(معندوش منين يدوز) نووو بلاش كراميل: جيب ليها الموني د لفطور(شاف فيا) واش نتي باغا تموتي؟ مابقيتيش كاتاكلي شوفي حالتك غادا وكضعافي!!!! انا: الصمت(كنفكر فالكارتة الي وقعات) كراميل: انا جيب لييي امممم(كيتعوج) كريب بالشكلاط وحليوة و باناشي! بقيت حاللة فمي فكراميل.. محلولة ليه الشهية اناي قوليه يجيب ليك زعزعز(فخاطر ناس الشمال) و و بيتزا د اوصلو!!!!! وابااااز عندو المعدة للي طحن ! النادل: واخا هي اللولة(مشا) كراميل: اختي انا اصلا تهنيت منها يا ربي تسمح لي، كانت واقفة لبا فحلقي وكن بقات كانت غادير لينا غير المشاكل.... مايا: سلااااام(وقفات علينا) انا:(هزيت راسي) هاااي(محملتهاش) نتي باااقة هنا؟؟؟ مازال ممشيتي فحالك؟ مايا:(جلسات ) ااه احبي ههه ماشي هبيلة انا نخلي الحياة والرفاهية و نمشي!! انا: (ابتسامة صفرة) هممم وفين هيا هاد الرفاهية؟؟ وشكون مخلص عليك الاوتيل؟ مايا: ههههه على سوءااال!!(كتستهزء) انا هنا خدامة الراحة والسياحة فهمتيني ههه يعني مكنضيعش الوقت وماكايجي فين يصبح الحال حتى كنطيح فيكتيم اخر وكيخلص كلشي. كراميل: ياااسلاااام هي قولي كتخدمي ناعسة وتخلصي واقفة ههه (كيطلع ويهبط فيها) مايا: اه ا بيبي داكشي للي كاين ، ونتي مزال كنتسالك واحد الدين خاصك تخلصيه النادل: تفضلي امدموزيل(حط ليا الفطور) تفضلي امدموزيل تا نتي(لكراميل) ها الطلبية ديالك...بون ا بيتي.. مايا: ااه واخد الدقيقة (وقفاتو) بلاتي نشووووف (كتشوف فالموني) جيب ليا هادا (كتوريه) وهادا..وهادا. النادل: مرحبا(مشا) مايا: الغدا على على حساابك الحب يااك هههه(والله تا نفدي فيك ديم الفطور اللي فطرتي ديك المرة و حزقتيني ما بقا ليا تا ريال و مزالة لدابا كنخلص فاكريدي للي سلفوني البنات)