حبيبي مافيوزي الجزء التاني

96

فكرت تاعييت و هيا كالسة مبتاسمة كتسناني نقول ليها الحكم ... صابر:(لعالم الله شغاتقول هاد المسطية) ميمي..قولي شي حاجة تكون فالمستوى ... راحنا غير لاعبين زعما انا:(بعد تفكير عمييق) هييهييهي😊..عرفتي شنو ..(انا يالاه بغيت نهضر وهيا توقف عليا المربية قاطعاتني) المربية: مدام ...عهد مابغاش ينعس وكيبكي عليك! انا:(عجبني الحال ملي قالت ليا مدام وقالت عهد كيبكي عليا .. بديت نتعوج عاجبني راسي وكنبين لصوفيا بلي راني والدة معاه الدراري و انا هيا مامات وليداتو ودار ليا داكشي باش ولدت ههه.. تفو على على عقل عندي ههخه) اححم هانا جايا... مشات مروى مع المربية وخلاتهم جالسين و صوفيا عاد ماكاتزيد تشبت ب افكارها مللي شافت مروى و عاقت بيها مزالة كتبغيه من تصرفاتها . صوفيا:(هادي واخا طلقات غادي توقف ليا فطريقي وباينة فيها مازالة كتبغيه .ولاكن هوا لا.. مكيعيرهاش هتمام و مكيشوفش كاع فيها .. دونك مكيبغيهاش اففف انا طحت فيه غير من خلال المعودات اللي كانت كتعاود ليا عليه كلارا ااما دابا راني تعلقت فيه كتر ، ومن صالحي انه مكيحسبهاش واش كاينة، هادي فرصة فين نعمر ليه العين ،يعني ممحتاجاش ناخدو منها حيت هوا اصلا بان ليا ممسوقش ليها وناسيها كاع. ناض نضال طفا الكارو وحط الكاس وزاد خلفة بلا مايهضر ولا يقول تا كلمة... كلارا: صافي سالا اللعب ههه صابر: داكشي .. يالاه تصبحو على خير.(مشا) صوفيا: فين مشا خوك؟؟؟ كلارا: مشا لبيتو... راه 3h30 ديال الليل هادي.. صوفيا: ماكالينا حتى بون وي!!! كلارا: ههه هوا هاكاك داير ،كاع ماتسناي منو يقولها ...عايش فالعالم ديالو بوحدو ماكايضرب حساب لحتى واحد ...هوا ماشي بحال صابر (سهات) صابر حنين و ضرييف واخا كتبان فيه صعيب😍مي بلعكس من لداخل قلبو كبيير و ضحوكي ... صوفيا:(ساااهيا) اه بصح صعيبب و شوفاتو حارين و كلامو قلييل و ديك الغوباشة جات معاه كتحمق و الرجولة كتقطر منو ، وهضرتو حرشة😍 وخشينة وحتى ابتسامتو حرشة ااه.. (كتنهد) اما فورمتو .. واااو وداك الوشام فصدرو و فيدو😍... وملي كيوقف وكيتمشى كيزعز ليا قلبي. كلارا:(حاللة فمها وساهيا) غزاال و شوفاتو كيحمقو و كيقراها وهيا طاايرة وزعيعر بحالي و ديك الابتسامة ساحرة كتفشلني مللي كايديرها.. -جلسات صوفيا و كلارا ساهيين فالنجوم كل وحدة علامن كتهضر وحتى وحدة مانتابهات للاخرى شكاتقول واخا كل وحدة كانت مخبيا مشاعرها على الاخرى تا ستوعبو وناضو ينعسو وحتى وحدة ما عاقت بالاخرى شكانت كتقول . مشيت للشومبر ديال الدراري وكانو جوج باياصات مقابلين مع بعضياتهم و احد ناعسة فيه وعد واحد فيه عهد ،طلبت من المربيات يخرجو و بقيت انا هازة عهد كنبوس فيه وقلبي فرحان بولدي حبيبي وكنشوف فيه و فشعرو الرطيطب تا عييت بالوقيف و هوا مابغاش ينعس وانا نحطو فالبياص ديالو ودخلت معاه تما تكمشت حداه وكنطبطب عليه باش ينعس تا نعست انا وبقى هوا... مروى نعسات وعهد بقى حداها كيلعب ويهضر بوحدو و يخشي راسو تحت تيشورط دايلها و يطلع عليها ويبوس ويطبطب كيما كدير ليه حيت ناعسة تا شوية طلع ليها تيشورط و وهيا تبان ليه بزولة وماعارفش اشنو هيا وبقا معاها كيجر فيها تاجبدها بالفطرة حط فمو فيها وتكا عندها كيرضع واخا مافيهاش لحليب تا نعس. فديك اللحضة للي كان نضال طالع لبيتو قال اجي ندوز نطل على الدراري وحل الباب وهيا تبان ليه مروى مخشية مع عهد ناعسين و البزولة فمو ... نضال:(متكي على البياص كيتاءملهم بجوج) ههه... فكل مرة كنحاول نحيدك من تفكيري واخا غير دقيقة مكنقدرش (كيدوز صبعو على وجها هيا وعهد) مستحييل نعيش انا بلا هاد الوجه البريء ونتحرم من هاد اللحضات اللي بحال هادو... فكل مرة كنتفاجىء بمنضر كيخليني نزيد نبغيك كتر وكتر.. (كيهضر بشوية مع لمسات على شعرها و شعر ولدو ) اففففف... (تنهيدة عامرة) ماكرهتش نهزك وديك نعسك حدايا.. مي نتي يا حبيبتي للي بغيتي هادشي وبغيتي نبعد منك . -حيد لعهد لبزولة من فمو بشوية و غطاهم و طل على وعد لقاها ناعسة قاد ليها النعسة وطفا الضوء ومشا لبيتو. فقت ضهري عوج لقيت النهار طلع وعهد ناعس عليا وهزيتو حطيتو فبلاصتو وخرجت من الباياص تفكرت تيست ومشيت منحري لبيتي لقيت كراميل ناعس و داير ليبانس فشعرو وكريم دو نوي كيبري فوجهو و فيقتو ... انا: راه خاصني ندير تيست ديال لحبالة.... (كنقلب عليه فلمجر تا جبدتو) كراميل: سيري دخلي وديري داكشي اللي قرينا عليه لبارح باش نشوفو شنو كاين (مضهشر بالنعاس) دخلت للدوش كنتفتف وخايفا من النتيجة