حبيبي مافيوزي الجزء التاني

part49

بديت كنلبس حوايجي وكالعااااادة كنمووووت على اللون الاسود ،للست كسيوة كحلة فيها شبكة كيما شفتوني فالصورة، ومع نضال خرج غير بالكالصون ابيض فاللحضة اللي بديت كنصايب شعري بالبابيليز جا وقف عندي نيشان لقاني واحلة ... نضال: نعاونك فشي حاجة احبيبة (كيلعب ليا فشعري ) انا:(ابتسامة) اه .....تعرف تلوي ليا شعري؟ بحال هاكا(كنوريه بالبابيليز) نضال:(تحنى عندي وباسني فحنكي) نلويه ليك احبيبة وعلاش لا نتي ديري ليا خاطري و انا لا! عطيتو لبابيليز ووقف مورايا وكنعطيه خصلة بخصلة كيلويها حتى كنقوليه صافي طلقها. بقينا غاديين هاكاك تا كمل ليا شعري كامل و كيشوف فيه عجبو و كيفسخو ايا بصبعانو بلطف وانا كنشوف فيه فالمرايا وكنبتاسم ،هزيت بارفان ورشيت منو فعنقي ووقفت قدامو وهوا كيضحك ليا ،شدني من خصري و باسني فعنقي بلطف وكيتاءمل ملامحي نضال: نتي ماشي غير كتعجبيني....نتي كتسطييييني ،علاش نتي هاكا ....عكس لبنات للي عرفت كاااملين(انا حشمانة) جداااااابة ...ورطبة ههه وحلوة ههه (قبل خفيفة) واكتر حااااجة كتعجبني فيك طبعك الطفولي ورقة للي فيك و الحشمة اهم حاجة ،حيت عمرني فحيااااتي شفتها فشي وحدة من غيرك(نضرات اعجاب) وضحيكة البريءة ديالك ...خلليك دييييما هاكا حيت هاد المزايا اللي فيك هما اللي شدوني ليك ،كنبغيك ومكنكدبش عليك...انا فعلا كنبغيك من اعماق قلبي، بغيت فيك كلشي ،واخا حميمقة و نية ههههه (شدني من حنكي) حتاهما كنبغيهم فيك.... هوا كيعبر ليها و هي كنتفشش عليه وتحلون وهوا عااااجبو داكشي وكيموووت فيها وفاش كتبدى تفشش عليه كيزيييد يداعبها و يذللها،ومع هوا عندو خبرة فالبنات كيعرف البنت كيفاش دايرة من الشوفة. نضال: هادشي للي كنبغي فالبنت وماكتعجبنيش البنت الباسلة واللي فيها الهضرة بزااف وكتعرف لكشي، انا باغيك نتي للي مكتعرفي لوالو هادي هيا البراءة الحقيقية...واخا يوماين باش عرفتك هاني قلت ليك علاش بغيتك باش تيقي بللي كنبغيك بصح ماشي كنضحك عليك ....اوك حبيبة(بوسة فالعنق) دوخني بكلامو وتقت بيه وتقت بللي كيبغيني بصح ..هز تيليفونو وخدا ليا صورة ... نضال: عرفتي علاش كنصورك دييييما... انا: علاش؟ نضال: حيت كنسافر بزاااف وكنبغي يبقاو تصاورك ديال اي لحضة دوزت معاك عندي ونتفكرهوم.وحتى مللي تشرفي نوريهم ليك هههههه ونضحك عليك مللي يولي شعرك ابيض. دونك هوا ناوي يبقا معايا العمر كاااامل!! واااو ..ممتيقاش راسي. جلست كنشوف فيه و هوا كيلبس حوايجو و كيضحك معايا ،لبس القميجة وجا عندي فهمتو شنو بغا ..وقفت كنسد ليه صدايف و هوا معنقني كيلوح ليا كل شوية قبلة فحنكي و مرة فعنقي و انا كنتحلون ليه،سديتها ليه وجلست متبتة تا لبس كلشي وجا وقف عندي بكوستيم كحل و قميجة تا هيا كحلة والريحة منو كتحمق و هوا غزااال ،شد ليا فيدي وخرجنا مشينا لواحد الجناح خاص وكلاااااص والخدم ديال الاوتيل تما باللباس رسمي .لقينا صابر و حداه جوليا و معاهم كراميل والموسيقى هاادىءة تما واحد كيضرب البيانو كلاااص للمعزوفة الشهيرة ديال بيتهوفن ...لقينا صابر و حداه جولي ف ابهى حلة هوا وياها و كراميل مقابل معاهم مشييك كيبري كالعادة لابس الحمر وليزاكسيسوار والشعر بوكلي و جالس مقاد كيتحلون .جر ليا حبي الكرسي و جلست وجلس هوا فالكرسي للي فوق مقابل مع صابر والطبلة طويييلي مستطيلة ...جلسنا كنضحكو ونتجمعو وتعشينا مجموعين ودار كلشي مزيان ونضنا جلسنا فبلاصة فيها الفوطويات وجلسني حداه كيداعبني ومسولش صابر شكون البنت الجديدة للي معاه ،كاع الحديت داز بيناتنا انا وجوليا و صابر وكراميل و نضال غير كيتسنط و مرة مرة كيقول شي حاجة ،بقينا هاكا وسط داك الجو الرومانسي و هوا متكي داير يدو مور ضهري وكيهضر ليا فودني تا وقفات علينا لبنت للي نوضات الصداع الصباح مريم: اووووبس تعطلت على العشا! شفنا فيها كاملين من غير نضال هوا للي بقاو عينيه فيا مادارش وبدا كيحول عينيه حسيت بيه سمع صوتها و تعصب وهي جلسات معانا وحدا صابر ... مريم: انا مريم ...(سلمات على جوليا بيديها) جوليا:(تزييرات) متشرفيين. جلسات معانا وهزات كاس فيديها و بقات غير ساكتة وكتلعب برجليها دايرى رجل فوق رجل و كطلع وتهبط فيا و فجوليا ،بقينا جالسين عادي انا مديتهاش فيها ضرت بجلستي عند نضال و جلسنا نتهامسو فالودنين و كنضحكو و كراميل حدايا مكونيكطي . شوية بدات مريم كتلوح الهضرة و بدا الشراب كيتقل عليها مريم: و اخيييييرا تجمعات العاءلة ههه نضال كًاد الجلسة وبقى كيشوف فيها وصابر كيخزر فيها وانا مافهمت والو وعلاياش كلشي تلون؟