حبيبي مافيوزي الجزء التاني

part38

مشيت كنشوف فالقاعة وخايفة منو وهوا طالع ليه الدم وصلت تا لعندو هوا يوقف وكيهضر مع الراجل. المستشار: انا درت رونديفو على حساب داكشي اللي طلبتي مني و كنضن هاد الموضوع صافي تسد فمرة. نضال: سافي سدات مدام،و اي خبار من ديك الجهة منبغيهاش تعاود توصلني . مافهمتش علاياش كيهضرو تا شد ليا فيدي و خرجني معاه و معصب و كنشوف من مورايا فداك الراجل تا هوا خرج وموراه ليكارد كورد مافهمت والو ؟ وعلاش نضال كان كيزعف و ديك البنت شكانت كدير عندو تما...ضورت وجهي شفت فيه لقيتو لابس كلاص تزعطت فيه كتر وبقيت غادة معاه تا وصلنا الاسانسور و شاف فيا وضحك و انا نبتاسم ليه مللي ضحك معايا.. نضال: شنو اللي خلاك تفيقي فهاد الوقت؟ انا: علاش؟ نضال: ماموالفاش ليك (بففف شكانكول انا وهيا فنضارها يوماين باش عرفتها) زعما قلت لبنات الزوينين ديما كيفيقو معطلين (مع غميزة) انا: فين غاديين؟(البراءة على وجها وملامحها الطفولية) نضال: (دوز صبعو على شفايفي وطبع قبلة على فمي) عندي ليك مفاجاءة (مع ضحيكة) لا صافي مشيييت انا من بعد هاد الوسامة وهاد البوسة مابقيتش كنسمع بقلبي كيضرب(تحل الباب) جينا نخرجو من الاسانسور و انا نلقى قدامي مايا و صحاباتها باغيين يطلعو حتى وقفهم كارد كورد واقف عند الباب د الاسانسور,.ونضال شاد لي فيدي خارج بيا سمعت ... الكارد: ممنوع طلعو من هنا هادا اسانسور خاص ..تفضلو من الدروة لاخرى الله يخليك... -درت شفت مورايا ونضال شاد فيا وغادا معاه شفت البنات متبعين ليا العين وانا نشير ليهم بصبعاني فقصتهوم ،بنات القحاب ههه خليتهوم حاللين فمهوم وانا نبوسو فحنكو باش يشوفوني.. نضال: هاي هاي هاي ههههه منين جاك هاد الحنان...ولا حساب ورجعتيه لصاحبتك(مع غميزة) انا: الصمممت وغادة كنشوف قدامي) نضال عاق بيها حيت عقل على مايا ومروى ماعارفاهش بللي مكيزكل تا حاجة. -بقينا غاديين تا خرجنا فواحد البلاصة وهيا تبان ليا واحد الطوموبيل غوز واااعرة ، وحنا كنقربو منها و نضال كيشوف فيا وكيضحك تا وقفني قدامها. نضال: ها هي هيلو كيتي ديالك (مع البراهش د ولادك ولليت كنعرف هيلو كيتي وسبونج بوب تا هوا ) انا: ش شششنو.! نضال: هيا هادي اللي شفتي فالمجلة ... انا:(بعد الصدمة) واش هادي ديالي!!!!!!!! نضال: لا ديالي ...انا للي كنسوق الغوز ههههه وا ديااااالك ... طرت بالفرحة وانا طير عليه عنقتو انا: واااااااااو ... بصح هادي ديالي !!!!! واش بصح!!! نضال: (معنقني) اه ديالك وعنداك عاوتاني تشعلي فيها العافية هههه(تفكري شوية بليزز غنبقى كل مرة نلوح ليك هضرة ) انا: علاش غنشعل فيها العافية! نضال: انا للي شاعلة فيا العافية ..
مشيت كنقز كندور بيها فرحانة وقفت حدا الباب مابغاش يتحل ... انا: حل ليا الباب جا عندي مع ابتسامة وشد ليا صبعي وحطو ليا فواحد لعيبة مرسومة فيها بصمة و هوا يتحل الباب راسو طلع لفوق فحال الجناح.بقاو عيني كيدورو بالفرحة ودخلت كانت كولها غوز و ابيض من لداخل و الكراسة بالريش و محجرة كااملة بالحجر فالابيض و الغوز كتشعل و والفولون كااامل محجر و كيبري بقيت غير كنشوف ممتيقاش عيني وشفت فيه لقيتو كيبتاسم ... نضال: عجباتك؟ انا: زوييييينة بزااااف نضال: ايوا فين البوسة ديالي. انا: هاا!! نضال: البوسة ديالي فين هيا!! خرجت عنقتو وبستو فحنكو.. نضال: هاهيا بوستي(شدني من عنقي و باس ليا فمي ) نضال: ودابا احبيبة مغاديش نعاودو نفس الغلط (دخل لطوموبيل) باش متبقايش طيري فالطريق (كيبرك فطاكتيل ديالها) غادي نحددو السرعة باش ماتفوتيش 90 اوك. انا: واصلا مكنعرفش نسوق!!! نضال:(بففف نسيت بللي راكي تلحستي فمخك) ماعليش غتعلمي دغيا... جلس كيوريني كي نخدمها و الازرار اللي فيها و الخصائص ديالها وانا متبعة معاه بعيني كنحاول نشد داكشي للي كيقول ليا... انا: وايالاه خرجني فيها.! نضال: هههه سيري عند كرم يخرجك ،انا مكنسوقش الطوموبيلات د البنات... انا: وعلاااش ..بلييزز خرجني فيها...(ساهي فيا) نضال:(يدو على حنكي) فخبارك كنت معصب بزااف ودابا لا (ابتسامة) انا: وايلاه دابا نخرجو فيها. نضال: وا هانتي دابا غتعاودي تعصبيني(كيلعب فشعري) سيري عند كرم يخرج معاك ، انا يلا بغيتي تخرجي معايا غنخرجك فوحدة خرى ماشي فهادي.