حبيبي مافيوزي الجزء التاني

part43

جلس يضحك ويشوف فيا عصبني وخفت يدير ليا موشكيل مع نضال انا: راه كنهضر بصح ماشي كنتفلى.. صابر: واخا الاللة ...دابا نتي بهاد الجرة للي درتي ليا راه غتجبدي ليا الصداع مع عشيرتي ههه ودابا هيا غيسحاب ليها غير مصاحب انا وياك ودابا موقفاني ومخليها هيا. بقيت كنضور فيعيني وكنشوف فالبنت تا جرني عندها وقفني حداها . وكراميل كيبركك فيها وهيا جالسة ،كانت طاي مانكان والشعر كحل طويل وغزالة والعوينات زورق وباينة فيها باقة صغيرة. صابر: جوليا...(كيشوف فيها ومبتاسم) كنقدم ليك مروى، حبيبت صاحبي وفنفس الوقت كنعتابرها ختي الصغيرة . وقفات ليا وسلمات عليا من وجهي وانا مصمرة كنشوف !! هوا يعنقها صابر من خصرها. صابر: هادي جوليا حبيبتي ...تركية ديالي ههه(باسها) كراميل:(تحت السنان بيني وبينو) هاي هاي هاي مشا جابها من تركيا ! تا هاد صابر ماساهلش. انا:(تحت السنان) وحنا مالنا ! يجيبها منين ما بغا! وزايدون شنو هيا هاد تركيا؟ دولة عربية ولا اوروبية؟ كراميل: دولة كراميلية ...قواااااادت. مريم: اياااااااااااه تباااااااااارك الله(وقفات علينا وصابر كيشلقم فجوليا) شكون هاد القحبااا(صعرات) صابر رد جوليا مور ضهرو خباها حيت مريم بغات تجرها وشدها صابر من يديها وتعصب عليها. صابر: (كيخزر فيها) شدي يديك عندك ولا غنلوحك على برى...(حنا غير كنحنززو شنو واقع) هضري بفمك بلا هاد الهمجية للي فيك ..(دفعها) مريم: (خرجات العقل) شكون هاااادي..هاا باش بدلتيني !! بوحدة مسخ(طرشها) صابر: بزاااف عليك ...(وقفو ليكارد كيجريو) تعلمي تهضري بحالها بعدا... و انا اصلا مابدلتكش نتي الي بدلتي راسك ، كنت غادي معاك نيشان مي نتي ماشي ديال نيشان سمعتي(تعصب) صااافي يسحاب ليك غير نتي اللي كاينة هاا! تفرعنتي و طلعتي لسما ! جوليا مشات من موراه وتمات خارجة وليكارد بغاو يشدو مريم ماخلاهمش صابر وانا وكراميل تبعنا جوليا وهيا كتبكي وخلينا صابر محيح هوا ومريم.شديت جوليا وقفتها .. انا: صبري بلاتي..غير نهضر معاك. كراميل: (طلع ليه الدم و كيتعوج) علاااش كتبكي دابا؟ وهاديك اصلا هيا اللي لاسقة فيه وفين تبان قدامك. جوليا: (لابسة كسيوة قصيرة حمرة وصباط عالي كحل و بوشيطة كحلة) انا مابغيتش ندخل بيناتهم و هوا ديجا عتارف ليا بلي كيبغيها و باغي ينساها اهىء اهىء انا: ايوا مزيان ..(بقات فيا) صافي احبيبة راه كن ماكانش باغيك نتي وعجبتيه عليها كاع ميفضلك عليها كراميل: :(تجنن) واااتمشي تخرى هاديك راه واحد القحبة انا للي كنعرفها... طلعات لسما وخرات تما !.....شبعات فلوس مع السي كرها ، مالها شبغات شاري ليها لومبر كًيني (طوموبيل) و فين ما بغات كيديها و كيصرف ليها على دارهوم وشاري ليهم ابارتومو فالمغرب واخا يبيع مريم مايردش فلوس الدار للي شرى و داير معاها فوق زوين وزايداها بالعياقة و كتعوج نسات راسها منين جات!! انا بقيت غا حاللة فمي فكراميل انا وجوليا و كيفاش كيهضر ماحاملهاش ... جوليا: صافي انا ماشي سوقي ،بابغيتش نكون انا السبب ف.. كراميل: فااااياش غتكوني؟ (كيشير بيدو فالسما)هوا اصلا مابقاش باغيها و كيقلب ليها على السبة ، وشوفي هاه ...انا نقوليك واحد الحاجة ، صابر خاصو وحدة بحالك و نتي خاصك تربحيه و تاخديه ليها فهمتي ...وماتكونيش تا نتي هبيلة (كيمعني على مروى) واللي جا يطلع معاك الصبع. -بينما مروى وكراميل شادين جوليا برى كيهضرو معاها كان صابر هوا و مريم منوضينها صباط لداخل ... مريم: والله ماتهنى بيها سمعتي ...وكناءكد ليك غادي نخرج عليكم كاااملين ... صابر: مزيان دابا للي بنتي على حقيقتك ههه هادشي للي كنت باغي و سمعي شغنقولك ..ايلا عزيز عليك عمرك و ماسخيتيش بالدنيا سيري جمعي حوايجك ورجعي فحالك للمغرب نيشان حسن ما تودعي عمرك . مريم: دابا تشووف ..انا ماشي ديال هاد التهدييد و غادي نوريك اليوم قبل غدا.. مشات كاتجنن للسانسور وطلعات كتحلف وتعاود وهوا خرج تبع جوليا...