حبيبي مافيوزي الجزء التاني

part 19

دخلت للدوش وسديت عليا منتيقاش اسنو وقع !!! وبديت كنشوف فالمرايا لقيت بوسة حمرة قريبة من ودني ،بديت منغسل وجهي بالماء و كنرش راسي وكنهضر بوحدي...كيفاش هادشي؟ وحتى انا وجهي صحيح !! غير باسني حلليت فمي! لالا ولاكن منكرش انه سحرني تا نسيت راسي..(بديت كنبتاسم) نااااري بوساتو كيدايرين اححح نااار يا حبيبي ناااار..بوااس ولد لحرام !! ههه اي وحدة كانت بلاصتي كانت غتنسى راسها (خطيت يدي على قلبي) ناااري قلبي بغا يسكت!! كنتفكر الشوفات ديالو وطريقتو ..ناااري حلال فيه كلشي ! غير يغتاصبني منقولش لا ههه (طاح ليا دانييل فراسي) تفووو دابا هادا لاش تفكرتو انا دابا لاااش يخخ علو كنس ...(تفكرت نضال) ااااه يا ربي واش انا فالسما و لا فالارض! شهاد الصدفة جمعاتني بيه! الصباح تكونيكطيت معاه و دابا تباوسنا وكن بقيت هاكاك ماعرفت فين كنا غنخرجو(تفكرت السمية) حيواااان ! باين مجوج والخاتم فصبعو و كاتب سمية د مرتو فسدرو وجاي يدوز بيا انا الليلة! تفوو بحال هادا اصلا غتكون عندو لا ليست ديال لبنات وانا بغا يحطني معاهم؟ باينا غير من الطريقة باش شدني و باسني! محتارف ومولف ..يسحابليه انا بحالهم ،حمااار تا انا عبرت عليه . بقيت كنهضر بوحدي ونغسل وجهي و نعاود وحليت لباب كنطل لا يكون دخل معايا للبيت، ضرت ها وهاه مابانش ليا و انا نمشي سديت الزاج د البالكون ودرت ليه لكود باش ميتحلش واخا هوا كيبين كلشي مي المهم الاحتياط واجب لا يدخل عند عاوتاني. مشيت تكمش فوق الناموسية و كنتفرج فالبلازمة و كنفكر فشنو طرى تا داني نعاس. نضال راه غير قريب منها فالبيت اللي حداها و متكي على الناموسية و كيتفرج فيها حيت البيت ديالو فين ناعسة هيا دايرين بالكامرات والوقت كامل و هوا مراقبها وشاد الكاس فيديه وعاصر عليهاو كيضحك تا نعسات. نضال: (ابتسامة جانبية مع عضات فالشفايف) توحشتك بزااااف القطيطة ديالي ...تبدلتيي وليتي كتخبشي ههه وسرفقتينييييي ..ايييه ..ماعليش دابا نوريك الحماااار ونوريك التسرفيق -بقا بقابلها وهي كتقلب مرة هاكا ومرة هاكا عريااانة وتلفراش هارب عليها و البينوار محلول وهيا فسابع نومة مافراسهاش راه كيتفرج فيها ،بقا متبعها فنعاسها تا بدا النهار كيطلع وهوا يتقلب على كرشو وخشا راسو تحت المخدة ونعس ومروى فالتلفازة ناعسة. -فقت الصباح كنسرح فشعري بصبعاني و البينوار محلول .شفت هاكا وهاكا لقيت راسي بوحدي مادخل عندي تا حد ونضت لحت البينوار وتميت غادة بسليب و الستيامات كنهز شعري و نطلقو فاتجاه الدوش ندوش .دخلت نحيد الدوخة د النعاس بشي تدويشة. -نضال فاق قبل منها وبقا فبلاصتو كيتساناها تا تفيق على خاطرها متبعها تا دخلات لدوش و وناض تاهوا يدوش .تاسالا وخرج لاوي عليه الفوطة وكيمشح شعرو لقى صابر متكي على الناموسية كيتسناه و كيضحك حيت شاف البيت دمروى فالتلفازة ونضال حاضيها. صابر: ههه باينة منعستيش الليل كامل . نضال: بحال داكشي(مع ابتسامة جانبية) صابر: ايوا حبيبي راه دارت بووووووم...كلشي عف مروى حية ،وكلشي بغا يجي. نضال: تا واحد منشوفو هنا..البنت ماعاقلاش تا على سميتها ويجيو يخلعوها ... صبر: واييه داكشي اللي قلت لهم راه خليتهوم مصدومي عيتسطاو مللي هضرت معاهم ،وقلت ليهم مايجيوش وشرحت ليهم علاش من كرم(كراميل) بقا كيبكي عليا ويشكي وقلت ليه اجي. نضال: ماشي مشكيل هاداك. تقدر تفاهم هيا وياه غير وصيه ميحلش فمو .. صابر: هههه ايوا راه كراميل ديالها ههه غيكون دابا وصل ...(نايض) يلاااه ...هوا هادا ...غنمشي نشوف واش وصل نوصيه اش يدير قبل ميزبلها مللي يشوفها. نضال: (كيلبس) وي عنداك يمشي يجبد ليها ولادها ولا سميتها. صابر؛ كون هاني (خرج) -دوشت وساليت ونشفت شعري وخرجت لابسة بينوار اقيت الفطور فوق الطبلة مي ماقديتش نفطر .عقلي مشطون من داكشي اللي وقع لبارح،مشيت حلليت الشانطة اللي جابت الشنوية جبدت واحد شوميزة د الدجين زرقة و لبستها والمورال عندي طاااايح كنفكر شنو ندير.مشيت جلست حدا الزاج كنفكر واش نمشي فحالي من هنا ولا نبقى هنا! خفت نخرج وتجمعني شي سطافيط عاوتاني ويديوني عند دانييل لداك الجحيم والى لقيت هاد نضال لبارح وفكني ،المرة الجاية موحال نلقى للي يعتقني.وعاوتاني ايلا بقيت جالسة فهاد لوتيل شي نهار يدخل عليا نضال و يتعدى عليا! اففف شنو ندير ياربي واش نخرج نشوف فين نمشي و انا دايرة فبالي الا شدني دانييل غيقتلني ولا نبقى جالسة هنا مدلولة ونضال كيخلص عليا كل ليلة بايتاها هنا ،واكيد هادشي عندو مقابل .ميمكنش يكون كيدير هادشي خير فيا! باينة غادي يتخلص مني ليوم ولا غدا اللي بحالو كيتبعو غير الشهوات ديالهم ،منكرش انه فكني و عاوني مي غير نوجد راسي لداكشي لي كيتسناني. اففف هاد نضال من جيه و داك الحيوان ديال دانييل من جيه !! شنو غندير دابا!!... بقيت جالسة كنخمم ونفكر شنو ندير حدى الزاج و الدنيا ضارت بيا وانا ماعاقلة على والو ومبغيتش نقول لحتى واحد واني فاقدة الداكرة خوفا يستاغلوني و يضحكو عليا.