حبيبي مافيوزي الجزء التاني

97

دخلت درت التيست وانا نتصدم وخرجت عند كراميل هازاه فيدي... كراميل: شنووو.... شنو خرج ليك؟؟؟ (مديت ليه تيست وانا مرفوعة) هااا😲 حااملة!...كيدرتي ليها؟ انا:الصمت (الدنيا كادور بيا) بعد صمت طويييييل..... انا:(كنهضر مصدوم) شنو غنقول ليهم!!! ... حنا مطلقين وحاملة؟... كيفاش غنقول لبابا انا حاملة ولصابر و ماما و... الميمة😢 ونضال شغانقوليه! حنا تفارقنا وجامعينا دابا غير الولاد. كراميل: اففف... صافي دابا بلا ماتعصبي راسك (معنقني) غادي نشوفو شي حل ...شوفي ... شوفي فيا (كيعز ليا وجهي) هادشي غيبقا بيناتنا وختى واحد ماغايعرف بللي نتي حاملة تا نشوفو شنو نديرو انا: 😢اهىءاهىء ديجا قاليا مابغاش الولاد 😢 والمصيبة هي اننا مابقيناش مزوجين يعني الى عرفوني خاملة غيعرفو بللي كنا كنعسو بجوح.. باش من وجه غنقابل بابا وماما وصابر . (الدقان فالباب) كراميل: ششووو ... (كيمسح ليا وجهي) صافي سكتي دابا .. وسمعي هادشي غيبقى بيناتنا وحتى واحد ماغايعرف ونتي ماديري شي حاجة تا تشاوري معايا سمعتي انا: اهىءاهىء... انا بغيت نرجع لنضال😢 كراميل: وعلاش كتهربي منو مللي نتي باغا ترجعي ليه. انا: ندمت على داكشي اللي قلت ليه وفنفس الوقت مانقدرش ندل راسي و نمشي عندو . مانقدرش نطيح قيمتي قدامو و نتا ديجا قاتي ليا نعطي لراسي قيمة حيت هوا مولف بالبنات تابعينو ديما ياك. كراميل: اه بصح ونتي خاصك تبدلي شوية هاد التفكير اللي عندك . ومن هنا لفوق ماغاتبقتيش تصرفي كيما بغيتي . غتصرفي كيما انا بغيت وغاديري كاع داكشي للي كنقول ليك وغنعلمك كيفاش تصرفي وماطيحيش فنفس الخطاء(الدقان) .. افف هليهم يدقو ... مهم سمعي ، لبكى مامعاناش . ماتعوديش تبكي مرة خرى حاولي تحكمي فراسك و الابتسامة دييييما .. بيني راسك فرحانة واخا تكون واصلة فيك لاجدر. انا: واش نتا مريض؟ واش هاكا غنرجع نضال؟؟؟ سمعتو لهضرة ونبان فرحانة من لفوق؟ كراميل: هههه هادا راه فن.. خاصك تكوني فنانة باش ترجعي ليه ونتي خنافرك فالسماء وبلا ماتنزل قيمتك. انا (كنسمع و الغبينة شاداني) كراميل: وحاجة خرى .. الاناقة والشياكة ماتنسايهمش اما البراءة و تحلوين راهم فيك خلوق بلا مانوصيك عليهم. ...😬 ماتعاوديش ديري بحال ديك الشوهة اللي درتي لبارح. كليتي الجردة والشركتي لحوايج.. راك بينتي ليه بللي نتي ضعيفة وهوا عاجبو الحال... انا: وزعما بصح غادي تعاوني وتسكت ماتقولش ليه انا حاملة... حيت نتا ديما كتوصل ليه اي حاجة .. كراميل: الى سمعتيني غنسكت والى تفضخنا غنكوليه ماكنتش عارف. انا:لالا ماغانتفضحوش... غادي ندير داكشي للي قلتي ليا... كراميل: دابا تفاهمنا... وا ساااامعي مزيان ... غتنوضي دوشي وتقادي راسك وغنخرجو نفطرو معاهم وحنا ضاحكين ماشطين ناشطين.. وانا سمعت لميمة كاتقول لماماك بللي باغا تديك معاهم حيت نضال طلقك... انا: اويييلي😱 لااا مانمشيش باغا نبقا هنا 😭😭 فين غنمشي وانا حاملة و نخلي ديك الجحمومة مصيفة هنا مع نضال.. كراميل:وا صاااافي... هاحنا بدينا فالبكا و الخرى ... وكتعصيني (سكت وجمعت راسي) شوفي غيقولو ليك يالاه غتقولي واخا.. وغتلحي عليهم باش تمشي معاهم و بللي ختى نتي باغا تمشي و.... انا من بعد ما قيدت داكشي كامل للي قاليا دخلت للدوش ودوشت و ولبست انسومل فالاسود (الصورة) وقاديت راسي و خرجت مشيت عند كراميل لبيتو لقيتو كيما العادة مفركس و مقاد وشديت فيه والضحيكة على وجهي ومشيت لقيت كلشي جالس على السفرة كيفطرو من غير نضال هوا الوحيد اللي ماكاينش... صابر: اوووووه ... ناس ناشطين.. اجي جلسي