حبيبي مافيوزي الجزء التاني

174

كلارا: ههههه حصلتي وخايفا يسمعك؟ حساب ليك ماعقتش بيك؟ هاا؟(بديت كنهضر بالجهد) مروى: (كنهضر بشوية وكنسكتها) سكتييي ؤاه غيسمعك ويسحاب ليه بصح؟ اش كتخربي؟ واش نتي مريضة ولا مالك؟ علاش غانخونو؟ واش حماقيتي كلارا: اه (دفعت ليها يديها) ماتشديش فيا يا الخاءنة، ودابا كلمة وحدة غنقولها ليك، غاتبعدي على نضال بلاتي هيا احسن ولا غنفضحك قدامو وديك الساعة نتي عارفا شنو يقدر يدير فيك. مروى: (مافهمت والو ) شهاد التخربيق؟ وزايدون ماعنديش علاش نخاف (حمرت فيها) قولي ليه اللي بغيتي ، انا كانبغي نضال وعمرني شفت شي شوفة فشي واحد من غيرو فحياتي وعمرني نشوفها طول ما انا عايشة (غلبوني الدموع ودموع المضلوم حارررين) 😢😢 انا مايسحابش ليا غاتشكي فيا وتفكري ديري ليا مشكل مع نضال ، علاش كلكم ضددي علاااش اهىءاهىءىءاهىء اشنو درت ليكم حتى كلكم كاتكرهوني ؟ قلتي ليا كتبغي صابر و بغيت نعاونك ومديت ليك يد المساعدة ورفضتيها وماعرفتش علاش ؟ كنحاول نتعامل معاك مزيان ونتي كتعامليني معاملة خايبة من نهار مشات صاحبتك من هاد الدار...الى نتي حاقدة عليا حيت صاحبتك مشات راه تستاهل ، حيت نتي ماعارفاهاش على حقيقتها، هيا بغات طيح ليا البيبي داكشي علاش نضال جرا عليها من هنا اهىءاهىءاهىء😢😢😢 كلارا: (صوفيا ماتت وهيا كيسحاب ليها جرا عليها نضال ، دونك ما قالش ليها راه ماتت) سمعي ...بلا مادمعي عليا ، هاد الفشوش ديالك ماديرهمش عليا ديريهم على نضال اللي ضسرك حتى تحلو عينيك و خرجو رجليك الشواري مروى: ااااههههىءاهىءاهىء😢😢😢 اشنو درت ليك انا حتى كاديري معايا هاكا؟( بديت كنبكي بالجهد) علاش كتكرهينيي ؟؟ ديما كتشوفي فيا شوفة حقد وماحاملانيش؟ شنو اللي درت ليك هااا؟؟اهىءاهىءاهىء، قولي ليااااا شنو درت لييييك حتى كتكرهني بلا سببب..اهىءاهىءاهىء درت كنبكي ونشهق وداخلة لفيلا وبقا فيا الحال علاش كلشي كيكرهني وعلاش حتا واحد ماكيحملني، من غير كراميل هوا الوحيد اللي كيبغيني بصح وكيبغي ليا الخير ، فاللول كنا كنهضرو بشوية وخصوصا فاش قالت ليا خنتيه ولاكن فاللخر تزيرت وبدات كتغوت عليا بالجهد وحتى انا ماقدرتش نسكت وتفركعت بالبكا ودخلت كنجري كنبكي وطالعة فالدروج كنشهق باغا نمشي عند كراميل نشكي عليه و يواسيني ، بقيت غادا وكنشوف فالارض وكنبكي ونتنخصص حتى لقيت نضال واقف قدامي عاقد حجبانو والقردة طالعة ليه وكيشوف فيا والدموع نازلين ليا شلال ، بقيت واقفة كنترعد ونمسح وهوا كيقرب مني تا وقف حدايا معبس بقيت كنتنخصص فصمت تا حط يدو على راسي و نزلها مع شعري وانا نعنقو ونفاجرت بالبكا.. نضال: (معنقني كيواسيني) شوووو...صافي احبيبة (بسني من راسي) مروى: اااااااهههءاهىءاهىءاهء علااااش اهىءهءهء علااش حتا واحد ماكيبغينيهءهىءاهىء😢😢😢 علاش كلشي كيكرهني ، شنو درت ليهم 😢😢😢 اهىءاعىءاهىء نضال: شوووو ماتبكيش... مروى: (هزيت عيني فيه وكنشهق) حتى واحد ماهءهءماهءهءكيب هءغيني نضال:(كيمسح ليا دموعي) انا كنبغيك (باسني من عينيا) باراكا عليك نبغيك انا (طبع قبلة على جبهتي) مامحتاجاش يبغيك شي واحد اخر... مروى: 😢😢 بقا معنقني وكنحس بصدرو كيطلع ويهبط بالزربة وقلبو كيضرب بالجهد تا بردت وهبطني فالدروج معنقني بيدو تا لتحت و جلسنا فوق الفوطويات فالجردة وهيا تبان ليا كلارا داخلة و كتشوف فيا بحقد وانا حاطة راسي على صدر نضال وهوا كيسكتني... نضال: يالاه سكتي وكولي باش ماتسخفيش، (نايض) هانا راجع دابا .. ناض وخلاني كنبرد جنوني فالماكلة ومشا طالع لفووق