حبيبي مافيوزي الجزء التاني

177

وى بقيت جالسة فبيتي والضوء طافي وبيت نضال ستيلو مضلم ماعادا شوية ديال ضوء د الفايوز اللي مضوي البيت ، شادة بيسي ديالو وكنخربق فيه ، مابغاش يتحل ليا الفايس ديالي و قلت ندخل لفين حاط التصاور نبركك شوية ، دخلت وبديت كنشوف فالتصاور هههه وااااو😍 اول مرة نشوف تصورو وهوا صغير هههه اه اه اه...نااري كيكان!!! نفس النضرات نفس الغوباشا هههه (كندوز التصاور) ماتبدلش ...ولاكن زاد زيان هههه جات معاه اللحية 😍 وطوال تجبد ... (شفت صورة وهوا قد عهد) اووووه غير عهد فوطو كوبي!!!! شفت الصورة يسحابلي ديال عهد فاللول عاد بانت ليا دنضال حيت عينيه فالاسود وعهد عينيه رماديين بحالي، مختالفين غير فاللون دالعينين!!! هههه كان زويين . بقيت كندوز التصاور من صغرو وهوا قد عهد و انا نشوف وحدة فكراتني فيه وهوا عندو 16 سنة طويل وعامر وشعرو كحل فوي رطب نازل على عنقو بحال شاروخان ههه نفس الوجه اللي شفت اول مرة فالدروج ديال القصر فالمغرب ، كان هوا نازل وانا طالعة ، ماكانش كايسحاب ليا ولد الحاج وكنت صغييرة ماديت ماجبت ، شاف فيا بنص عين وكان كيبان متكبر ومفرعن ، ماعرفتوش اشكون هوا وحتا انا طلعت كنفرنس بوحدي كاع ماحاشيتو ليه، كانت هاديك اول مرة نشوفو فيها كان غزااال واخا دافع كبير وماضحكش ليا فوجهي ههه من تما ماشفتوش ونسيت كاع واش شفتو. حتى مات باه ورجعت للقصر وانا فبالي بللي الحاج عندو ولد و راجعة مصدومة، هه كيفاش الحاج عندو ولد وحتى واحد ماعارف ، وحتى مات عاد بان ولدو!!! اففف ...مانساش داك النهار اللي طلعت فيه لبيت الحاج ولقيتو تما واقف عاطيني بضهرو ، طويييل وعاااامر واقف وقفة مستقيمة وصبعانو فالجيب ، فاش دار عندي تصدمت صدمة العمر مللي شفت ولد الحاج قداش ، كان عندو هاد الولد فهاد القد والطولة والتجريدة والزين وماعارفينوش! كنتفكر دوك الشوفات اللي شاف فيا وبداهم ليا من رجلي وهوا طالع تا جات عيني فعينو ، وسرح فيا شحاااااال بقيت مستغربة من نضرات ديالو وحشمت فنفس الوقت كوني مرت باه وانا قد النملة

كوني مرت باه وانا قد النملة ، كان كيسحاب ليا كيشوف فيا شوفة خايبة ودوزها عليا ديك الفترة اللي جلس فيها فالمغرب عيشني فالعداب هههه تا ولدت معاه جوج وحاملة بالتاني عاد عتارف بللي كان كيبغيني من الصغر ، من اول مرة شافني فيها فالدروج، عاد فهمت نضراتو ليا فاش مات باه وفهمت بللي منين كنت باقا بزة فالارض وهوا مراقبني تا كبرت وطلاقينا فبيت باباه... نضال: بسسسست... ضرت ليقتو واقف حدايا نضال: فاش كتفكري؟؟(تلاح حدايا على جنبو وباسني فحنكي ) هههه كتفرجي فيا (شافني كنشوف فتصاورو) مروى: (اويلي كيدار دخل بلا محس، لهاد الدرجة كنت مرفوعة مع الماضي) نضال: (كيدوز ليا التصاور وحدة مور وحدة) هادي كنت باقي كنقرى...وهادي فالطيارة ، فاش جيت للمغرب وشفتك اول مرة يا البوالة مروى: 😳 نضال: وهادي مع الواليد ...راجلك ههههه مروى: 😳 (حشمت ) ر.رر.راك عارف كيفاش .حت حتحت.حت نضال: با..بو..بي..هههههههه مروى: راك عارف انضال كيفاش حتى .ت.تت.تزوج بيا باباك.انا راه كنت حاسباه بحال بابا نضال: وحتى هوا كان حاسبك بحال بنتو😉 مروى: (كنسول و خايفة يقمعني) زعما ماكنتيش عارف بللي تزوج بيا؟ نضال: سي...كنت عارف، ولاكن ماكنتش عارف بللي بغا يتزوج بيك ...حتى تزوجتو، وماكنتش عارف لاياش كيخطط، مي تصدمت (كيهضر ويقلب فالتصاور فبيسي) تصدمت فاش وصلاتني الخبار...داكشي علاش كنت خايب معاك ، قرينا الوصية ...وكنتي حاضرة مروى: حتى انا تصدمت و حقدت عليه ...فاش بغا يتزوج بيا كانت صدمة دحياتي نضال: هههه واكبر صدمة فحياتك و فحياتي هيا فاش خلاك ليا ....وقال فالوصية بللي تزوج بيك باش كيفكك من و الا و حتى ....راه الخبار فراسك....و قال بللي خاصني نتزوج بيك هه (كيحرك راسو) عالااام هادشي اللي وقع ، البنت اللي بغيت من 16 عام تزوجها الواليد و من بعد تزوجتها انا مروى: راه نهار العقد مات (كنوصل ليه مساج بللي عمرو قاصني) راه يالاه بغا يهضر ويشرح ليا شنو وقع مات نضال: (تنهد) ....وي فراسي. مروى: (دخلني لفضول) و..وعلاش كنتي كتخلي ديك الزعرة تبات معاك فالبيت و.. نضال: وكنتي كتنعس معاها... زيدي كملي (كيحرك راسو) كنتي كتصنتي علينا؟ مروى: بزااف عليك...انا غير...غير.غير..بالصدفة سمعتكم. نضال: ااااه.. (كيحرك راسو ويشوف فيا) بالصدفااا (مطلع حاجبو) مروى: (غوبشت) نضال: هههه ...هاديك الحمارة كانت غير حيلة باش نجيب بيها داك خونا اللي خطفك ، وهيا كانت متاففة معاه حيت سمعاتني تزوجت بيك وماعجبهاش الحال ...ونتي ماشي من العاكزين غير حاضياها ونايضة بلا عكز عليك تابعاه فنصاص الليل وجايا للموت برجليك...داك التخربيق كاامل كنت عارفو ، اللي فلت ليا هوا نني كيفاش خرجتي من القصر وبالطوموبيل و تبعيتهم فين كنت كنتسناهم بلا مايعرفو راني تما. مروى: اممم زعما ماكنتو كاديرو والو نضال: ههه راك كنتي كتجسسي علينا ، وخليييتك كتجسسي كي بغيتي ، وماكرهتش كن حليتي لباب كاع وشفتي بعينيك اشنو كان كيوقع لداخل مروى: 😢😢 (بديت نبكي) نضال: حيت نتي كنتي كتقولي تمووتي وماتبغينيش ...اولا لا(بقا كيضرو فالتصاور تا طلعات وحدة ديالو وهوا كبير ومطووكر وجالس وجالسة وحدة على ركبتو في غااااية الجمااال زعرة شعرها غادي للرمادي و وجها نااصع وعينيها كبار زورق بحال البحر ، باربي محطوطة ، ورقيقة وطوييلة وجسم جداب ، جالس فوق الفوطوي لابس سروال كلاص اسود وقميجة بيضاء وهيا على ركبتو بين رجليه بجلسة انثوية لابسة كسوة قصيرة بيضاء وشعرها لقدام كتلعب فيه وكتشوف فالكاميرة وكضحك ومعنقاه بيدها من عنقو وهوا داير يدو مور ضهرها ومبتاسم وكيشوف فيها ، فرحانين بجوج .انا غير شفتها خرجو عيني وتزيرت بغيت نتفركع، شفت فيه ليقتو كيشوووف فيها وسااااهي الشىء اللي زاد كمل عليا وصدمني هيا نضراتو للصورة ...شوية بدا كيبتاسم ويشوف فيها ، حسيت بقلبي ميزدح بغا يسكت ، الجلسة اللي جالسة عندو و واخدة راحتها على الاخر ، ولانسجام اللي بيناتهم ونضراتهم لبعضياتهم صدموني تا حسيت بالروح كطلع ليا