حبيبي مافيوزي الجزء التاني

Part16

ضرباتني الفيقة وبديت كنحل عيني بشوية ودايخة تا كيبان ليا السقف بالديكور كيدوخ والمراية كبيييرة مضورة الوسط و انا كنشوف راسي فيها بنت ليا فوق الناموسية قدها قداش بفراش كحل وانا مشبحة وسطها...جمعت الجلسة بزربة كنشوف فجنابي مصدووومة!!! اويييلي !! فين انا (كنهضر بوحدي) شكاندير هنا؟؟؟ كنشوف ف ارجاء الغرفة مبهوطة فالجمالية ديالها و ستيلها الاسود الامع مع الابيض افففف ناري على بيت يلعبو فيه كورة !!!! قدو قداااش والناموسيت جات الوسط ماشي فالحيط وموراها واقف عند راسها ديكور بحال حيط بالخشب مشبك و متقب فالاسود واللور كاين حمام بالزاج شاد مساحة كبييييييرة وقدام الناموسية جات تلفازة بلازمة كبييييرة فوق الطبلة ديالها طوييييلة و من موراها جلسة بالفوطويات والطبلة كيطلو على بالكون هاااءل بالزاج والبييت كامل داير بالزاج والسماء كتبان .بقيت كنضور فيه معجبة وكنتاءمل ارجاء الغرفة الوااااسعة اللي بحال تيران د الكورة كيحمق بالاتات الحديث اللي فيه والديزاين ديالو كيدوخ ،ينعس هنا المريض ينتاعش !! ،وانا كنجول فالغرفة و كنكتاشف سمعت البات تحل (تخلعت) ضرت لقيت واحد البنت لابسة كوستيم شينوية كتبتاسم ،دخلات ت عندي و انا واقفة مصمرة ...
البنت: مادموزيل ...هاد الشنطة تبعتات ليك فيها كاع داكشي اللي تحتاجي ،وانا هنا باش نعاونك.. بقيت غا كنشوف فيها مافهما والو... انا: (مصدومة) هه اكيد نتي ملاك!!! بلا شك انا دابا ميتة وطلعت للجنة ههه...اه باينة قتلوني دوك المجرمين اللي خطفوني و طلعت للجنة !!!
البنت:(معجبة) علاياش كتهضري امدموزيل ؟!!...انا بعتوني باش نعاونك ... انا: وفاش غتعاونني اختي؟(مال هادي عاوتاني)
البنت: نعونك فالدوش وفحوايجك ف اي حاجة بغيتي ديريها... بقيت كنشوف فيها مافهمتش علاش كتهضر وانا نطلع و نهبط فراسي . يخخ على حالة !! نتفك بعدا من هاد العفن عاد نشوفو شي لاخر و هادشي للي واقع..ماهيا خربانا خربانا...
انا: اممم(كنفكر) نحيد بعدا عليا هاد الحالة . ويكون خير.. دخلاتني لدوش وبديت كنحيد فحوايجي عايفاهم و دخلت بزربة تحت لما كنشلل ونعاود ماحملتش راسي . ضربتها بفركة وتبعها صافوناج و ماساج من عند الشينوية . اكيد انا ميتة دابا وراني فالجنة هههه كن سحابلي هاكا كن راني كنتمنى الموت صباح و عشية_
______ساليت الدوش و لبست بينوار خرجت حنيكاتي حمرين تشهيت نبوس راسي ونعنقو ..حلات ليا الباليزة وجبدات ايا صف ديال لي دو بياس وبقيت كنشوف فالباليزة عاامرة حوايج وكاع داكشي اللي كيخص البنات .لبست دو بباس فالاسود مشبكين و جلساتني فوق الناموسية و قادات ليا يديا و رجليا و نشفات ليا شعري تا سالات ليا وبقيت جالسة ب البينوار كحل قصير ماالس توب ديالو رطب وبانطوفة كحلة كنخمم فهادشي للي انا فيه ..وهاد الضبعة تا هيا كنسولها كاتكوليا نتي ف اوتيل و صافي!! ياكما غيدخل عندي شي واحد يغتاصبني وجالسة هادي كطبخني ليه! نضت جمعت الوقفة تخلعت ..تا كنسمع الباب تحل ضرت وانا نتصدم...