حبيبي مافيوزي الجزء التاني

part31

وصلت لتحت بغيت نخرج وانا نلقى عاوتاني ديك سطافيط ودوك رجال تما خلعوني و درت دومي تور مشيت كنفكر تا دخلت لكافي فواحد الجناح اخر كبيييرة ،جيت نجلس وانا نقشع مايا جالسة ومعاها جوج بنات.شافتني وهي تشير ليا و مشيت عندهوم ... انا: هااي مايا: وفين اختي غبرتي،جلسي. جريت لكرسي و جلست مغوبشة مايا: بلاناتك لاروب ...لبارح قولبتيني ،حتى جلسنا بغينا نبداو السهرة و نتي ديري ديك النوضة بحال هاكاك(كتبعكك) انا: (كتر منها فالتبعكيك) ايوا كملي ديك الساعة نتي السهرة ،مالكي شكون نوضك ،خليتك جالسة ماجريتكش.. مايا: غير نضتي نتي ناض موراك داك الدري جلسنا شوية هوا ينوض لاخر داك الزعر وتبعو الزويميل ..بقيت بوحدي لا ديدي لا حب الملوك وانا نوض فحالي طلعت عند الفيكتيم ديالي كملت معاه السهرة. انا وياها كنهضرو والبنات كيحنززو فيا شفت فيهم ودافعة كبير.. انا:(بغيت نفقصها) ايوا احبيبة الى مافراسكش داك مول الاوتيل راه تبعني وبات معايا (خرجات فيا عينيها) هانتي شوفي... عريت لها على سدري شوية بقات غير حاللة فمها... مايا: هااا!!! نعستي معاه!!!!! هوا اللي دار فيك هاد الحالة..(جمعت سدري وكميق بعيني) نقزات وحدة من البنات.. البنت: علاياش كتهضرو ؟ شاركونا معاكم. انا: ااه هوا ..هانتي مشيتي هزيتي رجليك مع الفيكتيم ديالك وانا تبعني هز ليا رجليا الليل كامل ما نعست ماشفتو..(وقف عليا النادل) النادل: مادموزيل ...تشربي شي حاجة؟ انا: (شفت فمايا)شنو دابا ؟ تخلصي عليا الفطور ههه ندوقو فلوس الفيكتيم؟ مايا: علاه مالكي بايتة هازا رجليك فابور؟ انا: هاهاها لا احبيبة مازال مسرفت الشيك اللي عطاني (ابتسامة صفرة) مايا: هااااااكاك (كطلع وتهبط فيا) ايوا شوفي شنو بغيتي وعنداك تنسايني مللي تصرفي الشيك(كتقحبن) طلبت الفطور وغرقت ديلمها باش تخلص رنوض صرفي د لبارح ديال الجلسة للي جلسات حداه ،جلست كنفطر و البنات مجمعين غير على البلانات وحدة كتوري لخرى لبلان للي مشات ليه وانا غا كنفكر فداكشي اللي خرج مني لبارح ،ونيت هاهوا كاع مسول فيا ما حاشاه ليا ،كنت عارفاه باغي يقضي و ينضي ويقلب على سيفتي شوية وهي توقف عليا وحدة من اللي خدامين فالاوتيل.. البنت: مادموزيل ...مسيو نضال طلبك تجي عندو دابا.

هزيت فيها عيني ماعرفتش اش واقع ؟ وعلاش بغاني!! ياكما الشيك ديالي فعلا كيتسناني؟ انا: وماعرفتيش علاش بغاني؟ البنت: لا ماعرفتش. انا: اففف ..واخا ، هانا نايضة. ضورت عيني فالبنات لقيتهم كيقطرو بالسم بغاو يموتو ،وانا نوض.. مايا: ايوا عنداكي تنسايني فالشيك(كتعوج عليا) انا:(باتسامة صفرة) ههيي ماتخافيش ...(ايلا شتي شي ريال عكري ليا) نضت مع البنت وخليتهم شادين فيا النميمة ... مروى مشات والبنات بداو فتخراج العينين .. مايا: هادي راها مزوجة وشوفي اش دايرة! بااازز لبنت1: تا نتي كي المزوجة كي اللي ممزوجاش ،هيا بعدا راه طاحت مع مول الاوتيل غيغرقها فلوس. مايا: انا اختي مابغيت بو فلوس ،بغيت غا نشبع حوى معاه... البنت2:غايكون غير شي شارف تا نتي بفففف مايا: هههههههه(كضحك عليها) شارف!!!! هههه فيقي احبيبة راكي غاااالطة ،سوليني انا للي جلست حداه لبارح كنت غنجيبو فسروالي بلا غير بشوفات ديالو هههه(كتحرك راسها) كاتليك شارف البنت1: وشحال تكون عندو؟ مايا:(تبعكيك) تكون عندوووو ديك.امممم 30 31 فحال هاكا..نااضج احبي ناااضج ، ومرزن ومافيهش الهضرة بزاااف (وقف عليها النادل حط ليها الحساب) حلات الصنيديقة وهيا كتعوج عاجبها راسها حدها شافت الحساب و هيا تزراق... مايا:(حاللة عينيها فالنادل) هااادشي كااامل!! النادل: وي الفطور د الانسة اللي كانت معاه. مايا: (كضور فعينيها) ويييلي غنحط الفلوس اللي عندي فبزطامي كاملين و مايكفيونيش(كتشوف فالفطور) البنات سلفوني بليييزز تا تسرف ديك القحبة الشيك و نرجع ليكم فلوسكم. البنت1:(كتقلب فبزطامها) انا ها باش نقدر نعونك (مدات ليها فلوس) مانقدرش نزيدك كتر ،ويلا مارجعايهمش غنتفاهمو. البنت2: تا انا غندير معاك زوين...ولاكن من هنا لعشية يكونو فلوسي رجعو. مايا: (تعصبات) اففف اصلا انا باقة هنا مع الفيكتيم ديالي ،ايلا ماعطاتنيش ديك القحبة غنرجهوم لكم فالعشية ومن بعد نتحاسب معاها تفووو غير بلا ماتبقاو تحللو عليا فمكم. خلصان النادل و مابقى لها تا ريال و جرات داك الفطور كملاتو هيا بالغدايد .. - طلعت مع البنت تا وصلاتني لباب بيتي دقات وحلا ليا لباب دخلت و سداتو مورايا ومشات، لقيت نضال وقف كيشوف من الزاج لا بس شورط كحل وعريان ،ضار عندي كان هاز كاس فيدور وجاي كيضحك عندي وانا معبسة. نضال: (شدني بيد من خصري) دغيا سخيني بيا... همممم(باسني فعنقي) انا : الصمممت نضال:(قبلات ساخنة) فين باغا تمشي؟ انا :الصمممت كنشوف ديك السمية فصدرو كنتعصب. ماعرفتش لاش مسيفط من مورايا؟ لعجب هادا باقي عينيه فيا؟!!! شدني من يدي وداني جلس فوق الفوطوي وجلسني فوق رجلو... نضال: مالكي(كيلعب ليا فشعري) شنو للي مقلقك؟ (طبع قبلة على فمي) انا: الصمممممت... نضال: ماباغاش تهضري؟(ابتسامة) اوك على خاطرك... تكا فوق الفوطوي وتكاني بين رجليه ولحت السبرديلة للي فرجلي وضهري على كرشو وكيلعب ليا فشعري وعنقي وكيضر ليا فودني ...ويديه كيتساراو عليا بورشو ليا لحمي ...احساس راءع وانا بين يديه وكنشم ريحتى وهوا ضرييف معايا وفوق هادشي كامل جذاااب كيحمق . نضال:(فودني) خلينا نحيدو الاسرار للي بيناتنا ونهضرو بوضوح...باش حتى نتي ترتاحي وتحيدي هاد التقليقة (بيزو فحنكي) وراني عارفك علاش مقلقة...بلا متخب