حبيبي مافيوزي الجزء التاني

part70

مشينا فطرنا وكتجمعو ونضحكو ومدوزين وقتنا غير فتكركير و الضحك الوقت كامل وفين ما نخرجو فصابر كنتشتتو بالضحك حتى ولينا كنتجمعو شوية بشوية اما جوليا مابقاتش كتخرج عندو مم بيت النعاس ديما مخشية تما مهم دوزنا اسبوع فالضوران و التخياط الشوارع و المحلات ما كنخلليو تا قنت و فكل صباح كنفيق كنمشي نصبح على ولاد نضال هما الليولين كندوز معاهم وقت زوييين وحسيت بيهم بداو كيولفوني حيت ضريفة معاهم و كنبغي نخرج من بيتهم كيبداو يبكي عليا انا وكراميل و مع يالاه كيتثعلتمو فالهضرة كيعيطو ليا ميلي (ايميلي) وحتا ديك ميلي مللي كنسمعها كنشبع ضحك و حتى انا ولفتهم بزااااف لدرجة ولليت كنعسهوم شي مرات معايا و فكل مرة كيعيط ليا نضال كيلقاني مخشية معاهم فالبيت كيطلب مني ندير كام ف بيسي و كيبقى يتفرج فينا و هما حدايا وكل مرة يسلت ليا واحد ونمشي نجيبو حدايا و تسلت ليا لهرى ونوض نجيبها الحاصول حمقووني واخا كاينين المربيات اللي مكلفين بيهم كان كيعجبني نبقى معاهم بوحدي فبيتي ولا يكون معانا غير كراميل كنشبعو ضحك و لعب و نضال فاش كيكون كيتفرج فينا كيبدا يموت علينا بالضحك وخصوصا مللي كينوضو يدليزو كل واحد منين كيجر هههه عهد كيبغي ينتفها و وعد كتعضو وانا كنفك ونضال يضحك و حسيت بعهد عصبي و صعيب شوية فتربيتو وما كيبغيش يتصالح بسهولة ،كيغضب و كيضرب وكيتجنن ماشي بحال عهد ههه بكاية واخا تا هيا بخبيزتها و كدافع على حقها مي دغيا كتبرد اما المشكيلة لكبيرة عيا فاش كنهز واحد و نخللي لاخر كينوض يسعر و يبكي وكيدابزو عليا هههههه الحاصول الحرب ديما نايضة بين ولادو وديما انا كنفك و ديما نضال كيقولي متخليهمش بجوج طيط ا طيط حيت فاءي لحضة ينوضوها و عهد كيحكًر على ختو وديما كيبكيها وكيقولي،اما كراميل فهاد المدة اللي جلسنا كاملة فكل مرة كنشدو وعد و نعكرو ليها و نصبغو ليها و نديرو فيها حااالة و حتى عهد شديناه درنا ايه مكياج و صيفت التصويرة لنضال وعيط ليا ضحك عليه مي قاليا ماديريش ليه هاكاك باش ميولفش المكياج ،صافي من تما مابقيناش لعبنا معاه داك اللعب ..حتا بقا لنضال نهار ويجي نضت لبست و تفركست و مشيت هرجت كراميل تا عوا ديما مزييز الحالة ... انا: كراميل يالاه نخرجو ليوم ونديو معانا عهد او وعد