حبيبي مافيوزي الجزء التاني

146

نضال:(حط يدو على كرشي) ما كضركش لكريشة ؟ مروى: الصمت (الدقان) نضال:(نايض) الحلوى جات مشا حل الباب ودخلو واحد جوجات كل وحدة شنو هازة وكيستفو فوق السفرة، نضت وقفت واخا الفشلانة ولاكن كرشي منوضاني نبركك نشوف شنو جايبين ليا،شافني نضال وقفت وجا عندي عنقني مع مداعابات وكيعرف يداعب بيديه. نضال: قادرة توقفي؟ مروى: اه😋 نضال: ههه مزيان 😉(طبع قبلة على فمي) وفين ما يبغي يبوسني يهبط عندي براسو حيت كنبان قدامو بحال نملة خلاها كراميل واخا انا طويلة شوية ما قصيراش ولاكن هوا ياا سلاام كينبقا هازا راسي معلقاه فالبوسان تا كيضرني عنقي، مي كيعجبني فاش كيهبط راسو عندي كتعجبني ديك الحركة . مشيت جلست فالطبلة لقيت فيها كلشي المالح و لحو ، جابو ليا لعشا حيت ما كليتش ونضال قالي من الستة وانا ناعسة حتى الوحدة دليل و دابا 2 ونصف عاد غنتعشى،قادو ليا كلشي وخرجو و بديت انا كندوق من هادي ومن هادي،ضرت نشوف شكايدير نضال بان ليا جالس فالبالكون وكيتكييف ، مابقاش كيكمي حدايا على قبل الحمالة ، جلست كنفكر مع راسي كيفاش ولا كيكمي وماكانش عندو معاه؟؟ نضت تميت غادا عندو،شافني وعقد حجبانو مروى: مالك؟ نضال: والو ؟؟ مروى: ومالك عبستي ؟؟ نضال: ههه (شدني من يدي جلسني على فخدو ) شفتك جايا قلت مالها واش مابقاتش باغا تاكل؟ كيهضر معايا ومبعد الكاروى عليا مروى: عيطيني نجرب نضال :شنوو (خزر فيا) مروى: نشوف كيداير؟ نضال: مروى...سيري تقصي حسن ليك. مروى: وعلاش نتا كتكميه. نضال: (طفاه) هادشي ماعندك ماديري بيه، (كيشطح بيا فوق رجلو وانا كنتهزهزه ) هادا احبيبة بلية وخايب ونتي زوينة مايصلاحش ليك مروى:(ككنتهزهز ههه عجباتني ) نقد انا نحيدو الى بغيت😄 نضال:(مافيا ما يزعف عليك وانا مسافر افففف)سمعي ...هادا ماحيدوه تا الرجال بشلاغمهم، تجي نتي تحيديه!!! مروى:(ماغاراضيش فيه غير بغيت شي طريقة اللي تخليه يحيدو)ونتا ماكنتيش كتكمي !!!😯 علاش وليتي كتكمي؟ نضال:الصمت كايشوووف فيا شوفة فشكل وكيفيبري برجلو وانا كنقز نضال: (نقوليك نتي سبابي؟ من نهار بعدتي عليا فاش كنتي حاملة وانا كنتحرق تا رجعتي)دابا شنو؟ واش بغيتي نحيدو؟ مروى: اه 😁 نضال: نحيدوه الاللة...بقيتي على خاطرك؟ مروى: 😋 ههه (سكت ما بقيتش قلت شي حاجة وغير كنضحك ، كنحمااق عليه دغيا كيفهمني) نضال: يالاه قولي ليا كنبغيك😉هههه مروى: هههه كنبغييييك 😍 (قلتها بلا مانشعر تا ياوعبت وانا نجمع الضحكة) هاا!!! نضال: هههه حميمقة (شدني بيدو من حناكي بجوج عصرهوم ليا تا خرجو شنايفي وطار عليهم ببوية جرهم تا كانو غايطيرو وانا مصدومة . نضال: مممواااح (كيبوس ويعاود ) هههه مروى : (دغيا كنتقلب ونبدا نفرنس) هههه...بغيت نسولك؟ نضال:(قالي بتعابير وجهو سولي) مروى: واش ديجا بغيتي شي بنت من قبل؟😮 نضال: هههههه (كيشوف فيا ويضحك) وعلاش باغا تعرفي؟ مروى:😯غير كنسول! نضال: (بقا كيشوف فيا شحال ) اه بغيت واحد البنت سحابني غايقول ليا لا ساعا صدمني بقيت عير كنشوف ،طلعات معايا السخانة ومارييتش، شداني نسولو انا كاع ، بقيت صاقلة وهزني بين يديه وانا وجهي مزيير حطني ففراشي وتكى حدايا كيداعبني. -نضال حس بمروى تقرصات وعارفها باغا تعرف كلشي عليه وخصوصا هاد الجانب هادا، وكل وحدة كتبغي تعرف حبيبها واش بغا شي بنت من قبل وشنو عجبو فيها و كي كانت دايرا و هيا كي كانت تصرفاتها معاه الى اخ، و من غباك بعض البنات كيبدا يديرو المقارنة بينهم و بين البنت اللي قبل منهم وغالبا كيبداو يقلدو ويديرو نفس التصرفات ديال البنت اللي كان كيبغي من قبل على اساس يبغيها نا هيا... نضال: ميمي.. (هزيت فيه عيني) باغا تعرفي؟ مروى: (ماكرهتش) الصممت نضال: (تنهد) سمعي... انا كنت كنبغي واحد البنت مللي كانت عندي 16 سنة، ولاكن ماكنتش متأكد حيت كنت كانقول غير المراهقة و غادوز(كيعبر بيدو وعينيه) ماكنتش عاطي اهتمام لهادشي. مروى: واش كانت كتبغيك حتى هيا؟ نضال: الصممت (كيشوووف فيا ) مروى: ؟؟؟. نضال: لا ماكانتش كتبغيني (كيبقا يشوف فيا عاد كيكمل هضرتو) و ما كتعرفنيش اصلا ، غير شفتها وعجباتن