ليا الولد للي كان مع نضال داخل عندي وجايب معاه الزامل.... صابر: سمحي لينا على هاد الدخلة ...انا جيت لعندك برجليا باش نصححو الغلط و نحللو المشكل هوا راه عاود ليا كلشي وانا جبتو معايا تا لعندك. بقيت كنشووف فيهم مغوبشة مي بان ليا هاد الزعيعر ضريف على صاحبو ... انا: اممممم (كنعوج فمي) اوك مللي جيتي حشومة نرضك . صابر : ههه انا صابر...(مد ليا يديه) انا: ايميلي(كنخزر فالزامل) سلمت عليه وجلسنا فوق الفوطويات ومستورة بالكاش. صابر: فالصراحة بنيتة زويونة فحالك ماجاتش ترايش و دير ديك الفضيحة كاملة. انا: ماشي انا اللي درت الفضيحة (مطلعة حاجبي) راه هوا اللي شبع فيا معيار ف الفايسبوك.. كراميل كيسمع ودافع كبير ورجل على رجل و قاد الفيترينة وستف حوايجو ..وكيشوف بالنفخة و يميق فيها. انا: يعتادر مني (دفعت كبير و رجل على رجل منفخة ) صابر:(مسرفقة واحق الرب) اهاه يعتادر منك وعلاش لا! (شاف فكراميل) يالاه عتادر... كراميل: (مكيشوفش جيهتهم و هاز قنانفو لسماء) تعتادر مني هيا اللي ...ضرباتني(تبعكيك) انا: كتحلم...(هازة قنانفي فالسما) صابر: كرامييييل(كيضحك ويتحلف فيه) يالاه طلب منها السماحة ... كراميل ومروى كل واحد هاز خنافرو فجيه ..تا واحد مارضى يهضر مع لاخر.وصابر كيهضر بعينيه مع كراميل تا نوضو عندها و جلس حداها ودار جل على رجل وهيا مضورة وجها و هوا كيتبعكك. كراميل: انا كنعتادر...ماقصدش نقوليك ديك الهضرة ... انا: الصمممت دافعة كبير بقا صابر كيشوف و يضحك تا عيا هوا يقولها... صابر: ايوا هاهوا عتادر ليك...وماتكونيش قاصحة (كيصبغها) ونتي باينة عليك ماشي شي وحدة اللي شريرة ، باينة فيك ضريفة . شفت تا عييت وانا نضور وجهي... انا: غير على وجهك نتا...(شفت ف الزامل) الله يسامح.. صابر: من قلبك؟(مع ضحيكة) انا: اه... صابر: وبيني لينا. بقيت كنشوف كيفاش نبين ليه تا عنقني الزامل خلاني مصدومة وحسيت بيه كيبكي وقاطع الحس وانا نعنقو ماعرفتش علاش حسيت هاد الاحساس ؟ دخل ليا لخاطري بزاااف واخا التعارف بدا بالصداع... شفت فيه بدا كيمسح عينيه بلباقة وفيه الشيكي ... صابر: دابا مزيان ...هانتوما تصاحبتو ههه كراميل: انا سميتي كرم وكيعيطو ليا كراميل... انا: (عجبني الحال) ههه وانا ايميلي وكيعيطو لي ايميلي هههههه صابر : يالاه نخليكم تعارفو على خاطركم ... يالاه بغا ينوض وانا نهضر... انا: واش نضال صاحبك ؟ صابر:(ابتسامة ونضرات فشكل) وي صاحبي....مالو(بغا يقلقلها) انا: بان ليا فشكل؟'!! كيدير شي تصرفات غراب؟ صابر: بحالاش؟(كيجر ليها اللسان) انا: معصب وغير بوحدو وماكنعرفو مكيعرفني وكيتعامل معايا بحال الا كيعرفني ...وكيتحكم فيا مافهمتش مالو معايا ؟؟ واش هوا هاكا مع كلشي؟ صابر:(لهلا يورييك كي داير ،كن تعرفي غير ربع تموتي واقفة) لاا بلعكس غير يمكن كتعجبيه(مع غميزة) صدمني وقلبي زدح تا كانو غيسمعوه ... انا: هاا!! ولاكن شفت خاتم فصبعو و سمية د مروى فصدرو!! وعيط ليا مروى. صابر تصدم وكان خايف نضال تفلت ليه وماقدرش يهضر معاه او يوصيه حيت عارفو معصب . صابر: ااااه مروى ختو ....مسكينة كانت عزيزة عليه ...عرفتي من الاحسن خليه يعاود هوا ...اما الزواج راه ممزوجش ،ماشي اي واحد حاط الخاتم راه مجزوج.. انا: شبيني وبينو اخويا حتى نسولو؟! فين كنعرفو اصلا ... صابر:(ومالكي كتسولي مزوج ولا ممزوجش ههه بديتي يعلم الله كي دار طيحك فيوماين) اححم مهم انا غنمشي حيت كيتسناني ... انا: (وقفتو) بلاتي بغيت نسولك !(كنضور فعيني) صابر: (كتجيبي ليا الضحكة ههه) وي ... لالا بلا منسولو ...بناقص انا: هه لا صافي ...غير سير ،سمح ليا . صابر:(غا هضري ههه طلقي شنو عندك) اووك ..باي ،نتشاوفو مرة خرى(مع غميزة) مشا وضرت انا عند كراميل لقبتو كيشوف فيا وكيفرنس ... انا: هههييهي...فين كتعرفهوم؟ ...صبحان الله حتى نتا قولتي ليا مروى فاش هضرتي معايا فالفايس... كراميل:(اش هاد الخرى..شغانقول ليها دابا؟) هيهي انا غير تشابهتي ليا مع واحد البنت وصافي مي دابا فاش شفتك طلعتي نتي حسن منها كااع.. انا: امممم...وهاد نضال زعما مافراسوش شي حاجة؟هاا ...كيخلص عليا الاوتيل غير هاكاك! انا هادشي ماداخلش ليا لراسي؟ كراميل: لا يالحبيبة الاوتيل ديالو ماكيخلص عليك ما والو ..نتي جالسة هنا بيليكي صدمني ..بقيت حاللة فمي ممتيقاش ... انا:(مصدومة) دابا هادا كااااامل ديالو!!!!! كراميل :هههيهي اه ديالو ومن بعد نشرح ليك حيت لقيتيني هابط لابيسين نتبرونزا شوية...تمشي معايا؟ مع الصدمة وفمي محلول..قلت ليه. انا: وعلاش لا...انا اصلا كنت هابطة لتما ،وماعندي معامن نتوانس ...غير هوا صبر واحد الدقيقة نبدل هاد السليب حيت داك الاخ الكريم عايرني بيه... مشيت بدلتو ولبست واخد مستور شوية تا هوا كحل ودرت كاسكيطتي وهزيت ساكي وتميت خارجة انا والصحبة الجديدة د كراميل عاااجلني الحال وبانت ليا فنضال بغيت نطيحو فالشبكة ،دابا مللي عرفت بللي هوا ماكان ناوي على والو عاد رتاحيت وحتى هاد صاحبو صابر ضريف . مهم هبطنا لقينا الدنيا حلوة و احلى (نغني) واحلى سنيين بنعيشها واحنا يا ناس عاشقين تررن ننسى للي فاتنا ونعش حاياتنا على الحب متواعدين ترررن. مشينا جلسنا فواحد البلاصة وحيدت الكاش وانا نتكسل ،وماكانوش الناس بزااف ،كانو غير قلال وغير شكون وشكون باينة فيهم .. كراميل: عرفتي كن غير بقيتي دايرة الكاش حسن(ياربي مايجيش نضال ويلقاك هاكا) انا: لا غيبر خليني كلشي هنا عريان وانا نلبس لكاش!! كراميل:مكسل بالشورط و العصير فيدو) انا غير نصحتك ...ونتي اختي تعرفي! ماتسوقتش ليه وبقينا مستمتعين حتى وقف عليا واحد باغي يتصاحب !!!
أنت تقرأ
حبيبي مافيوزي الجزء التاني
حركة (أكشن)هدا الجزء التاني ديال قصة حبيبي مافيوزي للكاتبة غزال تروست
