قهرني تفكيري وهضرتي ولات قليلة معاها ومع كلشي طول هاد الفترة اللي دوزنا من نهار سافر نضال حتى لليوم ، فقت الصباح عادي وخرجت مشيت طليت على صابر فبيتو لقيتو ناعس عريان ومضلم البيت، كنت كل نهار كيعجبني نفيق قبل منو ونمشي نحل الباب دبيتو بلا حس ونشوفو وهواناعس . بقيت كنشوف غير من الباب وهيا طيح عيني على الساعة لقيتها 2h ديال النهار ، ماكرهتش نفيقو كيما كنت شحال هادي ، ولاكن دابا مابقتيش كنتعامل معاه بحال ختو غير باش نبيين ليه بللي انا ماشي ختو كيما كان قالي كراميل ، قالي ماتعامليش معاه معاملة اخت وبللي كلشي عادي ، داكشي علاش مابقيتش كنهضر معاه مطلوقة ونضحك معاه و نقز عليه ، حيت هوا براسو كنحسسوو بللي انا فعلا ختو بهاد التصروفات ، دابا ولليت كنحتارمو وكلشي فحدود وحتى هوا ولا معجب من طريقتي فالتعامل معاه ، ولا كيدير معايا ضحك باسل كنحشم حتى كيبقا هوا غير كيشوف فيا وكنحسسو بللي انا وحدة غريبة عليه ماشي ختو اللي تقبل هاد الضحك .مهم خليتو ناعس وكملت طريقي بان ليا كراميل داخل عند مروى ومعاه البنات وميقت ماحملتهاش وقلبت الطريق ليبيتي سادة عليا تا سمعت حس الطونوبيلات داخلين الفيلا و البيبان كيتحلو ويتسدو ومشيت كنطير كنطل ، حيت البيت ديالي كيطل على الجردة والدخلة د الفيلا والبيت د نضال كيطل على لابيسين والبحر والجردة اللورانية، طليت هوا يبان ليا نازل من الطونوبيل ومعاه رجالو ، رجع من السفر عند الكدابة والمنافقة ديالو ، بقيت كنطل هوا يبان ليا كيهضر فالتيلي وكيزعف و يحيح غير بوحدو كي ديما، جاي بعجاجتو ، قطع الاتصال و تم داخل الفيلا وكيصوني فالتيلي والابتسامة كترتاسم على وجهو وداخل كيهضر ويضحك بالجهد ، عرفتو كيهضر مع مروى، والكيت فودنو وكايشوف فالتيلي بحال الى كايشوفها ، بقيت مراقباه تا مابقاش كايبان ، خرجت من بيتي وانا نشوفو داخل عندها و كيبتاسم ، ماكرهتش نوقفو ونقوليه راه هادي متسواش وراه خاينة من الدرجة اللولى وكضحك عليك ،ولاكن غايضربني تا نسى على سميتي اللهم نسكت ونخليه يضبر راسو ونشوف انا راسي مع صابر ديالي، حتى نشوف اشنو ندير فقضيتهم وكيفاش نتصرف بلا صداع بلا والو . رجعت باللور كنتحصر وانا وتساطح مع حبي خارج من البيت مضهشر بالنعاس لابس غير الشورط وكايشوف بنص عين فيا وكيدوز يدو على شعرو.. صابر: ااااااااااه (كيفوه) وافييين؟ كاين شي مانقضيو؟ كلارا: (بغيت نبوسك) صباح الخير!! صابر: (عينيه مسدودين ) كنت جاي عندك، فين غادا؟ كلارا: (
😍 جاي عندي، يااااااي من النعاس نيشان عندي) اححم و..و.وعلاش بغيتيني؟ صابر: تحكي ليا ضهري ههه، قالي راسي سير عندها كمل النعاس تما كلارا: (وييلي شكايقول؟ واش من نيتو) سير كملو فبيتك، وزايدون مابقا نعاس دابا ...راه جوج هادي(ماكرهتش يكمل النعاس فبيتي ) صابر: اممم جوووج واخا، كاتجري عليا؟ كلا:(بدلت رأيي) اوك يالاه ههه صابر: (زاد وخلاني) بناقص ... مشا وخلاني واقفة ، مابقاش كيتفهم ليا !! تضرفاتو فشكل؟ مابقيت فاهمة فيه والو؟ عاد قاليا مات جاي عندي ، شنو زعما؟ يكون دايرها ضحك وصافي وانا تسقت راسي؟ اففف دوخني .تميت غادا كنتسركل فالفيلا شوية وهيا دير ليا طن فالراس
💡 علاش اللي مانشيش نشوف مروى الغدارة كيفاش كتبحلس على نضال و نشوف علاقتهم مع بعضياتهم كي دايرة عن قرب، خصوصا من بعد ما شفت السيدي ولات معششة ليا فدماغي ، ولليت مقابلاها غير هيا وافعالها و تصرفاتها، شحال زوين تكون عارف السر ديال شي واحد اخر وهوا ماعرفكش عارفو ، كتبقا غير مراقبو فالصفيرة والكبيرة بلا ماتشعر كيدفعك الفضول ديالك تزيد تراقبو كتر .دارت ليا فراسي وانا نمشي كنتسلت للبيت اللي ملاسق مع بيت نضال وخرجت للبالكون ديالو ونقزت للبالكون دبيت نضال ومروى بلا ماندير الحس وبديت كنقرب شوية بشوية من الزاج ديال الباب نشووف مروى وطريقتها فالتعامل معاه وكيفاش كتخليه يبغيها ونشوفها نيت وهي كتكدب وتنافق فيه ونشوفو هوا حتى اينا درجة واصل فالحب ديالو ليها وشنو اللي مخليه يطيح فيها ويبغيها من دون البنات اللي عرف كاملين باش هاكا نقدر نتصرف ونكون عارفة عليهم كلشي . قربت من الزاج والريدو مخبيني و كنحاول نلقط السمع ونشوف اشمن تيجاه شادين ولاكن وااالو الصقييييل ماكاينش الحس ديال الهضرة ولا تحراكته نهاءيا .مللي ماسمعت والو زاد دخلني لفضول وطليت شوية بغيني وانا نتصدم فداكشي اللي شف
شفت لقيت البيت خاوي و طاحت عيني على مروى وهيا ناعسة على جنبها كتشوفش جيهتي عرااينا مالابسا حتى حاجة وهيا في كامل رقتها ، بقيت كنشوف فيها وهيا غارقة فالنعاس بحال شي ملاك ناعس تصدمت من جمالها وطريقة باش ناعسة وطالقة رجليها وكرشها قدامها، جسم مثير جذااابكيصرخ بالانوثة وصدر مشدود مثير ورجليها مرسومين، باينة من الشوفة جلدها حساس وناعم قبل ماتلمسو اليد ، بقيت كنتأمل فيها من راسها حتى لرجليها وكنشوف فيها و فرقتها فالنعاس وشعرها الطويل اللي زادها جماال اكثر وهوا مطلوق حداها و وجها الطفولي البراءة فيه ، كلشي فيها مرسوم ، شفايف و عينيها وشفارها الكتاف اللي عطاو جمالية لعينيها وهوما ناعسين وخدودها الحومر ويديداتها ورجيلاتها الصغيوري، انثى بكل مافي الكلمة من معنى، سرحت فيها وفتضاريس جسمها وفكرشها اللي عطاتها انوثة كتر وانا كنسمع صوت انين كتصدرو وهيا ناعسة و كل شوية كتنخز وتحرك يديها ولا رجليها فالنعاس تا حسيت بشفايفي كيبتاسمو ليها، سحراتني انا اللي بنت وتعجبت بيها ما بالك الراجل الى شافها، فلحضة ستوعبت وعرفت بللي كانت هيا ونضال فعلاقة حميمية قبل مانجي وبقيت كنشوف فيها ونهضر غير مع راسي وكنقول شنو ناقصها حتى مشات دارت علاقة مع باريش وهيا عندها راجل اللي كتمناها اي وحدة شافتو ، واقيلا كايعاملها بعنف داكشي علاش مشات كتقلب على اللي شي واحد اللي يحسسها بالانوثة ديالها، علاش دارت داكشي علااااش هادشي غايحمقني ، بغيت نفهم علاش كضحك وتعنق فباريش ؟؟ اشنو اللي خلاها دير هادشي؟ وهيا كاتقول كتبغي نضال !!واش حيت كاتخاف من نضال داكشي علاش كتوهمنا انها كتبغيه؟ افففف فادي نتسطى ، كانشوف فيها قدامي والنور والبراءة على وجها كتدخل فالقلب وفاش كنتفكر الفيديو كنبغي نموت . بقيت واقفة كنشوف فيها وهوا يبان ليا نضال خارج من الدوش ملوي عليه فوطة ، مامدوش ماوالو غير يمكن سالا من العلاقة اللي كانو فيها ودخل ، خرجك كيشوف فيها ويبتاسم وكيطلعاها بعينيه من راسها حتى لرجليها و باينة فعينيه معجب بيها بزاف، وكيفاش مابتغرمش بيها وهيا اميرة وجذابة ، وبالاخص عاريا وكاع الفاتن ديالها باينين، مشا تكى موراها وبدا كيقبلها بلطف فعنقها وكيداعبها بيديها ويدوز يدو على كرشها وصدرها بلطف وهيا ناعسة وصوت الانين كيتسمع من عندها ، بقيت مراقبة الاحداث والطريقة ديال التعامل د نضال معاها بحال شي بيبي ونضراتو ليها ومداعباتو اللطيفة وكل شوية كيغمض عينيه و كيستنشق ريحتها تا قلبها على ضهرها بلطف بلا ماتشعر وتسرحات ويدها على كرشها وهوا كيقبلها بلطف يلا مايفيقها وكيرجع يتأملها من راسها حتى رجليها، تصدمت فيه وفعينيه والطريقة باش كيشوف فيها، ناض من حداها وقف وبقيت انا حاللة فمي و كنشوف فيه وفالعضمة ديال الطولة و الجسم ديالو اللي منحوت وجذاب ورجولي اكثر من الازم والوسامة ديالو وكنرجع نشوف فيها هيا اللي كتبان قدامو ضعيفة ورقيقة وحساسة وبريءة وجذالة ، خدا اجمل النساء وخدات هيا لب الرجولة ، شفتو هاز بواطة فيدو وراجع عندها وانا نتخبى باش مانبانش ورجعت شفت لقيتو كيركب ليا سنسلة مدهبة فرجلها ليسرى و خاتم صغير فصبع رجلها مدهب هنا انا خرجو عيني وماتيقيتش ، وزاد باش لها رجلها ورجع تكا حداها كيداعبها ويدلامس كرشها ، ماتوقعتش يكون كيبغيها لهاد الدرجةالدرجة، لالا هادا ماشي كيبغيها، هادا مسكون بيها مولوع بيها ، تغير تفكيري وعرفت بللي ماشي عنيف معاها وماشي العنف اللي خلاها ترمى فحضن باريش ، اشنو اللي خلاها تبدل نضال بباريش هادا هوا اللي غيحمقني ، هاداك الفيديو خاصني ليه تفسير ، علاش خانتو علاش
