حبيبي مافيوزي الجزء التاني

179

كلارا من بعد الشرية اللي شراتها ليا بنت الحرام ديال نروى مع نضال حتى كان ..مم .مم (تعصبت) ماعرفتش اش كان غادي يدير فيا كن ماكانش صابر فكني منو ، ولاكن غير بلاتي ..بغات تبعدو عليا بنت الحرام...ماغاديش نخليها تهنى فحياتها، انا معيشاني فالعداب وهيا كالسة ضحك وعاجبها الحال، كرهاتني فيها تفوووو...غندمك امروى غير بلاتي ... هاداك خويا قبل مايكون راجلك ولا طليقك ولا ماعرفت اشمن علاقة جامعاكم ، الله ياخد فيك الحق ، بسبابك ولا نضال كيهز عليا يديه...عمرو غوت عليا ولا تعصب عليا حتى جيتي نتي ، واااخا...الى منخليك تبوسي اليدين والرجلين راني منتسماش انا كلارا . هه ماعرفت شكون اللي جاتها الجلطة ...انا ولا نتي!!! شهر وانا مجبدة فالكلينيك وفاللخر جا وطار كيجري عندك نتي اللولة.يالاه تجبدت فوق الفراش وانا نسمع الباب تحل ، ضرت لقيت صابر. صابر: باقا فايقة؟ كلارا: الصمت (جا تخشا حدايا) صابر: (عنقني) قولي ليا..مالكي نتي ومروى؟ ديما مشادين ؟ اشمن حساب بيناتكم ؟ واش حيت نضال عاطيها وقت كتر منك ولا شنو؟ كلارا: (خرى ..جيتي نعستي حدايا نسى عليا المرض ) ماباغاش نهضر فهادشي اصابر دابا. سكت ودار يدو مور راسو وكيشوف فالسقف وكل شوية يتنهد ، تسنيت تا عييت يمد يدو عليا ولا يبوسني مي مادارهاش ، نضت للدوش وخليتو متكي فوق ناموسيتي ساهي ماعرفتش فاش كيفكر ، دخلت وسديت عليا وتعمدت نتعطل نشوف ردة فعلو ، بقيت جالسة لداخل على واحد الفوطوي كنضورها فراسي ، ونيت كنت لابسة توني بسروال حيدتو ولبست سوميج دو نوي قصيرة مشبكة فالابيض ودو بياس فالابيضودرت بارفان خفيف ديال النعاس وطلقت شعري ...شفت راسي فالمراية جيت زويييينة و ملامحي طفولية ...اول مرة نلبس هاكا، سوميج بحال ديال العرايسات .موالفة نلبس داكشي مبرهش ونعس فيه .هاكا عجبني راسي بزاااف حسيت براسي فشكل وكنشبه لماما فالجمال ديالهاههه اكيد الى شاركت فشي مسابقة ديال ملكات الجمال غادي نربح مروى! دابا علاااش تفكرتها عاوتاني علاااش ...اش جابها هيا للمسابقة هه😠 ...لالا ...ماغانفكرش فيها هاد الليلة .حتى لغدا ونتافهم معاها (الدقان) صابر: هيييهوووو !...كلارا....واش كلشي مزيان؟ كلارا: (ارتابكت) اه..اه اه ..مزيان .ااحم هانا خارجة. بديت كنتفتف ونضحك غير بوحدي وحشمانة نخرج عندو هاكا وحشمت حتى نشوف راسي فالمراية ههه افففف .اففف....افففف تنفسيييي تنفسييي.. مالكي اكلارا مرعودى ، (كنهضر مع راسي فالمرايا) راه هادا هوا اللباس اللي كيلبسو البات اللي فلاج ديالك ، نساي عليك حوايج البراهش والشورطات اللي كانعسي بيهم ...دابا غاتنتااقلي من مرحلة للمرحلة (كنبين صدري شوية ) اففف... دابا يالاه نشوفو ردة الفعل ديالو ههييي