حبيبي مافيوزي الجزء التاني

143

صابر: مالي كتبتي القاءمة د الحلوى لمن عطيتيها؟ الشخص: عطيتها للي مكلف كيتسخر و يجيب السخرة هوا للي خدا القاءمة و داها . صابر: (هضر مع واحد) سير جيب هادا اللي مكلف بالسخرة. نضال: هاد القاءمة اللي كتبتي شحال جلسات عندك عاد عطيتيها ليه؟ الشخص: يالاه كتبتها درت عليها فوطو كوبي باش ماتلفش و حطيتها فوق الطبلة دالكوزينة باش يعرفو اللي خدامين فالكوزينة شنو الاطعمة اللي غتكون فلانيف، والكوبي بقا عندي هوا هادا اللي عطيتكم دابا ، و فالصباح رجعت للكوزينة وجتامعنا فيها وعطيت القاءمة للي مكلف بالسخرة و خداها ومشى. صابر: غايكون شي وااحد زاد فلاليست هاد الحلوى !!! نضال: داااابا نشوف ليكام دلاكويزين. صابر: (كيهضر مع المسؤلين على لكامرات) قلبو لينا الكامرات دلكوزينة، ورجعو السينتة من اللقط اللي تحطات فيها القاءمة فوق الطبلة . حولو ليهم السينتة وبقا و متبعين جميع تحركات اللي وقعات فلكوزينة من اللحضة اللي تحطات فيها لاليست حتى للحضة للي تهزات فيها وخرجات من الكوزينة باش تدفعات للمكلفين بالحلوى، كلشي داز مزيان وحتى حاجة ما كانت غريبة فالفيديو كامل، تا واحد ماقرب للاءحة ديال الحلوى من غير اللي كتبها و حطها و اللي مكلف بالسخرة فاش هزها وخرج . صابر: يمكن ليك تمشي فحالك (هضر مع المكلف بالقاءمة وخرج فحالو) صابر: شي واحد مور هادشي نضال: هه بيان سيغ، شكون عندو هدف فمروى تنزل لبيبي.. صابر: شكون فنضرك؟ نضال: كاين احتمال تكون كلارا، ولا صوفيا ، ولا جوليا.بتلاتة عندهم هدف باش يهرسو مروى ، ولاكن خاصني نعرف وحدة فيهم صابر: شنوووو؟؟؟ مايمكنش !!!! وعلاش كلارا غاتبغي دير هادشي ؟ وجوليا شنو دخلها ؟ وصوفيا اش داها حتى دير هادشي؟؟؟ نضال: (بغضب) اولا ، كلارا ديرها الى غارت من مروى ، تانيا ... صوفيا ومروى ماكايتلاقاوش وحدة حاقدة على لاخرى..وجوليا تاهيا عندها احتمال بوحدها اللي يدفعها دير هادشي، وغنشد هادي اللي دارت هادشي غنقتلها واخا تكون كلارا. صابر:(تصدم) ولاكن مايمكنش جوليا دير بحال هادشي وهيا ماعارفاش بللي عارفين عليها كلشي، وكلارا مايمكنش تنتاقم بهاد الطريقة لا هيا لا صوفيا نضال: هههه هادو راه يقتلو لميت ويمشي فكنازتو، التقحبين و الطيابة د البنات راني حافضو صابر : ماشي تا لهاد الدرجة!!! كلارا وجوليا ماعندهومش علاش يديروها ، نقولو صوفيا ديرها حيت جرات عليها مروى نضال: دابا من هادشي كااامل غادي نعرف شكون ، مهم كنت غانقول ليك عندي شي حاجة خاصني نمشي لروسيا غدا ، ومروى مابغيتهاش تخرج من بيتها تا نرجع وغانفركع هاد الرمانة غانمشي فنهار ونجي. صابر: (دوخ ليا راسي ... شي حااجة كادور عندو فالراس ) واخا ك ن هاني اصلا هيا عيانة وماغتخرجش من بيتها .و تهنى هادشي يبقى هنا وعارفك ماغاتزكلش هاد القضية