حبيبي مافيوزي الجزء التاني

part40

شوية حسيت براسي بدا يتقال و لساني تبنج مابقيتش قادرة نهضر ونضال كنحس بيه كيتهز بالضحك و كيهزني معاه ... انا: (تبوقت) ماا لك كضحك(كنهضر بزز) نضال: ههههههه حطي دابا احبيبة هاد الكاس راكي جبتي الكاو ههه(حيدو ليا) انا: (مرخية) كنحس براسي كنزلق؟!! نضال:(الكاس فمو و كيضحك) ههههه باااقة فبلاصتك هههه غنصورك هاكا باش تشوفي راسك مللي تفيقي انا حسيت براسي حلقت للعنااان وسرحت رجليا و يديا و متكية عليه و هوا مدوز يدو تحت يدي معنقني وكل شوية كيجرني عندو حيت البينوار رطب و كيزلقني ! وطلع ليا لفوووق وانا كنشهق . نضال:(قلبني عندو ) ضوري نهضر معاك.(شافيا) هههههههههه ناااري كي وليتي!! انا: (راسي كيتمايل) فياااا جوووووع(طاح حنكي على سدرو) نضال: (كيدوزو يدو عليا) مافطرتييش؟ انا: هىء (شهقت) لاا! نضال: بفففف (هز ليا راسي و شاف فيا) غتقياي هادشي كاامل للي شربتي..علاش مقلتيش ليا بللي مكليتي والو؟ هاا! انا: الصممممت (،لاوية ماقادراش نهز الراس) هز نضال تيلي و عيط للاستقبال باش يطلعو الماكلة لاللة مروى و ماكملات 5 دقايق تا دخلو ليهم الماكلة وحطوها حداهم فالبالكون ومشاو و مروى باقة مكسلة عند نضال فنفس لابوزيسيون ديالهم نضال: يالاه نوضي كولي شوية...(مكسلة على سدرو و معنقاه) يااالاه امروى نوضي.. نضت هزيت يدي و انا نعطيها ايه لوجهو واخا فشلانة.. انا: ماشي مروى انا الخرى ...(بقا فيا الحال) نضال: (مصدوم) هادي تاني تسرفيقة كتعطيني و كنسكت ...دابا صافي حللي فمك (بغا يوكلها) انا:(سكرانة وحاضيا حوايجي) بعد منني ...علاش معيط ليا مرواا هاا(لساني تقيل) نضال: انا عيطت ليك مروى!! بلعمى !! راك نتي للي سمعتي مروى راسك اما انا ماقلتش كاع مروى.ههه انا : (راسي كيميل) ااه سم سممعتك كل كللتي مرواا.. نضال: واصفي دابا يالاه حلي فمك (ترخيت عليه بين رجليه) وانووضي (كيجلسني ) يالاه حللي فمك.. انا: (دايخة) شنو هادا؟ نضال: سوشي ...يالاه احبيبة حللي فمك. حلات فمها بزز وهيا ما قادراش تا تجلس و شادها عندو وكيوكلها و يبوس فيها عاجباه وعاجبو هبالها وشاد لها الخاطر تا عيات و قالت براكة ،سكرات لدرجة مقدراتش تهز يدها ولا تحرك،جلسها عندو بحال شي بنيتة صغيرة ومتكي لها راسها على يدو و كيلمس حروفها و شعرها مع بوسات خفاف كل شوية وعيا كتشوف فيه ماعاقلاش على راسها 

تا بدات كتهضر وكيما كيقول المثل مللي كتشبع الكرش كتقول للراس غني

(بلسان تقيل ) شحال دابا فعمرك؟ نضال: ههه زعمة الى قلت ليك غتبقاي عاقلة(حركت ليه راسي) عندي 32 احبيبة. انا: وشحال من بنت كتعرف؟ نضال: ههه 100, وحيدي منها الاصفار (مع ضحيكة) انا: هيا شحال؟ نضال:هي وحدة (طبع قبلة على فمي) انا: وشكون هيا؟ (ساااهيا فيه) نضال: تبغي تعرفيها؟ (باس ليا يديا بلطف) انا: (فشلاااانة) اه نضال: هي واحد البنت رباها الولييد (كيهضر معاها بحال شي بنت صغيرة) وجيت انا تزوجت بيها مي عمرني قصتها تا ديتها معايا لوكس مبورك عاد فركعت ليها الرميمينة(باسني من جبهتي) ومن بعد دوزت معاها 100 ايام و مشينا لباريس و النهار فاش و صلنا طراو مشاكيل و غتصابتها و طاح ليها البيبي، (مع لمسات حنان) وماكنتش هارفها حاملة ،وحتى هيا ما كانتش عارفة راسها حاملة ومن بعد ديتها لكلينيك وجلسات تما شهر ونص وتعرفات على واليديها ، من بعد خرجتها من الكلينيك و ديتها معايا للاوتيل وفديك الليلة نعست معاها وفالصباح مشات للمغرب مع ماماها و ختها و ماشتهاش شهر ومن بعد مشيت للمغرب حيت كان عند ختها العرس و كنت موحشها بزاااااف وبالليل عاوتاني نعسات معايا وفالصباح طلعات حاملة ...مي الفرحة ماكملاتش حيت ديك الليلة وقع موشكي اللي خلاني نطلقها بزز مني حيت هدادتني براسها وحاولات تنتاحر شحال من مرة و نعسات فالكلينيك حيت الحمل ديالها كان فخطر وبقات تما 7 شهور عمرنا تلاقينا فيها ولا تشاوفنا من غيري انا كنت مراقبها الوقت كااامل حتى ولدات و كنت معاها فاش ولدات التوام وسميناهم عهد او وعد واخا ماكنتش مفاهمين ديك الفترة و وطراو بزاااف د المشاكيل زادو نوضو الصداع بيناتنا وهي اصلا مكتيقش فيا وبقينا على داك الحال تا دخلت انا لكلينيك بسباب قرطاسة خرجات فقلبي عاد تصالحنا .. انا: ورجتو تزوجتو؟ نضال: (نضرات حب) لا متزوجناش مي واخا هاكاك ديتها معايا و حويتها هههه ولاكن كان داك الصباح اكفس صباح فحياتي ،بسبب المشاكيل الكتيرة اللي وقعات خرجات و دارت اكسيدون و سحاب ليا ماتت .تا من بعد عاماين كنلقاها وكنجيبها عندي (تنهد) تعدبات وعدباتني معاها... نضال عاود ليها باختصار على الله بفكرها و ترجع ليها الداكرة بلا ما تصدم و توقع ليها شي حاجة خايبة. انا: وفين هيا دابا(بلسان تقيل) نضال: هيا هادي(طبع قبلة طوييييلة على فمي) وسميتها مروى كيما شفتي مكتوبة فصدري. مروى مع السكرة قالباها عير كضحك وتشوف معسلين ليها العينين. نضال: (كيلعب لياا فشعري وشفايفي) خلليتي ليا نسخة منك ومشيتي...خليتي ليا جوج وليدات كيشبهوك ليك فكلشي ، (شد ليا يدي) يديدات بحال ديالك...وعوينات بحال عويناتك(لمسة فالعين) وشفايف فحال شفايفك ...وشعر بحال شعرك(دوز يدو على شعري) غير نتي تماااما...(باسني فحنيكاتي) واهم حاجة خلتي ليهم هي النية ديالك ..كيضحكو لكوولشي و يفرحو مع كلشي و كيغضبو دغيا بحالك ههه انا:(دايخة ) بصح! نضال: وي و حساسين بزااف بحالك وكيغضبو دغيا بحالك... انا: بصح! نضال: هههه اه ...بصح احبيبة ...لدرجة واحد المرة كان معايا عهد فالبيت جالس كيلعب و كنت كنهضر فتيلي و زعفت ومللي ضرت شفتو لقيتو كيشهق بالبكا وهاز يديه كيقولي هزني ههه والبكية مكتسمعش عندو بحال ديالك ههه سحاب ليه غوت عليه وفاش هزيتو لسق عليا وعاد مزاد فالبكا ، عييت نسكت فيه و مابغاش يسكت ،كيقول غير بابا بابا و كيبكي...ندمني على داك التيليفون كاع ،مابغاش يهز راسو يشوف فيا ههههه لسق لسقة وحدة تا نعس هاكاك . انا: بقى فيا مسكيين نضال: انا من عاودت ليك باش نفكرك واخا نتي دابا سكرانة ،حيت الى عاودت ليك ونتي فايقة تقدر توقع ليك شي حاجة ...وعارفك غتسحاي و تنساي على كوووولشي .مي بغيتك تفكري شويا ... انا: ها!!!(مبوقة) نضال: ولادك دابا راه عندهم عاماين ونص وعايشين بعاد عليك وماتبعتيش معاهم الخطوات ديالهم فاش خرجات ليهم اول سنة،وفاش بداو كيتمشاو، وفاش ولاو كيتعلمو الهضرة. انا: وريني تصاورهم نشوف ولادك هههه نضال: بفففف هههه سكايرية لخرى ،خصارة فيك لي غيكل ... انا: مالك سخوون بزااف؟ نضال: هههه معاك نتي اه ..سخون،مي مع شي وحدة خرى واخا تعرى قدامي منشوفش فيها...مي نتي حالة خااااصة ههه كتعطيني لحلوة ليلة والصباح كنصبحو مفارقين و كتخليني مقطوع وتابعك ...ههه كضحكي ههه (جبد تيلي) هاكي شوفي ولادك ... جلس كيوريها واخا سكرانة وغير كضحك ودخل وتخرج فالهضرة تا طلعات ليها تصويرة .. نضال: ها ولدك كان صغير ودخلتو معايا لدوش هههه انا: مسكيين علاش خليتيه كالس هاكا!!! نضال: هههه كيلعب