حبيبي مافيوزي الجزء التاني

91

بقيت مركنة فالبيت تا سمعت الدقان ونضت كنجري... انا:(من مور الباب)شكون؟؟ ...: كراميل اوجه لوييل انا:(كنحل) ااه اخيرا جا.. كراميل: سيمااانة باش تحلي لباب😬 .. (سديت علينا لباب) شدي عليا خراااك شديتو وكنحل فيه مافهمت منين نبداه!! انا: كي كيديرو لهاد شي؟؟😓 كراميل:(كيتعوج معصب) بولي فيه ولا خراي نتي كاااع .. النم مي داير تفوو الاه يخليها سلعة طريق لارووب.. انا:(كنشوف مافاهمة والو) وعلاش جايبو مللي مافاهمش كي كيخدم😠 سخرتك معوجة بحالك ... تفوو.. الجنس الناقص. كراميل: (بزعفة نترو ليا من يدي) طلقي لهناا.. (مطلع حاجبو وكيطلع ويهبط فيا وكيمييق بعينيه) بناادم كي دااير...المعواقة لخرى... (كيقلب فيه ) شدي.😬 هادشي تا لغدا الصباح وشرشري فيه على الريق ... انا: شكاتخوور عليا ... ازمر😠 هضر نيشان وفهمني هاد الزفت اللي جبتي كي كيخدم... كراميل: طلقي مني ... دون طاتش مي ...جمعي يديك طبعتي الفيترينة..😬 (كيقاد حوايجو) هادا غتخبيه تا لصباح و بولي فيه... انا:(غيطرطق ليا مرارتي ) فين غانوول الزبل.. واش هادا سطل نبول فيه😡... جايب ليا يوس بي وكاتقول ليا بولي فيه؟؟؟؟ كراميل: هادشي للي فهمت للا ماتبقاي تفرعي ليا كري ... (كيحقق فيها) ولا عرفتي شنو غدا صباح برونشي هاد ليوسبي مع التقبتك وهيا وغيطلعو ليك شي خطوط ما عرفت واحد ما عرفت جوج وغيقولو ليك واش حاملة ولا لا... انا: (شنقت عليه) كطنز عليا انا دابا هااا ...نبرونشيها لديلمك؟؟ عندي سلم ريشتر انا يطلعو ليا الخطووط هاا😡 كراميل: واتي طلقي مني راه هادشي اللي قالت ليا ديك خريوة اللي ف الفرماسيان .. (كيدفعني) حيدي عليا ودخلي شوفي هادشي فالانترنت غانعرفو كي كيخدم!!! انا: (معصبة) هاحنا غنوفو هاد لخرى كي داير... حبد تيليفون و دخل قلب ليا كيفاش كيستعملو هاد الزفت كراميل: وا... واااكحزي عليا لهييه الويل الكحل .. دخل كيقلب وانا حداه كنشوفو داكشي كي غادي عاد فهمنا كيفاش وانا نجمع داك التيست خبيتو ... انا: فين الحلوى اللي قلت ليك جيب... كراميل: هااااهياااا... انا: ياااحلليلي...😍😍😍 نترتها ليه من يدو وخرجت للجردة حليت ديك الكارتونة وحطيتها فوق واحد الطبلة دلخشب فرحااانة ... جاب داكشي بنيين و كتير ههه انا: عارف راسك غاتاكل معايا داكشي علاش جايب جوج جوج من الحاجة كراميل: هاهاا.. راه ماكاياكل بوحدو غير الطبل... ونتي عارفة علاقتي مع الحلوى ههه انا: ههه عااارفا.😍 جلسنا انا وياه الراس فراس فالجردة كنضربو فالحلاوا تا ضلام الحال..و خرجت من البيت انا وياه ب بيجامتي مقزبة و كرشي عريانا للجردة د الفيلا وانا ...نلقى وحدا زعرا معنقا نضال...😨😨😨 ...: توحشتااااك هههه نضال: ههه على السلاامة ... (معنقها)