حبيبي مافيوزي الجزء التاني

93

خرجو وخلاوني بوحدي مرمية فوق الناموسية كنبكي وعاضة فواحد المخدة تحت راسي تا نعست -خرج صابر و نضال من الشومبر كيضحكو وجلسو فوق الناموسيات مقابلين للي فلابسين ونضال شعرو فازك بالماء اللي خوا على راسو وكيهضرو صابر: بقات فيا مسكينة واخاهاكاك ههه نضال: غير بلاتي ... (عاقد حجبانو) ...دابا نربيها مزيان ... سالينا من الفشوش و الضحك ...دابا يا اما تمشي معايا نيشان ودير عقلها يا اما غنقلب عليها فمرة ومانعاودش نضور بيها (هه هادشي الا قدرت نقلب ) صابر: واش من نيتك تقدر تقلب عليها... نضال:الصمت.. صابر: ههه كالما اصاحبي ...راه مروى هادي ماشي شي وحدة خرى...عارفك كتبغيها و ماتقدرش تخليها... نضال:(كيشعل كارو) ضحكاتني هه اول مرة نشوفها تجننات بحال هاكاك.. صابر : ههههه ديجا صعرات فاش كنتي نتا فلكلينيك و دارت ليا الشوهة كيما شتيها كادير دابا.. نضال:بفف(كيتكيف) كلارا:(وقفات عليهم هيا وصاحبتها) هااي. نضال: (كيطلع و يهبط فيهم ب كبرياء) صابر:وا فيين😉... جلسات كلارا هي وصاحبتها معاهم ... كلارا: دغيا كبرو ولادك انضال هه نضال: (كيدق النضرر فيهم) فين وصلتي فالدكتورة؟ كلارا:(خوات لراسها كاس د ويسكي كان محطوط فالطبلة ) مزيان ... نضال:(كااااالم كيهضر و كيعبر بعينيه) اممم ... شكون هاد البنت ؟ كلارا : هادي صاحبتي ...صوفيا...اللي كنت دوزت معاها الصيف العام اللي فات.من المانيا نيت. نضال: اممم...مرحبا (كيدقق فيها باغي يطلعها ويعرف شخصيتها كي دايرة) صابر: كتقرى معاك؟ كلارا:اه.. كنقراو بجوج، فين مروى؟؟ شفتها قبيلة بغيت نسلم عليها ونتا تجرني!!! يااه!!!كاع ماكاتشابهو نتا وياها اصابر.. نتا زعر وهيا حروفها كحلين صابر: كي جاتك😉 كلارا: فنة حسن من التصاور اللي شفت وحتا ولادها كيشبهو فيها...مي عمرني توقعت من نضال غيتزوج ويدير ولادو...ولاكن دوماج طلقتو.🙁 نضال:(الهدووءالتام وكيسمع وكيحلل الهضرة اللي كدوز قدامو) صابر: ايوا ونتي (عنقها) كاين شي عريس ولا والو ههه كرارا: وااالو ههه عندك ليا شي واحد؟؟ صوفيا:(اوووه ماكانش كيسحاب ليا كلارا عندها خوها بحال هادا😍 ناااري على شخصية وعلى شوفات شحال قاصحين ، وقليل فالهضرة كيما عاودات ليا عليه وكتر كاع ... اففف حسيت براسي طحت فيه من اول نضرة) صابر: ههه ها انا.. هههه ماعجبتكش؟ كلارا:(كن غير قلتيها بصح ماشي بالضحك) عااااجبني هههه وشكون مايبغيش هاد الزين هادا كامل