حبيبي مافيوزي الجزء التاني

99

درت راسي ماشفتوش وانا نرجع لبيتي وتبعني كراميل ... كراميل: ههه هاهوا سيفط ليك ولادك يشدوك ..ياك قلت ليك تبعيني و ماغاتندميش😀 انا: زعما بصح يكون هوا اللي قالها ليهم؟؟ كراميل: وشكون فنضرك؟ باش غيعرفوك غاتمشي... مساكن بقاو فيا... ماعرفت اش قاليهم تا خلاهم كينقزو و جاو كيجريو هههه انا: هههه نتا خطييير ...اجي عنداك يعيق بينا شي واحد. كراميل: لالا ماتخافيش .. ومزيان اللي بدلتي الشومبر ونزلتي لهنا حيت مافيهاش كاميرات و لا اجهزة صوتية... انا: اويلي على كاميرات؟؟ كراميل: ههن وشنو يسحاب ليك ههه راه نضال هادا ا حبي توقعي منو اي حاجة .. ومن هنا لفوق ماغانبقاوش نهضرو فهاد لبيت لايمشي يحط لينا شي كاميرا ولا شي لعبة و نحصلو.. انا راه غنمشي فيها شوارما الى مشا تا حصلني... انا: اه عندك الحق و كنضن لحد الان ما مراقبناش،حيت كن كان مراقبنا غيعرف لاياش كنخططو و غيعرفني حاملة.. كراميل: مهم ردي بالك لا تفلت ليك شي كلمة ، راك شتيه كي ولا داير دابا وعلى سبة بحال شي بركان خاصو غير معامن ، مهم ... دابا ضربي شي مايو كيغررد يا ليل يا عين و قلبي شوية على اللون الحكل ... لبسي شي لون مفتوووح (كيتقحبن) ويالاه نتبرونزاو فلابيسين ونشوفو شنو نديرو من بعد ... انا: واخا ...ههه لبست دوبياس سييكسي كيتشدو بالخيوط مضفورين (الصورة) درت مكياج ماءي و لحت فوقي واحد الكاش مشبك وكلاكيطة غوز و سنسلة فرجلي و طلقت شعري وهزيت ساك بحال لقفيفة فيه الزيوت ديال البرونزاج وخرجت كنتكسول عاجبني راسي وراشقة ليا و كنتحلون ونضال جالس مقابل مع الدروج فوق واحد الفوطي داير رجل على رجل ولابس غير الشورط ومتكي والكاس د الويسكي فيدو و الصدر عريان ماكرهتش نتلاح عليه مي قلبت عيني درت راسي مامسوقاش ليه وتميت غادا على وحدة ونص... نضال كانو عينيه فالدروج كيتسناها تنزل تا بانت ليه جايا مقزبة صدماتو بقا غير مخرج عينيه فيها وكيتعصب غير بوحدو وكيقلب عينيه كيحاول مايشوفش فيها مي عينو كضور ضور و ترجع تشوف فيها مع تناهد كيخرجو وحدة من مور وحدة تا خرجات قدامو كتكسول ... خرجت من الباب اللوراني للي فيه لابسين و كيطل على الطبيعة والبحر وانا نلقى كلارا فلابسين كتعوم هيا وصوفيا بدو بياس والقحبة لابسة سترينغ وكتقحبن فالماء و صابر مكسل على واحد الناموسية وكيهضر فالتيلي و كراميل مكسل فالناموسية اللي حداه ناعس على كرشو وعاطي ضهرو الشمس . مشيت تكيلت حداه فوق الناموسية فين مجبد، وهوا يبان ليا نضال جاي تكى حدا صابر وداير نضاضر د الشمس، انا شفتو وحيدت الكاش و نعست على كرشي قلبتي وجهي للجهة لخرى باش مانبقاش نشوف فيه كراميل:(كنهضر بيني وبينو) مزيان اللي لبستي هاد المايو ههه نااري وكن تشوفيه كي كيدير فيك ههه غيتفركع هههه راه كيشوووف فيك من تحت النضاضر وكل شوية كيمص شفايفو بالفقصة انا: هههه حلف ... بلا منضور ونشوف. كراميل: لا غير خليك هاكا راه حاضيك وايلا ضرتي غيعيق بينا كنهضرو عليه .. اري ديك الزيت نديرها ليك لضهرك ههه انا: هزها راهيا فالساك... هز الزيت وجلس يدلك ليا ضهري وكتافي وانا مرخية بالي مع نضال واللولة فيا باغا نضور وجهي ونشوف تا قاليا ... كراميل: ههههه ناض مشا هههههه بحجبانو معصورين وجبهتو مكمشة باينة فيه صعر